རེབ་གོང་ཐང་ག་ཧྲིན་ཀྲིན་གྱི་རིག་དངོས་བཤམས་ཚོགས་སུ་བཀྲམ་པ།
མཚོ་སྔོན་རེབ་གོང་ཐང་ག་འགྲེམ་སྟོན།
ཟླ5བའི་ཚེས13ཉིན་ནས་ཚེས28བར། ཀྲུང་གུང་ཧྲིན་ཀྲིན་གྲོང་ཁྱེར་ལོ་ཧུའུ་ཁུལ་རིག་གནས་ལུས་རྩལ་ཅུའུ་དང་ཀྲུང་གུང་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རིག་གནས་ལུས་རྩལ་ཅུས་གཙོ་སྒྲུབ་དང་། མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་སྒྱུ་རྩལ་ཁང་དང་ཧྲིན་ཀྲིན་གྲོང་ཁྱེར་ལོ་ཧུའུ་རིག་གནས་སྤྱི་གླིང་། པེ་ཅིང་ཙོང་ཁ་རིག་གནས་བརྒྱུད་སྒྲོག་ཚད་ཡོད་ཀུང་ཟི་བཅས་ཀྱིས་འགན་སྒྲུབ་གནང་བའི་བོད་བརྒྱུད་རེབ་གོང་ཐང་ག་ཧྲིན་ཀྲིན་རིག་དངོས་བཤམས་ཚོགས་སུ་འགྲེམ་སྟོན་བྱེད་པའི་བྱ་འགུལ་དེ་ཧྲིན་ཀྲིན་ལོ་ཧུའུ་གསར་སྐྲུན་རིག་གནས་ཐང་ཆེན་དུ་བསྡུས།
མཚོ་སྔོན་རེབ་གོང་ཐང་ག་འགྲེམ་སྟོན།
ཐེངས་འདིའི་འགྲེམ་སྟོན་སྟེང་ཐང་གའི་བརྩམས་ཆོས40ལྷག་དང་ཐང་ག་བཞེངས་པའི་ཡོ་ཆས་དང་གཏེར་དངོས་བྱུགས་རྫས་སོགས་འདུས་པ་དང་། དེ་ལས་ཤ་བོ་ཚེ་རིང་གི་དགེ་ཕྲུག་གིས་བཞེངས་པའི་རིང་ཚད་ལ་སྨི6ཅན་གྱི《ནོར་ལྷ་ཁག་ལྔ》དང་། རྒྱལ་ཁབ་ལག་ཤེས་མཛེས་རིས་པ་གདུགས་དཀར་གྱི《རྒྱལ་བ་བྱམས་པ》། རྒྱལ་ཁབ་ལག་ཤེས་མཛེས་རིས་པ་ཀུན་ཐར་གྱི《སྒྲོལ་དཀར》སོགས་ནི་ཤིན་ཏུ་མཐོང་དཀོན་པའི་ཁྱད་ནོར་དུ་ངེས།
མཚོ་སྔོན་རེབ་གོང་ཐང་ག་འགྲེམ་སྟོན།
