སྐབས་བརྒྱད་པའི་ཁམས་ཀྱི་རིག་གནས་གནས་སྐོར་སྒྱུ་རྩལ་དུས་ཆེན་དང་ཡུལ་ཤུལ་རྟ་རྒྱུག་འགྲན་སྡུར་འགོ་བརྩམས་པ།

　　ཟླ7པའི་ཚེས25ཉིན། སྐབས་བརྒྱད་པའི་ཁམས་ཀྱི་རིག་གནས་གནས་སྐོར་སྒྱུ་རྩལ་དུས་ཆེན་དང་ཡུལ་ཤུལ་རྟ་རྒྱུག་འགྲན་སྡུར་ཡུལ་ཤུལ་བོད་རིགས་རང་སྐྱོང་ཁུལ་དུ་འགོ་བརྩམས་ཤིང་། ཐེངས་འདིའི་སྒྱུ་རྩལ་དུས་ཆེན་ཉིན་བཞིའི་རིང་དུ་བསྡུ་རྒྱུ་རེད།
　　རྒྱུས་ལོན་བྱུང་བ་ལྟར་ན་ཁམས་ཀྱི་སྒྱུ་རྩལ་དུས་ཆེན་ནི1994ལོ་ནས་བསྡུས་པ་དང་། སྒྱུ་རྩལ་དུས་ཆེན་དེ་ཁམས་ཕྱོགས་ཀྱི་སྲིད་འབྱོར་རིག་གསུམ་བརྗེ་རེས་བྱེད་པའི་སྟེགས་བུ་ཞིག་ཏུ་གྱུར་འདུག་ལ། དེས་མི་རིགས་ཀྱི་རིག་གནས་འཛིན་སྤེལ་དང་ཡུལ་ཁོངས་གྱི་དཔལ་འབྱོར་མཐུན་སྦྱོར་སྒོས་གོང་དུ་སྤེལ་བར་ནུས་པ་གལ་ཆེན་ཐོན་གྱིན་ཡོད་པ་རེད།