རྨ་ཆུའི་གཡང་འཁྱིལ་ཆུ་གློག་ས་ཚིགས་ཀྱི་ལས་འགོ་དངོས་སུ་བརྩམས།

        སྤྱི་ཟླ12པའི་ཚེས26ཉིན་གྱི་སྔ་དྲོར་རྨ་ཆུའི་གཡང་འཁྱིལ་ཆུ་གློག་ས་ཚིགས་ཀྱི་ཆུ་ལམ་གཙོ་བོའི་བཞུར་རྒྱུན་ཡོངས་སུ་བཅད་པ་དེས་ལས་གཞི་ཨར་ལས་ཀྱི་བརྒྱུད་རིམ་གཙོ་བོར་སླེབས་པ་མཚོན།

        རྨ་ཆུའི་གཡང་འཁྱིལ་ཆུ་གློག་ས་ཚིགས་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་དང་མང་རྫོང་གཉིས་ཀྱི་འབྲེལ་མཚམས་སུ་ཡོད་པ་དང་། རྨ་ཆུའི་ཆུ་རྒྱུན་ཚལ་རྔ་འགག་ཆུ་གློག་ས་ཚིགས་སྟོད་རྒྱུད་ཀྱི“ཚི་ཧ་དང་འབའ་མདོ། གཡང་འཁྱིལ”བཅས་འཆར་འགོད་སྐས་རིམ་གློག་ཚིགས་གསུམ་གྱི་ཆེས་ཞོལ་མ་ཡིན་ཞིང་ལས་གཞིའི་འགན་འཁྲི་གཙོ་བོ་ནི་གློག་འདོན་རྒྱུ་དེ་ཡིན། གློག་འདོན་ས་ཚིགས་ཀྱི་སྤྱིའི་གློག་འདོན་འཕྲུལ་འཁོར་ནས་གློག་འདོན་ཚད་ནི་ཆན་ཝ་ཁྲི120ཡིན་ལ། ཆུ་མཛོད་ཀྱི་ཤོང་ཚད་ནི་སྨི་རྒྱ་དཔངས་གྲུ་བཞི་མ་དུང་ཕྱུར16.39ཡིན། ལོ་མང་བོར་ལོ་རེའི་ཆ་སྙོམས་ཀྱིས་གློག་གཏོང་ཚད་ཆན་ཝ་ཆུ་ཚོད་དུང་ཕྱུར47.32ཡིན།

        གཡང་འཁྱིལ་ཆུ་གློག་ས་ཚིགས་ཀྱི་ལས་གཞིའི་ཁྲོད་ཕྲ་རྒྱན་ཨར་འདམ་སྡེབ་སྒྲིག་ཆུ་རགས་ཀྱི་གྲུབ་ཚུལ་ཐོག་མར་གསར་གཏོད་དང་བེད་སྤྱོད་བྱས་ཤིང་། “འོད་ཤུགས+ནུས་གསོག”ནི་ལས་གཞིའི་གློག་ཁུངས་ཀྱིས་རྒྱུན་གཏན་གློག་ཁུངས་དང་། གློག་གསོག་བྱང་བུས་སྣུམ་འགུལ་སྐྱེལ་འདྲེན་རླངས་འཁོར་གྱི་ཚབ་བྱས་ལ། རགས་ཆེན་གྱིས་ཁ་ལོ་བ་མེད་པའི་རང་འགུལ་ཚོང་ཁང་དང་བཙིར་གནོན་ལག་རྩལ་སྤྱད་པ་སོགས་ཁྱད་ཆོས་དྲུག་ལྡན།