ཚྭ་འདམ་བོད་ཡིག་དྲ་བས་པར་གཞི་གསར་བསྒྱུར་དང་ལེ་ཚན་ཁ་བསྣན་པ།

      

ཚྭ་འདམ་བོད་ཡིག་དྲ་བའི་གསར་འགྱུར་དང་གཞུང་ཡིག  ཁྲིམས་སྲོལ་སྐོར་གྱི་ལེ་ཚན། 

       ཉེ་སྔོན་མཚོ་ནུབ་ཁུལ་མི་རིགས་སྐད་ཡིག་བྱ་བའི་གཞུང་སྒྲུབ་ཁང་གི་ལས་བཟོ་བ་ཡོངས་ཀྱིས་ཧུར་བརྩོན་དང་འབད་འབུངས་ལ་བརྟེན་ནས་ཚྭ་འདམ་བོད་ཡིག་དྲ་ཚིགས་ཀྱི་པར་གཞི་གསར་བ་ཇུས་འགོད་བྱས་ཏེ་བཟོ་བསྐྲུན་འགྲུབ་ཡོད་པ་མ་ཟད། ལེ་ཚན་ཡང་རྒྱ་ཆེའི་དམངས་ཚོགས་ཀྱི་དངོས་ཡོད་འཚོ་བ་དང་ཁེ་ཕན་སྲུང་བ་བཅས་ལ་ཁ་འཕྲོད་པ་དང་ན་གཞོན་སྨྱུག་ཐོགས་པ་ཡོངས་ཀྱི་རྩོམ་རིག་དང་སྒྱུ་རྩལ་ཐད་ཀྱི་བླ་མེད་གྲུབ་འབྲས་ངོམ་པའི་སེམས་འདུན་དང་འཚམ་པར་ཁ་བསྣན་ཡོད་པ་རེད།

བོད་ཀྱིི་རིག་གནས་དང་གནའ་གཞུང་ཡིག་ཚང་།   སྒྱུ་རྩལ་དོ་ར། ཆེད་དོན་ལེ་ཚན།

       བོད་ཀྱི་རིག་གནས་དང་གནའ་གཞུང་ཡིག་ཚང་།  ཆེད་དོན་ལེ་ཚན་བཅས་སུ་པར་རིས་དང་ནང་དོན་གཉིས་ལྡན་གྱི་ཁྱད་ཆོས་དོད་ནས་འགོད་བཞིན་ཡོད་པས་དེ་སྐོར་ནས་མོས་པ་ཡོད་མཁན་ཚོས་འཚོལ་བསྡུ་དང་རྩོམ་སྒྲིག་བྱས་ཡོད་པ་རྒྱབ་སྐྱོར་གྱི་ཚུལ་དུ་ཚྭ་འདམ་བོད་ཡིག་དྲ་བའི་ཡིག་ཟམ་དུ་བསྐུར་ཆོག     ལྷག་པར་དུ་སྒྱུ་རྩལ་དོ་རའི་ལེ་ཚན་དུ་བསྐུར་ཚེ་རྩོམ་ལུས་གང་རུང་ཡིན་ཆོག་ལ་ནང་དོན་ཁྲིམས་ལུགས་དང་མི་སྒེར། ཚོགས་པ་བཅས་གང་རུང་གི་ཁེ་དབང་དང་འགལ་མི་རུང་།  སྙན་ངག་གི་སྐོར་ནས་མ་མཐའ་ཡང་རྩོམ་ཡིག་གཉིས་ཡན་ཡོད་དགོས།   དེའི་ཞོར་དུ་རྩོམ་པ་པོ་རང་ཉིད་ཀྱི་འཚོ་བའི་འདྲ་པར་གཅིག་དང་རང་ཉིད་མཚམས་སྦྱོར་མདོར་བསྡུས་བཅས་བསྐུར་དགོས། 

ཡུལ་གྱི་བཀོད་པའི་སྐོར་གྱི་ལེ་ཚན།

       ཡུལ་གྱི་བཀོད་པ་ཞེས་པའི་ལེ་ཚན་དུ་བོད་ཡུལ་གྱི་རི་ཆུའི་རིག་གནས་དང་ཁོར་ཡུག་སྲུང་སྐྱོང་ཐད་དུ་དགེ་མཚན་ལྡན་པའི་གནས་ཁམས་ཆེན་བཅས་ཀྱི་ལོ་རྒྱུས་དང་ངག་རྒྱུན་སོགས་ཀྱི་ནང་དོན་འགོད་བཞིན་ཡོད་པས་དེའི་ཕྱོགས་ཀྱི་ནང་དོན་ལྡན་པའི་རྩོམ་ཡིག་འདྲ་རིས་དང་ལྷན་དུ་བསྐུར་ཆོག   
        ངེད་དྲ་བའི་ཡིག་ཟམ།    cdmzw2011@163.com
        འབྲེལ་གཏུག་ཁ་པར།         0977- 822892       15109772383          13897777713