བོད་ལྗོངས་ཀྱི་དཔྱིད་འདེབས་བྱ་བ་ཚ་ཚ་འུར་འུར་ངང་སྤེལ་མགོ་བརྩམས་པ།

     སྤྱི་ཟླ3ཚེས4ཉིན་ནི་བོད་ཟླ་དང་པོའི་ཚེས14ཡིན་པ་དང་། བོད་ཀྱི་ལོ་ཐོའི་ནང་འཁོད་པ་ལྟར་ན་དེ་ཉིན་ནི་ད་ལོའི་འདེབས་འཛུགས་ཀྱི་ཚེས་བཟང་ཉིན་མོ་རེད། ལྷ་ས་གྲོང་ཁྱེར་ཁྲེང་ཀོན་ཆུས་ཚལ་གུང་ཐང་ཤང་དཔལ་སྡིངས་གྲོང་ཚོའི་ཚོགས་ཆུང་བཞི་པའི་གྲོང་མི་ཡོངས་ཀྱིས་ཞོགས་པ་སྔ་པོ་ནས་གཟབ་མཆོར་སྤྲད་དེ་གླུ་ལེན་གར་འཁྲབ་ཀྱིས་ལོ་གཅིག་ཐེངས་གཅིག་གི་གཉའ་སྤྲོ་གཅོག་མགོ་ཚུགས་པ་རེད།
     ད་ལོ་དགུང་ལོ77ལ་ཕེབས་པའི་བགྲེས་སོང་བྱམས་པ་དངོས་གྲུབ་ཀྱིས་གསར་འགོད་པར། ཞི་བའི་བཅིངས་འགྲོལ་མ་བཏང་གོང་མང་ཚོགས་ཚོས་རང་ཁྱིམ་གྱི་ཞིང་ཁའི་ནང་གཉའ་སྤྲོ་གཅོག་གི་ཡོད། བཅིངས་འགྲོལ་ཐོབ་རྗེས་རིམ་བཞིན་ཚོགས་ཆུང་དང་མཉམ་སྡེབ་ཀྱིས་ཕོ་མོ་རྒན་གཞོན་ཚང་མས་གཟབ་མཆོར་སྤྲད་དེ་མཉམ་དུ་གཉའ་སྤྲོ་གཅོག་གི་ཡོད་པས་ཧ་ཅང་འཁྲུག་པོ་ཡོད་ཅེས་གསུངས་པ་རེད།
     ད་ལོ་དགུང་ལོ39ཡིན་པའི་གྲོང་མི་པ་སངས་ནི་གྲོང་ཚོའི་ནང་སྐད་གྲགས་ལྡན་པའི་འདྲུད་འཐེན་འཁོར་ལོ་གཏོང་མཁས་ཤོས་ཤིག་ཡིན་པ་དང་། ཁོང་གིས། ང་ཚོའི་ནང་གི་ས་ཞིང་མུའུ24ཡོད་པ་ཚང་མར་འཕྲུལ་རྨོས་བྱེད་ཀྱི་ཡོད། སྲིད་གཞུང་གིས་ང་ཚོར་རིན་པ་མི་དགོས་པར་སོན་བཟང་བོད་ནས་ཨང320སྤྲད་པས་ཉེ་བའི་ལོའི་ནང་། ནས་ཀྱི་ཐོན་ཚད་མཐོ་རུ་མངོན་གསལ་དོད་པོ་ཕྱིན་པ་དང་ན་ནིང་ས་ཞིང་བཏབ་པ་ཁོ་ནའི་ཡོང་འབབ་སྒོར་ཁྲི་ཚོ7ལྷག་ཙམ་བྱུང་། ད་ཆ་ང་ཚོ་ཞིང་པའི་རྨོ་འདེབས་བྱེད་སྟངས་སྔར་བས་སྟབས་བདེ་རུ་ཕྱིན་ཡོད་ལ་འཚོ་བ་ཡང་ཇེ་ཡག་ཏུ་ཕྱིན་ཡོད་ཅེས་གསུངས་པ་རེད།