བསོད་ནམས་རྡོ་རྗེ་ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་ཀྲུའུ་ཞི་གཞོན་པར་བདམས་པ།

ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་ཀྲུའུ་ཞི་གཞོན་པ་བསོད་ནམས་རྡོ་རྗེ།

     སྤྱི་ཟླ6པའི་ཚེས15ཉིན།  དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་རྒྱལ་ཡོངས་འཐུས་མི་ཚོགས་ཆེན་ཐེངས་དགུ་བ་པེ་ཅིན་ནས་རྒྱལ་ཁའི་ངང་མཇུག་སྒྲིལ། ཀྲུང་གོའི་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཏང་ཙུའུ་ཧྲུའུ་ཅིའམ་ཀྲུའུ་ཞི་གཞོན་པ་ཀྲའོ་ཧྲི་དང་། ཀྲུང་གོའི་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཏང་ཙུའུ་ཁོངས་གཏོགས་མི་སྣ། ཧྲུའུ་ཅི་ཁྲུའུ་ཡི་ཧྲུའུ་ཅི་ཁྲིན་ཅེན་ཝུན་སོགས་མཇུག་སྒྲིལ་མཛད་སྒོ་ལ་ཞུགས།
     ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་རྒྱལ་ཡོངས་འཐུས་མི་ཚོགས་ཆེན་ཐེངས་དགུ་བ་ནི་ཟླ6པའི་ཚེས13ཉིན་པེ་ཅིན་ནས་འགོ་ཚུགས། ཚོགས་ཐོག་ཏུ་ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་སྐབས་བརྒྱད་པའི་ལས་འཛིན་ལྷན་ཚོགས་ཀྱི་བྱ་བའི་སྙན་ཞུ་ལ་གྲོས་ཞིབ་བྱས་པ་དང《དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་སྒྲིག་ཡིག》དག་བཅོས་བྱས། འདེམས་བསྐོ་ལས་མི134ཡི་གྲུབ་པའི་ཀྲུང་གོའི་རིག་གནས་སྒྱུ་རྩལ་པའི་མཐུན་ཚོགས་ཀྱི་ལས་འཛིན་ལྷན་ཚོགས་གསར་བ་རྣམས་དང་མི15ཡི་གྲུབ་པའི་ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་ཀྲུའུ་ཞི་རུ་ཁག་གསར་བ་བདམས་ཐོན་བྱུང་། ཕན་ལུའུ་ཧྲེང་ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་སྐབས་དགུ་བའི་ཀྲུའུ་ཞིར་བདམས་པ་དང་།  བསོད་ནམས་རྡོ་རྗེ་སོགས་མི་བཅུ་བཞི་ཀྲུང་གོའི་དམངས་ཁྲོད་རིག་གནས་སྒྱུ་རྩལ་མཐུན་ཚོགས་ཀྱི་སྐབས་དགུ་བའི་ཀྲུའུ་ཞི་གཞོན་པར་བདམས།