འདབ་པའི་ཕན་རོགས་གནའ་ཤུལ་གྱི་ལོ་དུས་དེ་ལོ་ཉིས་འབུམ་གོང་ལ་གཏུག་ཆོག

       ཟླ8ཚེས14ཉིན། ཕན་རོགས་གནའ་ཤུལ་དང་གསར་སྒྱུར་ས་རབས་ཀྱི་ཨ་ཤེ་ཡ་དང་ཡོ་རོབ་སྐམ་ས་ཆེ་མོའི་གནའ་བོའི་མིའི་རིགས་གནས་སྤོ་ཁྱབ་འགྱེད་ཀྱི་རྒྱལ་སྤྱིའི་རིག་གཞུང་ཚོགས་འདུ་དཀར་མཛེས་ཁུལ་འདབ་པ་རྫོང་དུ་འཚོགས་པ་རེད། གསར་འགོད་པས་ཚོགས་འདུའི་ཐོག་ཤེས་རྟོགས་བྱས་པར་གཞིགས་ན། དཀར་མཛེས་ཁུལ་འདབ་པ་རྫོང་ཕན་རོགས་གནའ་ཤུལ་གྱི་ལོ་དུས་སྔ་ཤོས་དེ་ད་ལྟ་ནས་བརྩིས་པའི་ལོ་ཉིས་འབུམ་གོང་ལ་གཏུག་ཆོག་པ་དང་། དེའི་ཐོག་ནས་མིའི་རིགས་འཕྱི་ཤོས་ལའང་ལོ་ཉིས་འབུམ་གྱི་གོང་ནས་མཚོ་བོད་ས་མཐོའི་ཤར་རྒྱུད་དུ་སླེབས་པ་མཚོན་གྱི་ཡོད་པ་རེད།

       ཤེས་རྟོགས་བྱུང་བར་གཞིགས་ན། ཕན་རོགས་གནའ་ཤུལ་དེ་མཚོ་བོད་ས་མཐོའི་ཤར་རྒྱུད་དུ་གནས་པ་དང་། རྒྱ་མཚོའི་ངོས་ལས་མཐོ་ཚད་སྨི3775ཙམ་ཡོད་ཅིང་། 2020ལོའི་ཟླ5པར་ཤེས་རྟོགས་བྱུང་བ་རེད། དེ་ནི་མིག་སྔའི་མཚོ་བོད་ས་མཐོའི་ལོ་རབས་སྔ་ཤོས་དང་། རྒྱ་ཁྱོན་ཆེ་ཤོས། རིག་གནས་ཀྱི་ནང་དོན་ཕུན་སུམ་ཚོགས་ཤོས་བཅས་ཀྱི་རྡོ་ཆས་རྙིང་པའི་དུས་རབས་ཀྱི་རྗེས་ཤུལ་ཞིག་རེད།

       2021ལོའི་ཟླ4པར་རང་འགུལ་རང་བཞིན་གྱི་གནའ་རྫས་རྟོག་ཞིབ་སྔོག་འདོན་ཐེངས་དང་པོ་བྱེད་འགོ་བཙུགས་པ་ནས་བཟུང་། གནའ་ཤུལ་དེར་ཕུན་སུམ་ཚོགས་པའི་སྟ་རེ་དང་། འཇོར། སྟ་རེ་དངོ་སྲབ་མ་སོགས་ཨ་ཧྲེ་ལིའི་ལག་རྩལ་ཤུལ་བཞག་རྙེད་པ་དང་། དེས་ནུབ་ཕྱོགས་ཀྱི་གནའ་རྫས་རྟོག་ཞིབ་ལས་རིགས་ཀྱི“མོ་ཝུའེ་སིའི་ཐིག”གི་ལྟ་བར་སུན་འབྱིན་བྱས་པ་དང་། “ཤར་ཕྱོགས་ཀྱི་སྔ་དུས་ཀྱི་མིའི་རིགས་ཀྱི་རིག་གནས་ནུབ་ཕྱོགས་ཀྱི་རྗེས་སུ་ལུས་མེད་པ”ར་སྤྲོད་བྱས་ཡོད། རྒྱལ་ཁབ་ཕྱི་ནང་གི་དབང་གྲགས་ལྡན་པའི་རིགས་གཅིག་མཁས་ཅན་གྱིས་དེ་འཛམ་གླིང་རང་བཞིན་གྱི་གནའ་རྫས་རྟོག་ཞིབ་གསར་རྙེད་གལ་ཆེན་ཞིག་ཡིན་པའི་ངོས་འཛིན་བྱས་ཡོད།