ཐེམ་ཆེན་རྫོང་མི་རིགས་སློབ་འབྲིང་དང་པོས་སློབ་མ་རྣམས་ལ་ཁྲིམས་ལུགས་ཤེས་བྱའི་འཆད་ཁྲིད་སྤེལ་བ།
ཐེམ་ཆེན་རྫོང་མི་རིགས་སློབ་འབྲིང་དང་པོས་སློབ་མ་རྣམས་ལ་ཁྲིམས་ལུགས་ཤེས་བྱའི་འཆད་ཁྲིད་སྤེལ་བ།
ཉེ་ཆར། སློབ་མའི་རང་སྟེང་གི་ཁེ་དབང་འདུ་ཤེས་མཐོར་འདེགས་དང་། སློབ་མ་རྣམས་ཀྱི་ཁྲིམས་ལུགས་ཀྱི་འདུ་ཤེས་མཐོར་འདེགས་སུ་གཏོང་ཆེད། ཐེམ་ཆེན་རྫོང་མི་རིགས་སློབ་འབྲིང་དང་པོས་ཁྲིམས་ལུགས་ཀྱི་མཚན་འཛིན་སློབ་གཙོ་གཞོན་པ་གདན་ཞུ་བྱས་ཏེ་གཅིག་གྱུར་གྱི་སྒོ་ནས་སློབ་མ་རྣམས་ལ་ཁྲིམས་ལུགས་ཤེས་བྱའི་འཆད་ཁྲིད་ཐེངས་ཤིག་སྤེལ་ལ། ཐེངས་འདིའི་འཆད་ཁྲིད་ལ་སློབ་གྲྭའི་མཐོ་གསུམ་སློབ་མ100ལྷག་ཟབ་ཞུགས་བྱས།
འཆད་ཁྲིད་ལ་ཁྲིམས་ལུགས་ཀྱི་རྒྱུན་ཤེས་དང་མི་ལུས་བདེ་འཇགས་ཀྱི་ཐད་དེ་ཕྱོགས་གཉིས་ནས་འཆད་ཁྲིད་སྤེལ་བ་དང་། འཆད་ཁྲིད་ཁྲོད་དཔེ་འཇོག་དང་དོན་དངོས་སོགས་ལུང་དྲངས་ཏེ་སྨྲ་ལྕེ་དག་པ་དང་། གོ་བདེ་བའི་ངང་ནས་ཁྲིམས་ལུགས་ཤེས་བྱ་སྣ་ཚོགས་སྒྲོག་འགྲེལ་བྱས་ཤིང་སློབ་མ་རྣམས་ཀྱིས་ནན་ཏན་གྱིས་ཉན་པ་དང་ཟིན་བྲིས་བཏབ།
ཐེངས་འདིའི་འཆད་ཁྲིད་བརྒྱུད་ནས། སློབ་མ་རྣམས་ལ་སྤྱི་ཚོགས་ཀྱི་ཤེས་བྱ་དང་ཉམས་མྱོང་སོགས་ཀྱི་ཐད་ནས་རྒྱགས་ཕྱེ་གྱ་ནོམ་པ་མཁོ་སྤྲོད་བྱས་པ་དང་། རྗེས་ཕྱོགས་ཀྱི་མི་ཚེའི་ལམ་བུའི་སྟེང་ནས་ཇི་ལྟར་རང་ཉིད་ཀྱི་ཁེ་དབང་ལ་སྲུང་སྐྱོབ་དང་ཚད་ལྡན་གྱི་སྤྱི་དམངས་ཞིག་བྱེད་པའི་ཕྱོགས་ནས་ངེས་ཟིན་གསར་བ་ཞིག་ཐོབ།
