འཕྲུལ་སྒུལ་འཁོར་ལོ་བཙན་ཤེད་ཀྱིས་བེད་མེད་དུ་གཏོང་བའི་ཚད་གཞི།

     2012ལོའི་ཟླ་8པའི་ཚེས24ཉིན། ཚོང་དོན་པུའི་ཐེངས68པའི་སྡེ་ཁག་གི་ལས་དོན་གྲོས་ཚོགས་ལས་གྲོས་ཞིབ་གྲོས་འཆམ་བྱུང་བ་མ་ཟད། རྒྱལ་ཁབ་་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་། སྤྱི་བདེ་པུའུ། ཁོར་ཡུག་སྲུང་སྐྱོང་པུའུ་འཐད་པ་བྱུང་བར། 2012ལོའི་ཟླ12པའི་ཚེས27ཉིན་ཚོང་དོན་པུའི། རྒྱལ་ཁབ་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་། སྤྱི་བདེ་པུའུ། ཁོར་ཡུག་སྲུང་སྐྱོང་པུའུ་ཡི་བཀའ་རྒྱ། 2012ལོའི་ཐེངས་12ཁྱབ་བསྒྲགས་དང་། 2013ལོའི་ཟླ5པའི་ཚེས1ཉིན་ནས་བཟུང་ལག་བསྟར་བྱས་བ།
ལེའུ་དང་པོ། གཞུང་ལམ་འགྲིམ་འགྲུལ་བདེ་འཇགས་འགན་སྲུང་བྱེད་ཆེད་དང་། ལག་རྩལ་ཡར་ཐོན་འགྲོ་བར་སྐུལ་འདེབས་དང་ཐོན་ཁུངས་གྲོན་ཆུང་ཅན་འཛུགས་སྐྲུན་བྱེད་པ་ཇེ་མགྱོགས་སུ་གཏོང་བར། ཁོར་ཡུག་དང་སྦྱི་ཚོགས་མཛའ་མཐུན་ཅན། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་སུན་སྒྲའི་སྦགས་བཙོག་འགོག་སེལ་བཅའ་ཁྲིམས》《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རླུང་ཁམས་ཁོར་ཡུག་སྦགས་བཙོག་འགོག་སེལ་བཅའ་ཁྲིམས》བཅས་ཀྱི་གཏན་འབེབས་འདི་བཟོས།
ལེའུ་གཉིས་པ། འཕྲུལ་སྒུལ་རླངས་འཁོར་གྱི་བཀོལ་སྤྱོད་དང་བདེ་འཇགས་ལག་རྩལ་བཙོག་འབུད་ཞིབ་བཤེར་གནས་ཚུལ་བཅས་ལ་གཞིགས་ནས་བེད་མེད་དུ་གཏོང་བའི་ཚད་གཞི་ལོན་པའི་འཕྲུལ་སྒུལ་འཁོར་ལོར་རྒྱལ་ཁབ་རིམ་པས་བཙན་ཤེད་ཀྱི་བེད་མེད་དུ་གཏོང་བ།
ལེའུ་གསུམ་པ། ཚོང་དོན་པུའུ། སྤྱི་བདེ་པུའུ། ཁོར་ཡུག་སྲུང་སྐྱོང་། འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་བཅས་ཀྱི་རང་སོ་སོའི་འགན་འཁྲི་གཞིར་བཟུང་ནས་ཕྱིར་བསྡུ་འཕྲུལ་སྒུལ་འཁོར་ལོ་རྣམས་མེད་པར་བཟོ་བར་ལྟ་སྐུལ་དང་དོ་དམ་བྱེད་དགོས་པར་མ་ཟད། འཕྲུལ་སྒུལ་རླངས་འཁོར་བེད་མེད་དུ་གཏོང་བའི་ཚད་གཞི་ལྟར་འབྲེལ་ཡོད་གཏན་འབེབས་ལག་བསྟར་བྱ་དགོས།
ལེའུ་བཞི་བ།  ཐོ་འགོད་བྱས་ཟིན་པའི་འཕྲུལ་སྒུལ་རླངས་འཁོར་དག་ལ་གཤམ་གསལ་གྱི་གནས་ཚུལ་ལས་རིགས་གཅིག་ལྡན་ན་ངེས་བར་དུ་བཙན་ཤེད་ཀྱིས་རླངས་འཁོར་བེད་མེད་དུ་གཏོང་དགོས་བར་མ་ཟད་འཁོར་བདག་གིས་ཡང་འཕྲུལ་སྒུལ་རླངས་འཁོར་བསྡུ་གཏོར་ཁེ་ལས་སུ་སྤྲོད་དགོས། འཕྲུལ་སྒུལ་རླངས་འཁོར་བསྡུ་གཏོར་ཁེ་ལས་ཀྱིས་ཁེ་ལས་གཏན་འཁེལ་ལྟར་ཐོ་འགོད་དང་། རླངས་འཁོར་གཏོར་བ་ནས་མེད་བརླག་ཏུ་བཟོ་བ་སོགས་ཐག་གཅོད་དགོས་པར་མ་ཟད་བེད་མེད་དུ་བཏང་བའི་འཕྲུལ་སྒུལ་རླངས་འཁོར་གྱི་རླངས་འཁོར་ཐོ་འགོད་ལག་ཁྱེར། རླངས་འཁོར་གྱི་ཨང་རྟགས། རླངས་འཁོར་བགྲོད་སྐྱོད་ཆོག་པའི་ལག་ཁྱེར་སོགས་སྤྱི་བདེ་ལས་ཁུངས་འགྲིམ་འགྲུལ་དོ་དམ་སྡེ་ཁག་ལ་སྤྲོད་དགོས།
གཅིག གཏན་འབེབས་འདིའི་དོན་ཚན་ལྔ་བའི་གཏན་འབེབས་ལྟར་བེད་སྤྱོད་གཏོང་རྒྱུའི་ལོ་ཚད་ལ་ཐོན་ཡོད་པ།
གཉིས། བཟོ་བཅོས་དང་ལེགས་སྒྲིག་བྱས་རུང་ད་དུང་འཕྲུལ་སྒུལ་འཁོར་ལོ་དེ་རྒྱལ་ཁབ་གྱི་ད་སྤྱོད་རླངས་འཁོར་བདེ་སྲུང་ལག་རྩལ་ཚད་གཞིར་མི་འཚམ་པ།
གསུམ། བཟོ་བཅོས་དང་ལེགས་སྒྲིག་བྱས་ཟིན་པ། ཡང་ན་ཚོད་འཛིན་ལག་རྩལ་བཀོལ་རྗེས། ད་དུང་རླུང་ཁམས་སུ་སྦགས་བཙོག་གཏོང་བ། སུན་སྒྲའི་སྦགས་བཙོག་ཡང་རྒྱལ་ཁབ་ཀྱི་ད་སྤྱོད་རླངས་འཁོར་གྱི་འབྲེལ་ཡོད་གཏན་འཁེལ་དང་མི་འཚམ་པ།
བཞི། ཞིབ་བཤེར་རྩིས་འགྲོས་དུས་ཡུན་ལས་བརྒལ་ནས་བསྟུད་མར་རླངས་འཁོར་ཞིབ་བཤེར་བྱེད་པའི་དུས་འཁོར་3ནང་རླངས་འཁོར་ཞིབ་བཤེར་ཚད་མཐུན་གྱི་རྟགས་མཚན་ལོན་མེད་པ།
ལེའུ་ལྔ་བ། འཕྲུལ་སྒུལ་རླངས་འཁོར་བཀོལ་སྤྱོད་དུས་ཡུན་གཤམ་གསལ་ལྟར།
གཅིག གླ་གཏོང་རླངས་འཁོར་ཆུང་གྲས་ལོ8ལ་བཀོལ་སྤྱོད་བྱས་བ་དང་། གླ་གཏོང་འགྲུལ་སྐྱེལ་རླངས་འཁོར་འབྲིང་གྲས་ལོ་10ལ་བཀོལ་སྤྱོད་བྱས་པ། གླ་གཏོང་འགྲུལ་སྐྱེལ་རླངས་འཁོར་ཆེ་གྲས་ལོ12ལ་བཀོལ་སྤྱོད་བྱས་པ།
གཉིས། བོགས་གཏོང་འགྲུལ་སྐྱེལ་རླངས་འཁོར་ལོ15ལ་བཀོལ་སྤྱོད་བྱས་པ།
གསུམ། ཁ་ལོ་བའི་སྦྱོང་བརྡར་འགྲུལ་སྐྱེལ་རླངས་འཁོར་ཆུང་གྲས་ལོ10ལ་བཀོལ་སྤྱོད་བྱས་བ། ཁ་ལོ་བའི་སྦྱོང་བརྡར་འགྲུལ་སྐྱེལ་རླངས་འཁོར་འབྲིང་གྲས་ལོ12ལ་བཀོལ་སྤྱོད་བྱས་བ། ཁ་ལོ་བའི་སྦྱོང་བརྡར་འགྲུལ་སྐྱེལ་རླངས་འཁོར་ཆེ་གྲས་ལོ15ལ་བཀོལ་སྤྱོད་བྱས་པ།
བཞི། སྤྱི་སྤྱོད་འགྲུལ་སྐྱེལ་རླངས་འཁོར་ལོ13ལ་བཀོལ་སྤྱོད་བྱས་པ།
ལྔ། ལས་གཉེར་འགྲུལ་སྐྱེལ་རླངས་འཁོར་ཆུང་གྲས་ལོ10དང་ལས་གཉེར་འགྲུལ་སྐྱེལ་རླངས་འཁོར་འབྲིང་གྲས་དང་ཆེ་གྲས་ལོ15ལ་བཀོལ་སྤྱོད་བྱས་པ།
དྲུག ཆེད་སྤྱོད་སློབ་འཁོར་ལོ15ལ་བཀོལ་སྤྱོད་བྱས་པ།
བདུན། འགྲུལ་སྐྱེལ་མ་ཡིན་པའི་རླངས་འཁོར་ཆེ་བ་དང་འབྲིང་བར་ལོ20ལ་བཀོལ་སྤྱོད་བྱས་བ།
བརྒྱད་། རྐང་གསུམ་རླངས་འཁོར། རླངས་སྣོད་གཅིག་ཅན་གྱི་མྱུར་ཚད་དམའ་བའི་དངོས་འདྲེན་རླངས་འཁོར་ལོ9ལ་བཀོལ་སྤྱོད་བྱས་བ་དང་། རླངས་སྣོད་མང་པོ་ཅན་གྱི་མྱུར་ཚད་དམའ་བའི་དངོས་འདྲེན་རླངས་འཁོར་དང་དངོས་སྐྱེལ་རླངས་འཁོར་ཆུང་གྲས་ལོ12ལ་བཀོལ་སྤྱོད་བྱས་པ། ཉེན་ཆེ་དངོས་རིགས་སྐྱེལ་འདྲེན་བྱེད་པའི་རླངས་འཁོར་ལོ10ལ་བཀོལ་སྤྱོད་བྱས་བ། དེ་ལས་གཞན་པའི་དངོས་སྐྱེལ་རླངས་འཁོར(ཕྱེད་འདྲུད་འདྲེན་འཁོར་དང་ཡོངས་འདྲུད་འདྲེན་འཁོར)ལོ15ལ་བཀོལ་སྤྱོད་བྱས་པ།
དགུ དངོས་ཟོག་སྐྱེལ་འདྲེན་བྱེད་ནུས་པའི་ཆེད་སྒྲུབ་རླངས་འཁོར་ལོ15ལ་བཀོལ་སྤྱོད་བྱས་བ་དང་། དངོས་ཟོག་སྐྱེལ་འདྲེན་ནུས་བ་མེད་པའི་ཆེད་སྒྲུབ་རླངས་འཁོར་ལོ30ལ་བཀོལ་སྤྱོད་བྱས་བ།
བཅུ། ཡོངས་འདྲུད་འདྲེན་འཁོར། ཉེན་ཆེ་དངོས་རིགས་ཕྱེད་འདྲུད་འདྲེན་འཁོར་ལོ10ལ་བཀོལ་སྤྱོད་བྱས་པ། དོས་སྒམ་ཕྱེད་འདྲུད་འདྲེན་འཁོར་ལོ20ལ་བཀོལ་སྤྱོད་བྱས་བ་དང་། གཞན་ཕྱེད་འདྲུད་འདྲེན་འཁོར་ལོ15ལ་བཀོལ་སྤྱོད་བྱས་བ།
བཅུ་གཅིག རྐང་གསུམ་སྦག་སྦག་འཁོར་ལོ་ལོ12དང་སྦག་སྦག་འཁོར་ལོ་གཞན་པ13ལ་བཀོལ་སྤྱོད་བྱས་པ། བོགས་གཏོང་འགྲུལ་སྐྱེལ་རླངས་འཁོར་ཆུང་གྲས（གློག་སྒུལ་རླངས་འཁོར་ལས་གཞན）དང་སྦག་སྦག་འཁོར་ལོ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར་མི་དམངས་སྲིད་གཞུང་གི་འབྲེལ་ཡོད་སྡེ་ཁག་གིས་དོན་དངོས་དང་ཟུང་འབྲེལ་བྱས་ཏེ། གོང་གསལ་ཀྱི་བེད་སྤྱོད་ལོ་ཚད་སྐོར་གཏན་འབེབས་བྱས་ཆོག་ཡང་། བོགས་གཏོང་འགྲུལ་སྐྱེལ་རླངས་འཁོར་ཆུང་གྲས་ལོ6གི་མན་བཞག་མི་ཆོག་ལ། རྐང་གསུམ་སྦག་སྦག་འཁོར་ལོ་ལོ10མན་བཞག་མི་ཆོག  སྦག་སྦག་འཁོར་ལོ་གཞན་ལོ11མན་བཞག་མི་ཆོག འགྲུལ་སྐྱེལ་མ་ཡིན་པའི་རླངས་འཁོར་ཆུང་གྲས་དང་འགྲུལ་སྐྱེལ་མ་ཡིན་པའི་རླངས་འཁོར་ཆེ་གྲས། འཁོར་དབྱིབས་ཆེད་སྤྱོད་འཕྲུལ་ཆས་བཅས་ལ་ཚོད་འཛིན་བེད་སྤྱོད་ལོ་ཚད་མེད་ལ། འཕྲུལ་སྒུལ་འཁོར་ལོ་བཀོལ་སྤྱོད་ལོ་ཚད་འགོ་རྩོམ་པའི་དུས་འཕྲུལ་སྒུལ་འཁོར་ལོ་ཐོ་འགོད་ཉིན་ནས་རྩིས་རྒྱག་དགོས་ལ། བཟོ་གྲྭ་ནས་ཕྱིར་ཐོན་ནས་ལོ2འགོར་སོང་རུང་ད་དུང་ཐོ་འགོད་འགྲོ་ལུགས་སྒྲུབ་མེད་པ་དག་ལ་བཟོ་གྲྭ་ནས་ཕྱིར་ཐོན་དུས་ལྟར་རྩིས་རྒྱག་དགོས།.
ལེའུ་དྲུག་པ། དངོས་སྤྱོད་རང་བཞིན་བསྒྱུར་བཅོས་བྱེད་པ་དང་ཡང་ན་ཐོ་འགོད་བརྗེ་སྤོར་བྱེད་པའི་རླངས་འཁོར་དག་གཤམ་གསལ་ལྟར་བཀོལ་སྤྱོད་བྱེད་པའི་ལོ་ཚད་དང་བེད་མེད་དུ་གཏོང་དགོས།
གཅིག འགྲུལ་སྐྱེལ་རླངས་འཁོར་དང་འགྲུལ་སྐྱེལ་རླངས་འཁོར་མ་ཡིན་པའི་རླངས་འཁོར་གཉིས་ཕན་ཚུན་བརྗེ་སྤོར་བྱེད་དུས། འགྲུལ་སྐྱེལ་རླངས་འཁོར་གྱི་གཏན་འབེབས་ལྟར་བེད་མེད་དུ་གཏོང་བ་དང་། འགྲུལ་སྐྱེལ་མ་ཡིན་པའི་རླངས་འཁོར་ཆུང་གྲས་དང་འགྲུལ་སྐྱེལ་མ་ཡིན་པའི་རླངས་འཁོར་ཆེ་གྲས་གཉིས་འགྲུལ་སྐྱེལ་རླངས་འཁོར་ལ་བརྗེ་སྤོར་བྱེད་དུས་གཏན་འབེབས་འདིའི་ཟུར་བཀོད་ཡིག་ཆ་དང་པོས་ལོ་ཚད་རིམ་པ་བཞིན་རྩིས་ལྟར་ཞིབ་རྩིས་བྱེད་དགོས་བར་མ་ཟད་ལོ15ལས་བརྒལ་མི་ཆོག
གཉིས། རིགས་མི་འདྲ་བའི་འགྲུལ་སྐྱེལ་རླངས་འཁོར་བར་ཕན་ཚུན་བརྗེ་སྤོར་བྱེད་དུས། གཏན་འབེབས་ལྟར་བེད་སྤྱོད་ལོ་ཚད་ཅུང་ནན་པོའི་གཏན་འབེབས་ལྟར་བེད་མེད་ཏུ་གཏོང་དགོས།
གསུམ། གླ་གཏོང་འགྲུལ་སྐྱེལ་རླངས་འཁོར་ཆུང་བ་དང་སྦག་སྦག་འཁོར་ལོ་ཐོ་འགོད་ཁོངས་གཏོགས་ཞིང་ཆེན། རང་སྐྱོང་ལྗོངས། ཐད་གཏོགས་གྲོང་ཁྱེར་ཁྱབ་ཁོངས་ནས་ཕར་གཏོང་བྱེད་དུས་བེད་སྤྱོད་ལོ་ཚད་ཅུང་ནན་པོའི་གཏན་འབེབས་ལྟར་བེད་མེད་དུ་གཏོང་དགོས།
བཞི། ཉེན་ཆེའི་དངོས་རིགས་སྐྱེལ་འདྲེན་རླངས་འཁོར། འདྲུད་སྒམ་རླངས་འཁོར་དང་དངོས་སྐྱེལ་རླངས་འཁོར་གཞན་པ། འདྲུད་སྒམ་རླངས་འཁོར་སོགས་ཕན་ཚུན་བརྗེ་སྤོར་བྱེད་དུས། ཉེན་ཆེའི་དངོས་རིགས་སྐྱེལ་འདྲེན་རླངས་འཁོར་དང་འདྲུད་སྒམ་རླངས་འཁོར་གྱི་གཏན་འབེབས་ལྟར་བེད་མེད་དུ་གཏོང་དགོས། གཏན་འབེབས་འདིའི་བླང་བྱ་ལྟར་བེད་སྤྱོད་ལོ་ཚད1ནང(ལོ་གཅིག་འདུས)གི་འཕྲུལ་སྒུལ་འཁོར་ལོའི་བེད་སྤྱོད་ཀྱི་ངོ་བོ་བསྒྱུར་མི་ཆོག་ལ། སྤྱོད་དབང་བརྗེ་སྤོར་དང་ཡང་ན་ཐོ་འགོད་ཕྱིར་སྤོར་བྱེད་དུས་སྲིད་འཛིན་ཁུལ་དང་གྲོང་ཁྱེར་རིམ་པའི་ཁོངས་གཏོགས་ལས་བརྒལ་མི་ཆོག 
ལེའུ་བདུན་པ། རྒྱལ་ཁབ་ཀྱིས་འཁོར་སྐྱོད་ལམ་ཚད་ངེས་ཅན་ཞིག་ལ་ཐོན་ཡོད་པའི་འཕྲུལ་སྒུལ་འཁོར་ལོར་བེད་མེད་དུ་གཏོང་བར་སྣེ་ཁྲིད་བཞིན་ཡོད་ལ། འཁོར་སྐྱོད་ལམ་ཚད་གཤམ་གསལ་གྱི་དུས་ཡོན་ལྟར་ཐོན་པའི་རླངས་འཁོར་དག་འཁོར་བདག་གིས་རླངས་འཁོར་བསྡུ་བཤིག་ཁེ་ལས་སུ་སྤྲད་ནས། རླངས་འཁོར་བེད་མེད་དུ་གཏོང་བའི་བསྡུ་བཤིག་ཁེ་ལས་གཏན་འབེབས་ལྟར་ཐོ་འགོད། གཏོར་བ་ནས་མེད་བརླག་དུ་གཏོང་བ་སོགས་རིམ་པ་བཞིན་ཐག་གཅོད་བྱེད་དགོས་བར་མ་ཟད། བེད་མེད་བཏང་བའི་འཕྲུལ་སྒུལ་འཁོར་ལོའི་ཐོ་འགོད་ལག་ཁྱེར། ཨང་རྟགས། བསྐོར་བསྐྱོད་འཛིན་ཡིག་སོགས་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་ལ་སྤྲད་ནས་ཐོ་གསུབ་བྱེད་དགོས།
གཅིག ཆུང་གྲས་གླ་གཏོང་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ། འབྲིང་གྲས་གླ་གཏོང་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི50ལ་ཐོན་པ། ཆེ་གྲས་གླ་གཏོང་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ།
གཉིས། བོགས་གཏོང་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ།
གསུམ། རླངས་འཁོར་ཆུང་གྲས་དང་འབྲིང་གྲས་ཁ་ལོ་བའི་སྦྱོང་བརྡར་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ།
བཞི། སྤྱི་སྤྱོད་འགྲུལ་སྐྱེལ་རླངས་འཁོར་སྐྱོད་ལམ་སྟོང་སྨི་ཁྲི40ལ་ཐོན་པ།
ལྔ། དེ་ལས་གཞན་པའི་འགྲུལ་སྐྱེལ་རླངས་འཁོར་ཆུང་གྲས་སྐྱོད་ལམ་སྟོང་སྨི་ཁྲི60ལ་ཐོན་པ། འགྲུལ་སྐྱེལ་རླངས་འཁོར་འབྲིང་གྲས་སྐྱོད་ལམ་སྟོང་སྨི་ཁྲི50ལ་ཐོན་པ། འགྲུལ་སྐྱེལ་རླངས་འཁོར་ཆེ་གྲས་སྐྱོད་ལམ་སྟོང་སྨི་ཁྲི80ལ་ཐོན་པ།
དྲུག ཆེད་སྤྱོད་སློབ་འཁོར་སྐྱོད་ལམ་སྟོང་སྨི་ཁྲི40ལ་ཐོན་པ།
བདུན། འགྲུལ་སྐྱེལ་རླངས་འཁོར་མ་ཡིན་པའི(ཆེ། ཆུང་།)འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ། འགྲུལ་སྐྱེལ་རླངས་འཁོར་མ་ཡིན་པའི་འབྲིང་གྲས་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི50ལ་ཐོན་པ། འགྲུལ་སྐྱེལ་རླངས་འཁོར་མ་ཡིན་པའི་ཆེ་གྲས་འགྲིམ་འགྲུལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ།
བརྒྱད། དངོས་སྐྱེལ་རླངས་འཁོར་ཆུང་གྲས་སྐྱོད་ལམ་སྟོང་སྨི་ཁྲི50ལ་ཐོན་པ། ཡང་གྲས་འབྲིང་རིགས་དངོས་སྐྱེལ་རླངས་འཁོར་སྐྱོད་ལམ་སྟོང་སྨི་ཁྲི60ལ་ཐོན་པ། ལྗིད་གྲས་དངོས་སྐྱེལ་རླངས་འཁོར(ཕྱེད་འདྲུད་འདྲེན་འཁོར་དང་ཡོངས་འདྲུད་འདྲེན་འཁོར)སྐྱོད་ལམ་སྟོང་སྨི་ཁྲི70ལ་ཐོན་པ། ཉེན་ཆེའི་དངོས་རྫས་སྐྱེལ་འདྲེན་རླངས་འཁོར་སྐྱོད་ལམ་སྟོང་སྨི་ཁྲི40ལ་ཐོན་པ། རླངས་སྣོད་མང་པོ་ཅན་་གྱི་མྱུར་ཚད་དམའ་བའི་དངོས་སྐྱེལ་རླངས་འཁོར་སྐྱོད་ལམ་སྟོང་སྨི་ཁྲི30ལ་ཐོན་པ།
དགུ ཆེད་སྒྲུབ་རླངས་འཁོར་དང་འཁོར་དབྱིབས་ཆེད་སྤྱོད་རླངས་འཁོར་སྐྱོད་ལམ་སྟོང་སྨི་ཁྲི50ལ་ཐོན་པ།
བཅུ། རྐང་གསུམ་སྦག་སྦག་འཁོར་ལོ་སྐྱོད་ལམ་སྟོང་སྨི་ཁྲི10ལ་ཐོན་པ། སྦག་སྦག་འཁོར་ལོ་གཞན་སྐྱོད་ལམ་སྟོང་སྨི་ཁྲི12་ལ་ཐོན་པ།
ལེའུ་བརྒྱད་པ། གཏན་འབེབས་འདི་ནང་གི་འཕྲུལ་སྒུལ་འཁོར་ལོ་ནི་གཞུང་ལམ་དུ་ཤར་བགྲོད་བྱེད་བཞིན་པའི་རླངས་འཁོར། འདྲུད་འཁོར། སྦག་སྦག་འཁོར་ལོ། འཁོར་དབྱིབས་ཆེད་སྤྱོད་འཕྲུལ་ཆས་འཁོར་ལོ་དག་ལ་ཟེར་བ་དང་། འགྲུལ་སྐྱེལ་མ་ཡིན་པའི་རླངས་འཁོར་ནི་མི་སྒེར་རམ་སྡེ་ཚན་གྱི་ཁེ་སྤོགས་ལ་དམིགས་པ་མ་ཡིན་པར་སྒེར་སྤྱོད་རང་བཞིན་གྱི་འགྲིམ་འགྲུལ་རླངས་འཁོར་ལ་ཟེར། ཉེན་ཆེ་དངོས་སྐྱེལ་རླངས་འཁོར་ནི། རྫས་འགྱུར་དངོས་རྫས། འབར་རྫས། འཕྲོ་ནུས་ལྡན་པའི་དངོས་རྫས། རུལ་བསླད་ཅན་གྱི་དངོས་བོ་སོགས་ཉེན་ཆེའི་དངོས་རྫས་སྐྱེལ་འདྲེན་བྱེད་པའི་རླངས་འཁོར་ལ་ཟེར། བེད་སྤྱོད་ངོ་བོ་བསྒྱུར་བཅོས་ཟེར་བ་ནི་བེད་སྤྱོད་ངོ་བོ་སྐྱེལ་འདྲེན་ངོ་བོ་ནས་སྐྱེལ་འདྲེན་མ་ཡིན་པའི་ངོ་བོ་བསྒྱུར་བ་དང་སྐྱེལ་འདྲེན་མ་ཡིན་པའི་ངོ་བོ་ནས་སྐྱེལ་འདྲེན་ངོ་བོ་ཅན་ལ་བསྒྱུར་བ་། གླ་གཏོང་རླངས་འཁོར་ཆུང་གྲས། བོགས་གཏོང་རླངས་འཁོར་ཆུང་གྲས། ཁ་ལོ་བའི་སྦྱོང་བརྡར་རླངས་འཁོར་ཆུང་གྲས་སོགས་རིགས་མི་འདྲ་བའི་འགྲུལ་སྐྱེལ་རླངས་འཁོར་བར་གྱི་ཕན་ཚུན་བརྗེ་སྤོར་དང་ཉེན་ཆེའི་དངོས་རྫས་སྐྱེལ་འདྲེན་ནས་དངོས་སྐྱེལ་རླངས་འཁོར་གཞན་དག་ལ་བརྗེ་སྤོར་བྱེད་པ་ལ་ཟེར། གཏན་འབེབས་འདིས་ནང་བཤད་པའི་ཞིབ་བཤེར་འཁོར་ཡུན་ནི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བགྲོད་ལམ་འགྲིམ་འགྲུལ་བདེ་འཇགས་བཅའ་ཁྲིམས་ཁྲིམས་སྲོལ》གཏན་འབེབས་ལྟར་འཕྲུལ་སྒུལ་འཁོར་ལོའི་བདེ་འཇགས་ཞིབ་བཤེར་འཁོར་ཡུན་ལྟར་ཡིན།
ལེའུ་དགུ་བ། ཞིང་ཆེན། རང་སྐྱོང་ལྗོངས། ཐད་གཏོགས་གྲོང་ཁྱེར་འབྲེལ་ཡོད་སྡེ་ཁག་གིས་གཏན་འབེབས་འདིས་དོན་ཚན་ལྔ་བའི་གཏན་འཁེལ་ལྟར་བོགས་གཏོང་འགྲུལ་སྐྱེལ་རླངས་འཁོར་དང་སྦག་སྦག་འཁོར་ལོའི་བེད་སྤྱོད་ལོ་ཚད་ཀྱི་ཚད་གཞི་ངེས་བར་དུ་དུས་ལྟར་སྤྱི་ཚོགས་ཡོངས་ལ་ཁྱབ་བསྒྲགས་བྱེད་དགོས་བར་མ་ཟད། རྒྱལ་སྲིད་སྤྱི་ཁྱབ་ཁང་གི་ཚོང་དོན་པུའུ། སྤྱི་བདེ་པུའུ། ཁོར་ཡུག་སྲུང་སྐྱོང་པུའུ་སོགས་ནས་ཐོ་འགོད་དོ་དམ་བྱེད་དགོས།
ལེའུ་བཅུ་བ། བགྲོད་ལམ་དུ་ཤར་བགྲོད་བྱེད་པའི་འདྲུད་འཐེན་འཁོར་ལོ་བེད་མེད་དུ་གཏོང་བའི་ཚད་གཞི་ལོགས་སུ་གཏན་འབེབས་བྱེད་ངེས།
ལེའུ་བཅུ་གཅིག གཏན་འབེབས་འདི2013ལོའི་ཟླ5པའི་ཚེས1ཉིན་ནས་བཟུང་ལག་བསྟར་བྱས་པ་ཡིན་ལ། 2013ལོའི་ཟླ5པའི་ཚེས1ཉིན་སྔོན་ནས་གཏན་འབེབས་འདིས་ནང་དོན་ལས་ཚད་གཞི་དང་གཅིག་མཐུན་ཡིན་པར་ཡོད་ན2014ལོའི་ཟླ4པའི་ཚེས30ཉིན་སྔོན་ནས་བེད་མེད་ཟུར་འཇོག་བྱེད་དགོས།