བོད་ལྗོངས་ལྷོ་ཁ་ནས་བྲག་བརྐོས་རི་མོ་ཁག་གཅིག་གསར་རྙེད་བྱུང་བ།

       ལྷོ་ཁ་ནི་བོད་ལྗོངས་ཀྱི་གནའ་བོའི་ཤེས་དཔལ་དར་ས་ཞིག་ཡིན་ཞིང་། ལོ་རྒྱུས་ཡུན་རིང་ལྡན་པ་དང་རིག་གནས་ཤིན་ཏུ་ཕུན་སུམ་ཚོགས་པོ་ཡོད། བོད་རང་སྐྱོང་ལྗོངས་ལྷོ་ཁ་གྲོང་ཁྱེར་གྱི་རྒྱལ་ཡོངས་རིག་དངོས་ཡོངས་ཁྱབ་ཞིབ་བཤེར་ཐེངས་བཞི་པའི་ལས་དོན་ཁྲོད་བྲག་བརྐོས་རི་མོ་གསར་རྙེད་བྱུང་བ་དང་། དེའི་ཁྲོད་ཀྱི་བྲག་བརྐོས་རི་མོ་ཁག་གཅིག་ལ་ད་བར་ངོ2300ལྷག་ཙམ་གྱི་ལོ་རྒྱུས་ལྡན་པ་ཤེས་རྟོགས་བྱུང་ཡོད།
       བྲག་བརྐོས་རི་མོ་འདི་དག་སྣ་དཀར་རྩེ་རྫོང་སྟག་ལུང་གྲོང་རྡལ་ཞྭ་མདའ་སྡེ་ཁུལ་གྲོང་ལྷན་སྦུག་ནང་རང་བྱུང་གྲོང་ཚོའི་ཉེ་འགྲམ་དུ་ཡོད་པ་དང་། འདི་ནི་བོད་ལྗོངས་ལྷོ་ཁ་གྲོང་ཁྱེར་ནས་ད་བར་གསར་རྙེད་བྱུང་བའི་བྲག་བརྐོས་རི་མོ་གཞི་ཁྱོན་ཆེ་ཤོས་དེ་རེད། བྲག་ངོས་ཁག60ལྷག་ཙམ་གྱི་ཐོག་ཤྭ་བ་དང་། རྟ། མི་སོགས་ཀྱི་ནང་དོན་འཁོད་པའི་བྲག་བརྐོས་རི་མོ་ཡོད་པ་དང་། ཁ་དོག་ལ་ཆ་བཞག་ན། སེར་སྐྱ་དང་ནག་པོ་ཤས་ཆེར་མངོན། བྲག་བརྐོས་རི་མོ་དེ་དག་གིས་གནའ་རབས་ཀྱི་མེས་པོ་ཚོས་འདི་ཁུལ་དུ་ཐོན་སྐྱེད་དང་འཚོ་བ་སྐྱེལ་བའི་རྣམ་པ་གསོན་ཉམས་དོད་པོས་མཚོན་པར་བྱས་ཡོད།