ཁྱིམ་སྲོལ་བཟང་བོ་སྡེ་བའི་རྒྱན། ཡ་རབས་སྲོལ་བཟང་མིག་གི་དཔེ།

         སྨན་འཚོའང་རྩྭ་ཐང་གི་བོད་མོ་གཞན་པ་དག་དང་འདྲ་བར་ཆེས་སྤྱིར་བཏང་གི་འབྲོག་མོ་ཞིག་ཡིན་པ་དང་། ཁྱིམ་ལས་དང་ལོ་ལོན་གཉོར་སྐྱོང་གི་ལས་ལ་ཅི་ནུས་ཀྱིས་གཞོལ་གྱིན་ཡོད་པར་མ་ཟད། ཁོ་མོ་རྫོང་དམངས་ཆེན་གྱི་འཐུས་མི་དང་འབྲོང་འཐུས་ཞང་བུད་མེད་འཐུས་ཚོགས་ཀྱི་ཀྲུའུ་རིན་ཡིན། རང་ཁྱིམ་གྱི་ལས་ཀ་དང་གཞུང་གི་བྱ་བ་གང་ལ་མཚོན་ནའང་ཁོ་མོས་ནམ་རྒྱུན་ནན་ནན་ཏན་ཏན་གྱིས་སྒྲུབ་བཞིན་མཆིས།

          གདུགས་དཀར་ཚང་གི་ལོ་ལོན་ལ་གུས་བཀུར་བྱེད་པ་དང་བཟའ་མི་འགྲིག་མཐུན་ཡོང་བ། བྱིས་པ་ཟུང་གི་སློབ་སྦྱོང་དུས་རྟག་ཏུ་དམ་འཛིན་བྱེད་པའི་སྲོལ་བཟང་དེ་བོད་མིའི་སྲོལ་རྒྱུན་གྱི་མཛེས་པ་ཞིག་རྒྱུན་བསྲིངས་པའི་མཚོན་རྟགས་ཤིག་ཡིན་ལ་ཐེངས་འདིའི་ཆེས་མཛེས་པའི་ཁྱིམ་ཚང་འགྲན་སྡུར་གྱི་བྱ་འགུལ་གྱི་དགོངས་གཞི་དང་ཡོངས་ས་མཐུན་པ་ཞིག་ཀྱང་ཡིན།