ཕ་ཁི་སི་ཐན་རྒྱལ་ཁབ་སྐར་རྡོ༼སི་ཁཱ་ཏུའུ་རྫོང་༽རྫོང་ནས་བོད་བཙན་པོ་དུས་སྐབས་ཀྱི་ཡིག་རྙིང་འགའ་རྙེད་པ།

ཕ་ཁི་སི་ཐན་རྒྱལ་ཁབ་སྐར་རྡོ༼སི་ཁཱ་ཏུའུ་རྫོང་༽རྫོང་དུ་རྙེད་པའི་ཆ་མི་ཚང་བའི་
བོད་བཙན་པོ་དུས་སྐབས་ཀྱི་ཡིག་རྙིང་འགའ།

བོད་ལུགས་ཀྱི་སྲུང་འཁོར་བཏགས་པའི་མུའུ་སི་ལིན་གྱི་བྱིས་པ།

　　2010ལོའི་ཟླ5བར་དགེ་རྒན་ཆེན་མོ་ཁྲིན་ཆིན་དབྱིན་གྱིས་ཧིན་རྡུ་རྒྱ་མཚོའི་འགྲམ་རྒྱུད་དུ་གནས་སྐོར་བརྙན་ལེན་བྱེད་སྐབས། ཕ་ཁི་སི་ཐན་སྐར་རྡོ་རྫོང༼སི་ཁ་ཏུའུ་༽ས་ཁུལ་གྱི་རིག་གནས་ལོ་རྒྱུས་མཁས་པ་མུའུ་ཧན་མུའུ་ཏི་ཡིའུ་སུའུ་ཧྥུའུ་ཧོ་སའེ་ཡུན་གྱི་ཁྱིམ་ནས་ཁོས་ཉར་ཚགས་བྱས་ཡོད་པའི་བོད་བཙན་པོ་དུས་སྐབས་ཀྱི་ཡིག་རྙིང་བརྐོས་པའི་བྱང་བུ་ཆ་མི་ཚང་བ་ཞིག་མཐོང་བ་དང་། བོད་རིག་པ་ཞིབ་འཇུག་ལྟེ་གནས་ཀྱི་དགེ་རྒན་ཆེན་མོ་ཁྲིན་ཆིན་དབྱིན་དང་དགེ་རྒན་བང་ཡའོ་སོགས་ཆེད་མཁས་པས་ཞིབ་འཇུག་བྱས་པ་ལས་ཤེས་པ་ལྟར་ན། བྱང་བུ་འདིའི་སྟེང་གི་རི་མོ་དང་ཡི་གེ་སོགས་ཀྱིས་གསལ་བཤད་བྱས་ཡོད་པ་ནི་སྟོན་པར་ཞབས་ཏོག་གི་ཆོ་ག་སྒྲུབ་པ་དང་བསོད་ནམས་ཀྱི་ལས་བཙན་པོ་རྒྱལ་རྒྱུད་ཀྱི་སྟེང་དུ་སྨིན་པར་བྱེད་ཆེད་ལས་པ་ཞིག་ཡིན་པ་དང་། རི་མོ་དང་ཡི་གེ་དེ་དག་ཆ་མི་ཚང་ཡང་། ཕ་ཁི་སི་ཐན་ས་ཁུལ་གྱི་རིག་གནས་ལོ་རྒྱུས་དང་བོད་བཙན་པོ་དུས་སྐབས་ཀྱི་སངས་རྒྱས་ཆོས་ལུགས་ཀྱི་ཆོ་གའི་སྐོར་ལ་ཞིབ་འཇུག་བྱེད་པར་རིན་ཐང་ཆེན་པོ་ཡོད་ཟེར།