མཚོ་ལྷོ་ཁུལ་རིག་གནས་སློབ་གསོ་བྱ་བའི་ཆེད་མཁས་གླེང་སྟེགས་ཚོགས་འདུ་མཚོ་ལྷོ་ཆབ་ཆ་ནས་བསྡུས།
རེབ་འདིར་ཕེབས་པའི་འགོ་ཁྲིད་དང་ཆེད་མཁས་པ་ལྷན་རྒྱས།
མཚོ་སྔོན་བོད་རིགས་ཞིབ་འཇུག་ཚོགས་པའི་དྲུང་ཡིག་ཆེན་མོ་གཅོད་པ་དོན་གྲུབ་ཀྱིས་ཚོགས་འདུར་མགོ་འཛིན་བྱེད་བཞིན་པ།
མཚོ་ལྷོ་ཁུལ་ཏང་ཨུ་ཧྲུའུ་ཅི་གཞོན་པ་ཝང་ཅན་མིན་གྱིས་ཚོགས་འདུར་ཤིས་ཚིག་འབུལ་བཞིན་པ།
མཚོ་ལྷོ་ཁུལ་སློབ་གསོ་ཅུའུ་ཡི་ཅུའུ་ཀྲང་གཞོན་པ་རིན་ཆེན་དོན་གྲུབ་ཀྱིས་གཏམ་བཤད་གནང་བཞིན་པ།
མཚོ་ལྷོ་ཁུལ་རིག་རྩལ་ཅུའུ་ཡི་ཅུའུ་ཀྲང་གཡུ་སྒྲོན་མཚོ་ཡིས་གཏམ་བཤད་གནང་བཞིན་པ།
མཚོ་ལྷོ་ཁུལ་བོད་སྐད་ཨུ་གཞུང་ལས་ཁང་གི་ཀྲུའུ་རིན་ཚེ་ལོས་གཏམ་བཤད་གནང་བཞིན་པ།
བློ་བཟང་གྲངས་ཀའི་ཚན་རྩལ་ཚད་ཡོད་ཀུང་ཟིའི་སྤྱི་གཉེར་བློ་བཟང་གིས་གཏམ་བཤད་གནང་བཞིན་པ།
ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་འགན་འཛིན་པ་བློ་བཟང་ལྷུན་གྲུབ་རྡོ་རྗེས་
དཔྱད་འཇོག་ཁྲོད་ནས་རང་གི་ལྟ་ཚུལ་གླེང་བཞིན་པ།
མཚོ་ལྷོ་ཁུལ་ཏང་ཨུ་ཧྲུའུ་ཅི་ཀྲང་ཝུན་ཁོས་ཀྱིས་དཔྱད་འཇོག་ཁྲོད་ནས་རང་གི་ལྟ་ཚུལ་བརྗོད་བཞིན་པ།
མཚོ་སྔོན་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རིན་ཟུར་པ་མདོ་བ་
ཀུན་བཟང་ཤེས་རབ(ལིས་ཆིན)ཀྱིས་གཏམ་བཤད་གནང་བཞིན་པ།
མཚོ་སྔོན་དགེ་ཐོན་སློབ་ཆེན་དཔལ་འབྱོར་དོ་དམ་སློབ་གླིང་གི་གླིང་གཙོ་ཝང་ཧྲི་ཡུང་གིས་གཏམ་བཤད་གནང་བཞིན་པ།
མཚོ་སྔོན་དགེ་ཐོན་སློབ་ཆེན་མི་རིགས་སློབ་གླིང་བོད་སྐད་ཡིག་སྡེ་ཁག་གི་ཀྲུའུ་རིན་སྟོབས་ལྡན་གྱིས་གཏམ་བཤད་གནང་བཞིན་པ།
ཞིང་ཆེན་སྲིད་གཞུང་ཡིག་སྒྱུར་ཁང་གི་ཀྲུའུ་རིན་ཟུར་པ་ཀུང་ཆི་ཏེ་ཡིས་གཏམ་བཤད་གནང་བཞིན་པ།
ཞིང་ཆེན་སྤྱི་ཚོགས་ཚན་རིག་གླིང་སྤྱི་ཚོགས་རིག་པ་ཞིབ་འཇུག་ཁང་གི་འགོ་གཙོ་ལྷ་མོ་མཚོས་གཏམ་བཤད་གནང་བཞིན་པ།
མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ལེ་ཞོན་ཧྲིན་གྱིས་མཇུག་སྡུད་གཏམ་བཤད་གནང་བཞིན་པ།
ཕྱོགས་སོ་སོ་ནས་ཕེབས་པའི་ཆེད་མཁས་པ་ལྷན་རྒྱས་ཀྱི་མཉམ་པར།
མཚོ་སྔོན་ཞིང་ཆེན་བོད་རིགས་ཞིབ་འཇུག་ཚོགས་པས་གཙོ་སྒྲུབ་གནང་ཞིང་། མཚོ་ལྷོ་ཁུལ་བོད་སྐད་ཨུ་གཞུང་ལས་ཁང་། མཚོ་ལྷོ་ཁུལ་སློབ་གསོ་ཅུའུ། མཚོ་ལྷོ་ཁུལ་རིག་གནས་ལུས་རྩལ་ཅུའུ་བཅས་ཀྱིས་འགན་ཁུར་ནས་སྒྲུབ་པའི་མཚོ་ལྷོ་ཁུལ་རིག་གནས་སློབ་གསོ་བྱ་བའི་ཆེད་མཁས་གླེང་སྟེགས་ཚོགས་འདུ་དེ་ཟླ7པའི་ཚེས21ཉིན་གྱི་སྔ་དྲོའི་ཆུ་ཚོད་དགུའི་སྟེང་མཚོ་ལྷོ་ཆབ་ཆ་ནས་བསྡུས། ཚོགས་ཐོག་ཏུ་རྒྱལ་ཁབ་རིམ་པའི་ཆེད་མཁས་པ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་འགན་འཛིན་པ་བློ་བཟང་ལྷུན་གྲུབ་རྡོ་རྗེ་དང་། རང་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ལེ་ཞོན་ཧྲིན། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ། མཚོ་སྔོན་བོད་རིགས་ཞིབ་འཇུག་ཚོགས་པའི་དྲུང་ཡིག་ཆེན་མོ་གཅོད་པ་དོན་གྲུབ། མཚོ་སྔོན་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རིན་ཟུར་པ་མདོ་བ་ཀུན་བཟང་ཤེས་རབ(ལིས་ཆིན)མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་གཞོན་པའམ་སློབ་དཔོན་ཆེན་མོ་རྒྱ་ཡེ་བཀྲ་བྷོ། ཞིང་ཆེན་སྤྱི་ཚོགས་ཚན་རིག་གླིང་སྤྱི་ཚོགས་རིག་པ་ཞིབ་འཇུག་སའོ་ཡི་སའོ་ཀྲང་ལྷ་མོ་མཚོ། ཞིང་ཆེན་སྲིད་གྲོས་ཡིག་སྒྱུར་ཁང་གི་ཀྲུའུ་རིན་ཟུར་པ་ཀུང་ཆི་ཏེ། མཚོ་སྔོན་དགེ་ཐོན་སློབ་ཆེན་མི་རིགས་སློབ་གླིང་བོད་སྐད་ཡིག་སྡེ་ཁག་གི་ཀྲུའུ་རིན་སྟོབས་ལྡན། མཚོ་སྔོན་དགེ་ཐོན་སློབ་ཆེན་དཔལ་འབྱོར་དོ་དམ་སློབ་གླིང་གི་གླིང་གཙོ་ཝང་ཧྲི་ཡུང་། ཀྲུང་གོའི་བོད་རིག་པ་ལྟེ་གནས་ཀྱི་ཞིབ་འཇུག་པ་གསང་བདག་སོགས་ཚོགས་འདུར་ཞུགས།
རེབ་འདིའི་བགྲོ་གླེང་གི་ཁ་ཕྱོགས་གཙོ་བོ་ནི་མཚོ་ལྷོ་ས་ཁུལ་གྱི་རིག་གནས་དང་སློབ་གསོའི་བྱ་བ་བརྗོད་སྙིང་དུ་བཟུང་སྟེ་མཚོ་ལྷོ་ཁུལ་གྱི་མི་རིགས་སློབ་གསོ་དེང་རབས་ཅན་ལ་ཁ་ཕྱོགས་དགོས་པ། མགྱོགས་མྱུར་སྒོས་བོད་ཡིག་ཆ་འཕྲིན་ལག་རྩལ་འཕེལ་རྒྱས་སུ་བཏང་ནས། མཉམ་སྤྱོད་མཉམ་སྤེལ་སྒོས་ཆ་འཕྲིན་དུས་རབས་ཤིག་ལ་བརྩོན་ལེན་བྱེད་དགོས་པ། སྐད་གཉིས་སློབ་གསོ་གཙིགས་ཆེན་དུ་བཟུང་ནས་སྐད་གཉིས་དགེ་རྒན་སྐྱེད་སྲིང་བྱེད་དགོས་པ། མི་རིགས་ཐོན་ལས་རིག་གནས་དང་། མི་ཤུགས་མཉམ་འབྲེལ་གྱི་ཕྱོགས་ནས་དང་དོན་ཆེན་པོ་བྱེད་དགོས་པ། རིག་རྩལ་ལས་རིགས་འཕེལ་རྒྱས་སུ་བཏང་ནས་དཔལ་ཡོན་གཉིས་ལྡན་གྱི་མཚོ་ལྷོ་འཛུགས་སྐྲུན་བྱེད་དགོས་ཚུལ་སོགས་གྱི་ཟུར་སྣ་མི་འདྲ་བའི་གཏམ་བཤད་དང་། ཆེད་མཁས་པ་དག་གིས་བློ་གཟུ་མོས་དཔྱད་གླེང་ཡིད་ཚིམ་པ་བརྒྱུད་དེ་དུས་ཚོད་གསུམ་རིང་གི་འཁྲུག་ཆ་དོད་པོའི་བགྲོ་གླེང་ལ་དོན་སྙིང་འབུམ་གྱིས་ཕྱུག
