བོད་ལྗོངས་ཀྱི་སྐྱེ་ཁམས་ཁོར་ཡུག་སྲུང་སྐྱོབ་དང་ཁོར་ཡུག་འཛུགས་སྐྲུན་ཇེ་ལེགས་སུ་ཕྱིན་པ།

དཔལ་ནང་རྫོང་ཁོངས་སུ་འཚོ་བཞིན་ཡོད་པའི་ངང་པའི་ཁྱུ་ཚོགས།

            བོད་ལྗོངས་ཀྱིས་ཐོག་མཐའ་བར་གསུམ་དུ་དཔལ་འབྱོར་འཛུགས་སྐྲུན་དང་སྐྱེ་ཁམས་ཁོར་ཡུག་ཕན་ཚུན་སྙོམས་སྒྲིག་ཡོང་བ་རྒྱུན་འཁྱོངས་སྒོས་སྐྱེ་ཁམས་ཁོར་ཡུག་སྲུང་སྐྱོབ་ལ་གཙིགས་མཐོང་གནང་ཞིང་། ལྷག་པར་དུ་སྐྱེ་ཁམས་དཔལ་ཡོན་འཛུགས་སྐྲུན་ལ་དོ་སྣང་ཆེན་པོ་བྱས་ཏེ་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་མཚམས་འཛུགས་གཉེར་བྱེད་པར་བརྩོན་ལེན་བྱས་པ་རེད། བསྡོམས་རྩིས་རགས་ཙམ་བྱས་པ་ལྟར་ན། བོད་ལྗོངས་ཀྱིས་ཁོར་ཡུག་སྲུང་སྐྱོབ་དང་སྐྱེ་ཁམས་འཛུགས་སྐྲུན་ཕྱོགས་ལ་བཏང་བའི་མ་དངུལ་སྒོར་དུང་ཕྱུར་༡༠༡ལ་སླེབས་ཡོད་ཅིང་། སྟུད་མར་འཕེལ་རྒྱས་འགྲོ་བའི་ནུས་ཤུགས་སྔར་ལས་ཇེ་དྲག་དང་། སྐྱེ་ཁམས་ཁོར་ཡུག་སྔར་ལས་ཀྱང་ཇེ་ལེགས་ནས་ཇེ་ལེགས་སུ་འགྲོ་བའི་དགའ་འོས་པའི་རྣམ་པ་ཞིག་མངོན་ཡོད།