༄༅།།ཏོག་དབྱིབས་ནད་དུག་གསར་བའི་རིམས་ནད་འགོག་བཅོས་ཀྱི་གནས་ཚུལ།

ཞིན་ཧྭ་གསར་འགྱུར་ཁང་གི་གསར་འགོད་པས་ཚེས3ཉིན་རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་ནས་རྒྱུས་ལོན་བྱུང་བ་ལྟར་ན། ཟླ2པའི་ཚེས3ཉིན་གྱི་དུས་ཚོད་ཐིག་ནས་དུས་ཚོད24བར་དུ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་གིས་གསར་དུ་ངོས་བཟུང་བའི་ནད་པ3235ལ་སླེབས་པ་དང་། དེའི་ནང་ནད་པ་ལྕི་མོའི་རིགས492གསར་དུ་འཕར་བ་དང་། གསར་དུ་རྐྱེན་ལམ་དུ་ཤོར་མཁན64ལ་སླེབས། གསར་དུ་ནད་དྲག་སྐྱེད་བྱུང་ནས་སྨན་ཁང་ལས་ཕྱིར་བུད་པའི་ནད་པ157ལ་སླེབས། དོགས་ཡོད་ནད་པ5072གསར་དུ་འཕར།
ཟླ2པའི་ཚེས3ཉིན་གྱི་དུས་ཚོད24བར་དུ། རྒྱལ་ཁབ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་ལ་ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་སོ་གཅིག་དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ནས་བསྡོམས་རྩིས་བྱས་ཏེ་ནད་པ20438ངོས་བཟུང་བའི་སྙན་ཞུ་འབྱོར་ཡོད། ད་ལྟ་ནད་པ་ལྕི་མོ2788ཡོད། བསྡོམས་པས་ནད་པ425རྐྱེན་ལམ་དུ་ཤོར་བ་དང་།ནད་དྲག་སྐྱེད་བྱུང་ནས་སྨན་ཁང་ལས་ཕྱིར་བུད་པའི་ནད་པ632ཡོད། དོགས་ཡོད་ནད་པ་བསྡོམས་པས23214ཡོད། མིག་སྔར་ནད་པ་དང་འབྲེལ་འདྲིས་ཟབ་མོ་བྱས་པའི་མི221015ལ་རྗེས་འདེད་རྟོག་ཞིབ་བྱེད་བཞིན་ཡོད་ལ། ཉིན་དེར་མི12755ལ་གསོ་རིག་བརྟག་དཔྱད་བྱེད་མཚམས་བཞག བསྡོམས་པས་མི171329ཡིས་གསོ་རིག་བརྟག་དཔྱད་དང་ལེན་བྱེད་ཀྱིན་མཆིས། ཞང་ཀང་དང་ཨོ་མིན། ཐེ་ཝན་བཅས་སུ་བསྡོམས་པས་ནད་པ 33ངོས་བཟུང་ཡོད་ཅིང་། དེའི་ནང་ཞང་ཀང་དམིགས་བསལ་སྲིད་འཛིན་ས་ཁུལ་དུ་ནད་པ15དང་། ཨོ་མིན་དམིགས་བསལ་སྲིད་འཛིན་ས་ཁུལ་དུ་ནད་པ8། ཐེ་ཝན་ས་ཁུལ་དུ་ནད་པ 10 བཅས་ཡོད།  2020ལོའི་ཟླ2ཚེས3ཉིན་གྱི་ཆུ་ཚོད0ནས24བར་མཚོ་སྔོན་ཞིང་ཆེན་དུ་ཏོག་དབྱིབས་ནད་དུག་གསར་པའི་རིམས་ནད་ངོས་བཟུང་བའི་ནད་པ2གསར་དུ་འཕེལ་བ་དང་། ནད་གཞི་ལྕི་མོའི་རིགས་གཅིག་ཀྱང་གསར་དུ་འཕར་མེད་ལ། རིམས་ནད་ལས་ཤི་བའི་མི་གཅིག་ཀྱང་མེད་པ་དང་། སྨན་ཁང་ནས་དྲག་སྐྱེད་བྱུང་སྟེ་ཕྱིར་བུད་པའི་ནད་པ་ཡང་གཅིག་ཀྱང་མེད། དེའི་ཁྲོད་དུ་མཚོ་བྱང་ཁུལ་དུ་རིམས་ནད་ཡོད་པའི་ནད་པ་གཉིས་གསར་དུ་ངོས་འཛིན་བྱས། མཚོ་བྱང་ཕུད་པའི་ཁུལ་དང་གྲོང་ཁྱེར་གཞན་དུ་རིམས་ནད་ཡོད་པའི་གནས་ཚུལ་མེད། ཟླ2ཚེས3ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་དུ་རིམ་རྩིས་བྱས་ན་ཏོག་དབྱིབས་ནད་དུག་གསར་པའི་རིམས་ནད་ཕོག་པའི་ནད་པ་15དང་། ནད་གཞི་ཚབས་ཆེན་གྱི་ནད་པ1། ཤི་བའི་ནད་པ0། སྨན་ཁང་ནས་ཕྱིར་བུད་པའི་ནད་པ་0བཅས་སྙན་ཞུ་བྱས་པའི་ཁྲོད། ཟི་ལིང་གྲོང་ཁྱེར་དུ་ནད་པ12ཡོད་པ་དང་། མཚོ་བྱང་ཁུལ་ཏུ་ནད་པ་3 ཡོད། མིག་སྔར་ནད་པ་དང་འབྲེལ་འདྲིས་དམ་ཟབ་ཡོད་པའི་མི284ལ་རྗེས་འདེད་བྱས་ཏེ་རྩད་ཆོད་ཡོད་པ་དང་། མི3ལ་གསོ་རིག་ལྟ་ཞིབ་ཀྱི་རིམ་པ་མེད་པར་བཟོས་ཤིང་། ད་དུང་མི281ཀྱིས་གསོ་རིག་ལྟ་ཞིབ་དང་ལེན་བྱེད་བཞིན་ཡོད།