བོད་ལྗོངས་ཀྱིས2013ལོར་བོད་ཀྱི་སྨན་པ་ཉམས་མྱོང་ཅན་གྱི་སྨན་ཡིག་ཁྲི10འཚོལ་སྡུད་བྱས།

      བོད་རང་སྐྱོང་ལྗོངས་བོད་སྨན་ཁང་གི2013ལོའི་བྱ་བའི་ཚོགས་འདུ་དེ་ཚེས23ཉིན་ལྷ་ས་རུ་བསྡུས་ཤིང་། རྒྱུས་ལོན་པ་ལྟར་ན། སྨན་ཁང་འདིས2013ལོའི་ལོ་མགོ་ནས་བཟུང་བོད་ཀྱི་སྨན་པ་ཉམས་མྱོང་ཅན་དང་སྨན་ཡིག་སྔོག་འདོན་བྱ་བ་སྤེལ་བའི་གྲུབ་འབྲས་མངོན་གསལ་ལྡན་པ་དང་། ན་ནིང་གི་ཟླ12པའི་མཇུག་བར་དུ་བསྡོམས་པས་ཉམས་མྱོང་ཆེ་བའི་སྨན་ཡིག་ཁྲི10དང་བོད་ཀྱི་སྨན་པ་གྲགས་ཅན་གྱི་གྲོས་གཞི220འཚོལ་སྡུད་བྱས་པ་རེད།
      2013ལོའི་ལོ་མགོར། བོད་རང་སྐྱོང་ལྗོངས་བོད་སྨན་ཁང་གིས2006ལོ་ནས་བཟུང་བའི་རྒྱལ་ཁབ་ཀྱི་སྨན་པ་གྲགས་ཅན་བྱམས་པ་འཕྲིན་ལས་དང་། དཔལ་ལྡན་བསྟན་འཛིན་དང་བློ་བཟང་ཡེ་ཤེས། ངག་དབང་ཕུན་ཚོགས། ཐར་ཆེན། བློ་བཟང་ནོར་བུ་སོགས་བོད་ཀྱི་སྨན་པ་གྲགས་ཅན་གྱི་ཉམས་མྱོང་སྨན་ཡིག་འཚོལ་སྡུད་བྱེད་མགོ་བརྩམས་པ་མ་ཟད། གྲངས་འཛིན་སྔོག་འདོན་དང་མ་ལག་རིགས་དབྱེ་གནང་སྟེ་གྲངས་མཛོད་འཛུགས་སྐྲུན་བྱས།