བོད་ཀྱི་རྨང་གཞིའི་སློབ་གསོ་གླེང་བ།（ཁག་དང་པོ）

   ༢ ཀུན་སྤྱོད།   བོད་ཀྱི་སྲོལ་རྒྱུན་སློབ་གསོའི་དམིགས་ཡུལ་ནི་མཁས་བཙུན་བཟང་གསུམ་གྱི་མི་དག་སྐྱེད་བསྲིང་བྱ་རྒྱུ་དེར་ཐུག་ཡོད་པས་སློབ་མར་ཆུང་དུས་ནས་ཀུན་སྤྱོད་ནི་མིའི་རིགས་ཀྱི་སྤྱི་ཚོགས་བདེ་འཇགས་ཡོང་བ་དང་མི་ཚེ་སྤྲོ་སྐྱིད་ཀྱིས་ཁེངས་པར་བྱེད་པའི་བྱ་སྤྱོད་ཡག་པོ་ཞིག་ཡིན་པའི་སློབ་གསོ་གཏོང་དགོས་པ་རེད།  དུས་མཚུངས་སུ་ང་ཚོས་ཀུན་སྤྱོད་ནི་ཕྱི་ཡི་གུས་ལུགས་སྟབས་བདེ་བོ་དག་ཁོ་ནར་ངོས་མི་འཛིན་པར་མི་ཞིག་གི་ནང་སེམས་ཀྱི་ངོ་བོར་ལྟ་བའི་བློ་མིག་ཅིག་ཀྱང་ཡོད་དགོས་པ་ཡིན།     ལྷག་པར་དངོས་པའི་དཔལ་ཡོན་བྱ་འཕུར་བ་ལྟར་འཕེལ་རྒྱས་འགྲོ་བཞིན་པའི་དུས་རབས་འདིར་དུས་ཚོད་སྐར་ཆ་རེ་རེ་བཞིན་མིའི་རིགས་དང་ཁ་ཐག་ཇེ་རིང་དུ་འགྲོ་བཞིན་པ་ནི་ནང་བསམ་པའི་དཔལ་ཡོན་ཡིན་པར་ཡིད་འཇོག་གནང་གལ་ཆེ་ཞིང༌།   སྒོས་སུ་ཕྱི་ཡི་འཇིག་རྟེན་ཁྲ་ཁྲ་དང་ནང་གི་སེམས་ཅན་ཁྲ་ཁྲ་ཡིན་པའི་དེང་རབས་ཀྱི་དཔལ་ཡོན་འདིའི་མདུན་དུ།  བོད་ཀྱི་སློབ་གསོས་ནུས་ཤུགས་རྩལ་དུ་འདོན་དགོས་སའང་བྱིས་པ་ཚོ་ནང་སེམས་ཡག་པོ་ཅན་གྱི་མི་རེ་རེར་འགྱུར་རྒྱུའི་གལ་ཆེའི་རང་བཞིན་ལ་ནན་ཏན་དུ་བསམ་བློ་གཏོང་དགོས་པ་དང༌།  དུས་བབ་དང་འཚམ་པའི་ཐབས་ལམ་འཚོལ་བ་དང༌།   གནས་བབ་དང་བསྟུན་པའི་ལག་ལེན་བྱེད་པར་སྒོ་ཀུན་ནས་ཧུར་བརྩོན་གནང་དགོས་པ་ཡིན།

   ༣ གཙང་སྦྲ།  ངས་རྒྱུན་དུ་འདི་ལྟར་འདོད།   ཆུང་ས་ནས་བཤད་ན་བོད་ཀྱི་བྱིས་པ་ཞིག་གིས་ཁ་ལག་ཡག་པོ་ཞིག་བཀྲུ་ཐུབ་ནའང་བོད་ཀྱི་སློབ་གསོར་ཕན་ཐོགས་ཡོད་དེ།  རྒྱུ་མཚན་གང་ཡིན་ཞེ་ན།    ང་ཚོའི་མི་རིགས་འདིར་གཙང་སྦྲ་འཕྲོད་བསྟེན་བྱེད་པར་མི་དགའ་བའི་ངན་གོམས་ཤིག་ཡོད་པ་སྟེ་དེང་སང་ཡང་གཙང་སྦྲའི་ཐད་ལ་དོ་སྣང་མི་བྱེད་པའི་རོང་འབྲོག་གི་ཁྱིམ་ཚང་མི་ཉུང་བ་ཞིག་ཡོད་པ་ནི་མིག་མཐོང་ལག་ཟིན་གྱི་གནས་ཚུལ་ཞིག་རེད།  གཙང་སྦྲ་འཕྲོད་བསྟེན་ནི་མིའི་ལུས་སེམས་གཉིས་ཀ་བདེ་ཐང་ཡོང་བར་ཐད་ཀར་འབྲེལ་བ་ཆགས་ཡོད་པ་ཞིག་ཡིན་པ་ལྟར་སློབ་མ་ཚོར་གཙང་སྦྲའི་སྐོར་གྱི་ཤེས་བྱ་ངོ་སྤྲོད་བྱེད་པ་དང་གཙང་སྦྲ་འཕྲོད་བསྟེན་ནི་མིའི་རིགས་ཀྱིས་དོ་ཁུར་དང་དགའ་བསུ་ཆེན་པོ་བྱེད་སའི་གོམས་སྲོལ་ཡག་པོ་ཞིག་ཡིན་པའི་གལ་ཆེའི་རང་བཞིན་དེ་ཡང་དང་བསྐྱར་དུ་བཤད་དགོས་ཏེ།   སློབ་མ་མི་རེ་ངོས་རེ་ནས་རང་རང་གི་ལུས་ཕུང་ལ་གཙང་སྦྲ་བྱེད་པ།    རང་ཁྱིམ་ལས་ལྷག་པའི་འཛིན་ཁང་ལ་གཙང་སྦྲ་བྱེད་པ།   དུས་རྒྱུན་གྱི་འཚོ་བའི་ཁོར་ཡུག་ལ་གཙང་སྦྲ་བྱེད་པར་འབད་པ་བྱེད་འོས་པའི་སློབ་གསོ་གཏོང་དགོས་ཤིང༌།   དུས་དང་རྣམ་པ་ཀུན་ཏུ་སུས་ཀྱང་གཙང་སྦྲ་མ་བྱས་པའི་གཙང