༄༅།།ཚེས24ཉིན་གྱི་ལྗོངས་ཞིང་ལྔའི་ནད་ཡམས་གནས་ཚུལ་གསར་བ།

རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་ནས་སྤེལ་བའི་གནས་ཚུལ་ལྟར་ན། ཟླ2པའི་ཚེས24ཉིན་གྱི་ཆུ་ཚོད18:00བར། རྒྱལ་ཡོངས་སུ་ཁྱོན་སྡོམ་ཏོག་གསར་གློ་ཚད་འགོས་པའི་ནད་པ77269དང་། དོགས་ཡོད་ནད་པ3434ནད་ལས་ཐར་བ24884 ཚེ་ལས་འདས་པ2596བཅས་བྱུང་ཡོད།  ཟླ2པའི་ཚེས24ཉིན་གྱི་ཆུ་ཚོད18:00བར། བོད་ལྗོངས་སུ་ནད་པ་གཅིག་ཀྱང་གསར་དུ་བྱུང་མེད་ཅིང་ནད་པ་གཅིག་ཀྱང་མེད་པར་གནས་ཡོད།  
སི་ཁྲོན་དུ་ནད་པ527བྱུང་བ་ལས265དྲག་སྐྱེད་བྱུང་བ་ཞིང3ཚེ་ལས་འདས་པ་དང་། ད་ཡོད་ནད་པ259ཡོད།   (དཀར་མཛེས་ཁུལ་དུ་ཁྱོན་ནད་པ69བྱུང་བ་ལས12དྲག་སྐྱེད་བྱུང་བས་ད་ཡོད་ནད་པ57ཡིན་པ་དང་། རྔ་བ་ཁུལ་གྱི་ནད་པ་གཅིག་པུ་དེ་དྲག་སྐྱེད་བྱུང་ནས་ནད་པ་གཅིག་ཀྱང་མེད་པར་གྱུར་ཡོད།)  
མཚོ་སྔོན་དུ་ཁྱོན་སྡོམ་ནད་པ18བྱུང་བ་ལས་ནད་པ18དྲག་སྐྱེད་བྱུང་བས་ནད་པ་གཅིག་ཀྱང་མེད་པར་གྱུར་ཡོད། (མཚོ་བྱང་ཁུལ་དུ་ཁྱོན་སྡོམ་ནད་པ3བྱུང་བ་ལས་ཡོངས་རྫོགས་དྲག་སྐྱེད་བྱུང་ཡོད།)
ཀན་སུའུ་རུ་ནད་པ91བྱུང་བ་ལས་ནད་པ78དྲག་སྐྱེད་བྱུང་ཞིང2ཚེ་ལས་འདས་པ་དང་། ད་ཡོད་ནད་པ11ཡོད། (ཀན་ལྷོར་ནད་པ8བྱུང་བ་ལས8ཆ་ཚང་དྲག་སྐྱེད་བྱུང་ནས་ནད་པ་གཅིག་ཀྱང་མེད་པར་གྱུར་ཡོད།) 
ཡུན་ནན་དུ་ནད་པ174བྱུང་བ་ལས124དྲག་སྐྱེད་བྱུང་ཞིང་། 2ཚེ་ལས་འདས་པ་དང་ད་ཡོད་ནད་པ48ཡོད།