མཚོ་ལྷོ་ཁུལ་གྱི“ལྗང་སྨྱུག་བུམ་པའི”སློབ་འབྲིང་སློབ་མའི་གསར་རྩོམ་འགྲན་བསྡུར་སྐབས་དང་པོའི་རྩོམ་བསྡུའི་གསལ་བརྡ།

       རྒྱ་ཆེའི་སློབ་མའི་རྩོམ་འབྲིའི་སྤྲོ་སེམས་སྐྱེད་པ་དང་། སློབ་མའི་ལྟ་ཞིབ་ཀྱི་ནུས་པ་དང་། འདོད་བློ་སྟོན་པའི་ནུས་པ། བསམ་གཞིག་གི་ནུས་པ། གསར་གཏོད་ཀྱི་ནུས་པ་བཅས་གསོ་སྐྱོང་བྱེད་པ། སློབ་མའི་སྐད་ཡིག་གི་བྱང་ཚད་ཕྱོགས་ཡོངས་ནས་མཐོར་འདེགས་གཏོང་བ། སློབ་མའི་རྩོམ་འབྲིའི་བློ་སྦྱོང་མཐོར་འདེགས་གཏོང་བ། རྒྱ་ཆེའི་སློབ་མ་རྣམས་ལ་རང་ཉིད་ངོམ་པའི་ལས་སྟེགས་ཤིག་སྐྲུན་པ། རྩོམ་རིག་གི་རྒྱབ་དཔུང་སྔར་ལས་གསོ་སྐྱོང་བཅས་བྱ་ཆེད། གུང་གཞོན་ཚོགས་པའི་མཚོ་ལྷོ་བོད་རིགས་རང་སྐྱོང་ཁུལ་ཨུ་དང་མཚོ་ལྷོ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱིས་གཙོ་སྒྲུབ་དང་། མཚོ་ལྷོ་ཁུལ་རྩོམ་པ་པོའི་མཐུན་ཚོགས་ཀྱིས་འགན་སྒྲུབ་བྱེད་པའི“ལྗང་སྨྱུག་བུམ་པའི”སློབ་འབྲིང་སློབ་མའི་གསར་རྩོམ་བསྡུ་བའི་འགྲན་བསྡུར་དེ་ཁུལ་ཡོངས་ཀྱི་སློབ་འབྲིང་སློབ་མར་ཁ་ཕྱོགས་ཏེ་རྩོམ་ཡིག་བསྡུ་བ་ཡིན།
གཅིག རྩོམ་བསྡུའི་མིང་།
       “ལྗང་སྨྱུག་བུམ་པའི”སློབ་འབྲིང་སློབ་མའི་གསར་རྩོམ་བསྡུ་བའི་འགྲན་བསྡུར་སྐབས་དང་པོ།
གཉིས། རྩ་འཛུགས་ལས་ཁུངས།
       གཙོ་སྒྲུབ། གུང་གཞོན་ཚོགས་པའི་མཚོ་ལྷོ་བོད་རིགས་རང་སྐྱོང་ཁུལ་ཨུ་དང་། མཚོ་ལྷོ་ཁུལ་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས།
       འགན་སྒྲུབ། མཚོ་ལྷོ་ཁུལ་རྩོམ་པ་པོའི་མཐུན་ཚོགས་དང་། «ཁྲི་ཤོར་རྒྱལ་མོ»རྩོམ་སྒྲིག་ཁང་།
གསུམ། འགྲན་བསྡུར་གྱི་བརྗོད་གཞི།
       མཆོག་གཙང་མཚོ་ལྷོ། ལང་ཚོའི་ཕུགས་འདུན།
བཞི། འགྲན་བསྡུར་གྱི་དུས་ཚོད།
       2024ལོའི་ཟླ5པའི་ཚེས15ཉིན་ནས་ཟླ6པའི་ཚེས15ཉིན་བར།
ལྔ། འགྲན་བསྡུར་གྱི་རེ་འདུན།
       1.ཁྱབ་ཁོངས། ཁུལ་ཡོངས་ཀྱི་སློབ་གྲྭའི་སློབ་འབྲིང་སློབ་མ།(དམའ་གཅིག་ནས་མཐོ་གསུམ་བར།)
       2.རྩོམ་ལུས། ལྷུག་རྩོམ།
       3.བརྗོད་བྱ། འགྲན་ཞུགས་བརྩམས་ཆོས་ངེས་པར་དུ“འཚོ་བ་ཅན་གྱི་ནང་དོན་དང་། རང་གཤིས་ཅན་གྱི་མཚོན་ཚུལ། སྣ་མང་ཅན་གྱི་རྩོམ་རྩལ”བཅས་ལྡན་པའི་རྩོམ་འབྲིའི་འདུ་ཤེས་དང་མཐུན་དགོས་པ་དང་། བརྗོད་བྱ་དང་རྩོམ་གཤིས་ལ་ཚད་བཀག་མེད་ཅིང་། བརྩམས་ཆོས་ཀྱི་ནང་དོན་གསར་ཞིང་བརྗོད་གཞི་མངོན་གསལ་ལྡན་ལ་ཀློག་རིན་ཆེ་བ་བཅས་ཡིན་དགོས་པ་དང་། ལང་ཚོའི་སྐྱེ་སྟོབས་མངོན་དགོས།
       4.ཡིག་འབྲུ། སློབ་འབྲིང་སློབ་མར་ཡིག་འབྲུ800-1500ཚུན་དང་། མཐོ་འབྲིང་སློབ་མར་ཡིག་འབྲུ1000-25000ཚུན་ཡིན།
       5.རྣམ་པ། གློག་རྡུལ་བརྩམས་ཆོས་ཀྱི་ཁ་བྱང་ནི་ཇོ་མོ་གླང་མའི་ཚད་ལྡན་ཡིག་གཟུགས་ཆུང་བ་དང་ཆེ་ཆུང་ལ་ཨང་ཆུང་གཉིས་པ་འདེམ་དགོས། གཞུང་ཡིག་ནི་ཧི་མ་ལ་ཡའི་ཡིག་གཟུགས་དང་ཆེ་ཆུང་ལ་ཨང་གཉིས་པ་འདེམ་དགོས། རྩོམ་ཡིག་གི་མཇུག་ཏུ་རྩོམ་པ་པོའི་མིང་དང་། སློབ་གྲྭ། ལོ་རིམ། འཛིན་གྲྭ། འབྲེལ་གཏུག་ཁ་པར(འཛིན་བདག)། མཛུབ་སྟོན་དགེ་རྒན་གྱི་མིང་། དེ་མིན་སློབ་གྲྭའམ་ཁྱིམ་གྱི་ཞིབ་ཕྲའི་ས་གནས(དེབ་ཕུད་འབྱོར་ཐུབ་དགོས)བཅས་གསལ་བོར་འབྲི་དགོས། དཔྱད་བསྡུར་ལ་སྟབས་བདེ་ཡོང་བར། ཐེངས་འདིའི་རྩོམ་བསྡུ་ལ་གློག་རྡུལ་པར་མ་ལས་ཤོག་བུའི་པར་མ་མི་བསྡུ།
       6.འགྲན་ཞུགས་བརྩམས་ཆོས་ལ་མི་གཞན་གྱི་བརྩམས་ཆོས་རྐུ་བཤུ་དང་། སྡེབ་སྒྱུར་རམ་འཐུ་སྡུད་བྱས་མི་ཆོག་པ་དང་། མི་གཞན་གྱིས་ཚབ་འབྲི་བྱས་མི་ཆོག གལ་སྲིད་ཤེས་རྟོགས་བྱུང་ཚེ་འགྲན་བསྡུར་གྱི་ཐོབ་ཐང་མེད་པར་བཟོ་ངེས་ཡིན།
དྲུག འགྲན་ཞུགས་བྱེད་སྟངས།
       སློབ་གྲྭ་དང་། སློབ་དཔྱོད་ཚན་ཆུང་། རྩོམ་རིག་ཁང་གི་འགན་ཁུར་བ་བཅས་ཀྱིས་ཐུན་མོང་ཐོག་རྩ་འཛུགས་བྱས་ནས་འགྲན་ཞུགས(སློབ་གྲྭ་རེར་ཉུང་མཐར་ཡང་མི10)བྱེད་དགོས། སློབ་མ་རེས་གསར་རྩོམ་གཅིག་ལས་སྤྲད་མི་ཆོག
བདུན། བྱ་དགའི་བྱེད་ཐབས།
       བྱ་དགའ་ལ་དམའ་འབྲིང་དང་མཐོ་འབྲིང་བཅས་ཚན་པ་གཉིས་སུ་བགར་ཡོད།
       བྱ་དགའ་འདེམ་པར་འདྲ་མཉམ་དང་། དྲང་བདེན། ཡོངས་བསྒྲགས་བཅས་ཀྱི་རྩ་དོན་ལྟར། ཆེད་ལས་མི་སྣ་རྩ་འཛུགས་བྱས་ཏེ་འགྲན་ཞུགས་བརྩམས་ཆོས་ལ་གསང་མིང་དཔྱད་ཞིབ་བྱེད་པའི་གོ་རིམ་བརྒྱུད་ཐོག དམའ་འབྲིང་དང་མཐོ་འབྲིང་ཚན་པ་སོ་སོའི་ཁྲོད་བརྩམས་ཆོས12བདམས་ཐོན་བྱུང་ནས་བསྐྱར་དཔྱད་བྱེད་དགོས་པ་དང་། ཞིང་ཆེན་ནང་ཁུལ་གྱི་རྩོམ་པ་པོ་གྲགས་ཅན་གདན་ཞུ་བྱས་ཏེ་བདམས་ཐོན་བྱུང་བའི་བརྩམས་ཆོས་ལ་སྐར་མ་རྒྱག་པ་སོགས་ཀྱི་གོ་རིམ་བརྒྱུད་ནས་ཨང་རིམ་འགེར་དགོས།
       བྱ་དགའ་ཨང་དང་པོ1སྟེ། མཚན་སྙན་དཔང་ཡིག་དང་། དྲན་རྟེན། རྩོམ་ཡོན་བཅས་གནང་རྒྱུ་ཡིན།
       བྱ་དགའ་ཨང་གཉིས་པ2ཏེ། མཚན་སྙན་དཔང་ཡིག་དང་། དྲན་རྟེན། རྩོམ་ཡོན་བཅས་གནང་རྒྱུ་ཡིན།
       བྱ་དགའ་ཨང་གསུམ་པ3ཏེ། མཚན་སྙན་དཔང་ཡིག་དང་། དྲན་རྟེན། རྩོམ་ཡོན་བཅས་གནང་རྒྱུ་ཡིན།
       ཕུལ་བྱུང་བྱ་དགའ6སྟེ། མཚན་སྙན་དཔང་ཡིག་དང་རྩོམ་ཡོན་གནང་རྒྱུ་ཡིན།
       ཕུལ་བྱུང་མཛུབ་སྟོན་དགེ་རྒན5སྟེ། མཚན་སྙན་དཔང་ཡིག་དང་དྲན་རྟེན་གནང་རྒྱུ་ཡིན།
       ཕུལ་བྱུང་རྩ་འཛུགས་བྱ་དགའི་སློབ་གྲྭ2ཏེ། གཟེངས་བསྟོད་རྟགས་མ་གནང་རྒྱུ་ཡིན།
       ཕུལ་བྱུང་བརྩམས་ཆོས་དག2024ལོའི་ལོ་སྨད་ཀྱི«ཁྲི་ཤོར་རྒྱལ་མོ»སྟེང་གཅིག་སྡུད་ཀྱིས་སྤེལ་རྒྱུ་ཡིན།
བརྒྱད། རྩོམ་ཡིག་སྐུར་སྟངས།
       བརྩམས་ཆོས་ཡོངས་གློག་རྡུལ་རྩོམ་ཡིག་གི་ལམ་ནས་སྐུར་དགོས་ཤིང་། ཡིག་སྒམ་གྱི་བརྗོད་བྱང་དུ“རྩོམ་ཡིག་གསར་པ”ཞེས་གསལ་འགོད་བྱེད་དགོས་པ་མ་ཟད། རང་ཉིད་ཀྱི་མཚམས་སྦྱོར་མདོར་བསྡུས+འཚོ་བའི་འདྲ་པར1ཟུར་དུ་འགོད་དགོས། འབྱོར་བའི་རྩོམ་ཡིག་གཅིག་ཀྱང་ཕྱིར་མི་སློག་པས། རང་ཉིད་ནས་མ་ཡིག་གཅིག་ཉར་འཇོག་གནང་རོགས།
འབྲེལ་གཏུག་པ། སྟག་མོ་སྐྱིད།
འབྲེལ་གཏུག་ཁ་པར། 0974-8510811
ཡིག་སྒམ། doumaoji@126.com