《བདེ་ཆེན་རིག་གནས་ལོ་རྒྱུས་ཀྱི་དཔྱད་གཞིའི་ཡིག་ཆ》(དེབ་དགུ་བ)པར་དུ་བསྐྲུན་པ།

      ཉེ་སྔོན། བདེ་ཆེན་ཁུལ་སྲིད་གྲོས་རིག་གནས་ལོ་རྒྱུས་ཨུ་ཡོན་ལྷན་ཁང་གིས་རྩོམ་སྒྲིག་བྱས་པའི《བདེ་ཆེན་རིག་གནས་ལོ་རྒྱུས་ཀྱི་དཔྱད་གཞིའི་ཡིག་ཆ》(དེབ་དགུ་བ)པར་དུ་བསྐྲུན་པ་རེད། འདི་ནི་བདེ་ཆེན་ཁུལ་སྲིད་གྲོས་ཀྱི་རིག་གནས་ལོ་རྒྱུས་ལས་ཀའི་ཐོག་གི་གྲུབ་འབྲས་ཞིག་ཡིན།
      《བདེ་ཆེན་རིག་གནས་ལོ་རྒྱུས་ཀྱི་དཔྱད་གཞིའི་ཡིག་ཆ》(དེབ་དགུ་བ)ཡི་ནང་དུ་རྩོམ་ཡིག43ཡོད་ཅིང་། ཐང་རྒྱལ་རབས་ནས་ཀྲུང་གོ་གསར་བ་བཙུགས་པའི་བར་དུ་བདེ་ཆེན་ནས་ཐོན་པའི་རིན་ཐང་ལྡན་པའི་ལོ་རྒྱུས་ཀྱི་དཔྱད་གཞིའི་ཡིག་ཆ་བསྡུས་པ། བདེ་ཆེན་གོང་འཕེལ་གྱི་རྗེས་ཤུལ་དང་། སྤྱི་ཚོགས་ཡུལ་ལྗོངས། ལོ་རྒྱུས་ཤུལ་བཞག མི་རིགས་རིག་གནས་སོགས་ཀྱི་ནང་དོན་བཀོད་ཡོད་དེ། ཀློག་རུང་བའི་རང་བཞིན་དང་སྤྲོ་སྣང་རང་བཞིན་ལྡན་པ་རེད།
      བདེ་ཆེན་ཁུལ་སྲིད་གྲོས་རིག་གནས་ལོ་རྒྱུས་ཨུ་ལྷན་གྱི་རྩོམ་སྒྲིག་མི་སྣས་མཚམས་སྦྱོར་བྱས་པ་ལྟར་ན། རིག་གནས་ལོ་རྒྱུས་དཔྱད་ཡིག་གི་ལས་ཀ་དེ་ནི་མི་དམངས་སྲིད་གྲོས་ཀྱི་ཁྱད་ལྡན་ལས་ཀ་ཞིག་ཡིན། དུས་ཡུན་རིང་པོ་ལ་ལོ་རྒྱུས་ཉར་བ་དང་། ཆབ་སྲིད་ལ་ཞབས་ཞུ་བ། མཐུན་སྒྲིལ། མི་སྣ་གསོ་སྐྱོང་བྱེད་པ་བཅས་ཀྱི་གལ་ཆེའི་ནུས་ཤུགས་འདོན་པ་རེད།
      མིག་སྔའི་བར། སྐབས་རིམ་བྱུང་གི་སྲིད་གྲོས་རིག་གནས་ལོ་རྒྱུས་ཨུ་ལྷན་གྱིས་སྔ་རྗེས་སུ་རིག་གནས་ལོ་རྒྱུས་ཀྱི་དཔྱད་ཡིག་དེབ9བསྒྲིགས་པ། དེའི་ནང་གི་དེབ8པ་ལ2012ལོའི་ཡུན་ནན་ཞིང་ཆེན་སྲིད་གྲོས་ཀྱི་སྐབས་དང་པོའི་ཕུལ་བྱུང་རིག་གནས་ལོ་རྒྱུས་དཔེ་དེབ་ཀྱི་བྱ་དགའ་ཨང་གཉིས་པ་ཐོབ་པ་རེད།