མིའི་ལུས་ཀྱི་ཆ་ཤས་འདི་ཉའི་རྣ་གཤོག་རིམ་འགྱུར་ལས་བྱུང་བ་ཡིན་པ།

        ཉེ་ཆར་རྒྱལ་སྤྱིའི་རིག་གཞུང་དུས་དེབ«སྐྱེ་ཁམས་དང་རིམ་འགྱུར་གྱི་མདུན་ས»ཞེས་པའི་ནང་ཀྲུང་གོ་དང་། སུའེ་ཏེན། དབྱིན་ཇི་བཅས་རྒྱལ་ཁབ་གསུམ་གྱི་ཚན་རིག་པའི་ཞིབ་འཇུག་གྲུབ་འབྲས་གསར་ཤོས་སྤེལ་ཏེ། མིའི་རིགས་ཀྱི་བར་རྣ་ནི་ཉའི་རྣ་གཤོག་རིམ་འགྱུར་བྱུང་ནས་གྲུབ་པ་ཐོག་མར་གསལ་སྟོན་བྱས་པ་རེད།         འོན་ཀྱང་ཉའི་ཆུ་ཕུད་ཁུང་བུ་ནི་ཇི་ལྟར་བྱུང་བ་ཡིན་ནམ། གནད་དོན་འདིས་རིག་གཞུང་གི་སྡེ་ལ་ལོ་ངོ་བརྒྱ་ལྷག་རིང་དཀའ་ངལ་བཟོས། མཇུག་མཐར་ཚན་རིག་པས་ཀྲུང་གོའི་འགྱུར་རྡོའི་ཁྲོད་ནས་གབ་ཚིག་དེའི་ཁུངས་སྣེ་དེ་རྙེད་པ་རེད།
        “ཉེ་བའི་ལོ20ཡི་རིང་ལ། ང་ཚོའི་ཞིབ་འཇུག་ཚོགས་པས་སྔ་རྗེས་སུ་ཀྲེ་ཅང་ཁྲང་ཤིང་དང་ཡུན་ནན་ཆུས་ཅིང་དུ་སོ་སོ་ལོ་དུང་ཕྱུར4ལྷག་ཙམ་གྱི་ཉ་དང་ཉའི་རྣ་གཤོག་དང་པོའི་ནང་ཉའི་རྣ་གཤོག་གི་ཁྲག་རྩའི་རྗེས་ཤུལ་ཆ་ཚང་ཉར་བའི་ཉའི་འགྱུར་རྡོ་ཞིག་རྙེད་པས། སྒལ་ཚིགས་སྲོག་ཆགས་ཀྱི་ཆུ་ཕུད་ཁུང་བུ་ནི་ཉའི་རྣ་གཤོག་ལས་བྱུང་བར་གནད་ལ་ཁེལ་བའི་དཔྱད་ཞིབ་དང་འགྱུར་རྡོའི་དཔང་རྟགས་མཁོ་འདོན་བྱས་ཡོད”ཅེས་ཀའེ་ཀྲི་ཁུན་གྱིས་དེ་ལྟར་བཤད།           ཀའེ་ཀྲི་ཁུན་གྱིས་བརྗོད་དོན། གསར་རྙེད་འདིས་མིའི་རིགས་ཀྱི་རྣ་བ་དང་ཁའི་བརྒྱུད་ལམ་ཅིའི་ཕྱིར་མཐུད་ནས་ཡོད་པ་གསལ་བཤད་བྱས་ཡོད། དེ་དག་མཐུད་པ་ནི་ལོ་ངོ་དུང་ཕྱུར4ལྷག་ཙམ་གྱི་གོང་ཡིན་པ་སྟེ། དེ་ནི་ཉ་རིགས་ཀྱི་ཆུ་ཕུད་ཁུང་བུ་ཁ་ནང་བརྒྱུད་ནས་ཉའི་རྣ་གཤོག་ལ་རྒྱུ་བའི་འབྱིན་རྔུབ་རྒྱུ་ལམ་རེད།
          “འདི་ནི་གནའ་བོའི་ཉ་རིགས་ཀྱིས་མིའི་རིགས་ལ་བཞག་པའི་རིམ་འགྱུར་བྱུང་བའི་རྗེས་ཤུལ་ཡིན་ལ། ད་ལྟ་ང་ཚོས་དེ་ལ་རྣ་གྲེ་སྦུ་གུ་ཞེས་འབོད”ཅེས་ཀའེ་ཀྲི་ཁུན་གྱིས་དེ་ལྟར་བཤད།