སློབ་གསོའི་བྱ་བ་གཙིགས་སུ་འཛིན་དགོས་ཚུལ་རགས་ཙམ་གླེང་བ།

   ༡.བདག་གཉེར་བཟང་དགོས། སློབ་གྲྭའི་རིམ་པ་ཁག་གིས་སློབ་གསོ་བྱེད་ཕྱོགས་དང་དུ་ལེན་ཡགས་བྱེད་པ་དང་། ཕྱོགས་སོ་སོའི་སློབ་གསོ་ལྟེ་བར་འཛིན་པའི་སྡེབ་ལེགས་པ་ཞིག་དགོས། དེ་བདག་གཉེར་བཟང་བ། འགྲིག་ལམ་དམ་པ། ཀུན་སྤྱོད་བཟང་བ་ཞིག་དགོས། འདི་འདྲའི་ཁོར་ཡུག་ཏུ་སློབ་མ་ཚོ་སྣང་བ་སྐྱིད་ཅིང་བསླབ་ལ་སྤྲོ་བ་བརྟས་པ་ཞིག་འོང་ངོ་།།

  ༢.དགེ་རྒན་བཟང་དགོས། དགེ་རྒན་གྱི་བསམ་པ་དང་སྤྱོད་པ་སློབ་མ་ཚོར་ཤན་ཤུགས་ཆེ། སྒོས་སུ་སློབ་གྲྭ་ཆུང་བདང་འབྲིང་བ་དམའ་རིམ་ཅན་གྱི་སློབ་མ་ཚོར་ཤན་ཞུགས་པར་སླ། དཔེར་ན། ཤོག་བུ་དཀར་པོ་བཙག་དང་བསྡེབས་ན་དམར་པོར་འགྱུར་བ་དང་། རམས་དང་བསྡེབས་ན་སྔོན་པོར་འགྱུར་བས་ན། དགེ་རྒན་བཟང་དགོས། དགེ་རྒན་ཚད་ལྡན་ནི། རང་གི་རྒྱལ་ཁབ་དང་མི་རིགས་ལ་གཅེས་པར་འཛིན་པ།

བསམ་པ་རྒྱ་ཆེ་བ་གཞན་ཕན་གྱི་ལས་ལ་གཞོལ་བ། སློབ་མ་ལ་ལྷག་བསམ་རྣམས་པར་དག་པ། རང་དཔེ་གཞན་སྟོན་གྱི་ཤན་ཤུགས་ཆེ་བ། སློབ་མའི་རྒྱུད་ལེགས་པར་སྐྱོང་བ། སློབ་ཚུལ་སློབ་མའི་ལོ་ཚོད་དམ་ཤེས་ཚོད་དང་བསྟུན་ནས་རིག་པ་བསྐྱེད་མཁས་པ། དུས་ཐུང་དུ་ཡོན་ཏན་ལྷག་ཚོད་འབྱོར་བར་འཇུག་ཐུབ་པ་ཞིག་ཡིན་དགོས།

  ༣.བསླབ་དེབ་བཟང་དགོས། རྗོད་བྱེད་ཀྱི་ཆ་ནས་ཡི་གེ་དང་མིང་ཚིག་བརྗོད་པ་སྡེབ་དག་པ་དང་། བརྡ་སྤྲོད་ལུགས་རང་སྐད་ཀྱི་ཚིག་ཉམས་དང་དོན་ཉམས་ཐོན་པའི་རོ་བྲོ་བ་དང་། སྒྲ་རིགས་པའི་གནས་ལུགས་སློབ་མ་ཚོའི་ཁོང་དུ་ཆུད་པ་དང་ངག་ལ་འབྱོར་བའི་མཆོག་སྟེར་བ་ཞིག་དགོས། བརྗོད་བྱའི་ཆ་ནས་གཞུང་དོན་མང་ཉུང་རམ་པ། དག་ཆ་ཐོན་པ། སྙིང་བོས་ཕྱུག་པ། ཁ་གསལ་ཞིང་གོ་བདེ་བ། རྒྱུད་ལ་འཇགས་སླ་བ་ཞིག་ཡིན་དགོས། གཏད་སོ་གསུམ་གྱི་དགོས་པ་ལྟར་ན། ཡིག་རིགས་སྣ་ཁ་གསུམ་བསླབ་དགོས།  སློབ་གྲྭ་ཆུང་བ་ནས་སློབ་གྲྭ་འབྲིང་བ་བར་དུ། སློབ་མ་ཚོར་བོད་ཡིག་དང་། རྒྱ་ཡིག་གི་ཆུ་ཚད་ཚད་ངེས་ཅན་ཞིག་ལ་སླེབས་པར་འཇུག་ཐོག་དབྱིན་ཇིའི་ཡི་གེ་སྦྱོར་ཀློག་ཙམ་ཞིག་ཤེས་པར་འཇུག་དགོས། མཚོ་སྔོན་མི་རིགས་བསླབ་གཞི་རྩོམ་སྒྱུར་ཁང་གིས་བོད་སྤྱིའི་སློབ་གྲྭ་ཆུང་བ་དང་འབྲིང་བར་རིག་གནས་སྣ་ཚོགས་ཀྱི་བོད་ཡིག་བསླབ་དེབ་ཆ་ཚང་བ་ཞིག་བསྒྲིགས་ནས་དཔར་བ་བཀའ་དྲིན་ཤིན་ཏུ་ཆེ་ཡང་། སྤྱི་ལོ་ཉིས་སྟོང་བར་ཐུག་པའི་བར་དུ་དཔར་བའི་བསླབ་དེབ་རྣམས་ལ་བལྟས་ན། བརྗོད་བྱ་དང་རྗོད་བྱེད་གང་ཐད་ཀྱང་ཚད་མར་ཕྱོགས་མེད། རྗོད་བྱེད་ཀྱི་ཆ་ནས་བཤད་ན། འགྱུར་མ་དག་པ་ཧ་ཅང་མང་། རྒྱ་སྐད་དང་བོད་སྐད་ལ་ཐུན་མོང་མ་ཡིན་པའི་ཁྱད་ཆོས་མངོན་པར་གསལ་བ་ཡོད། རྒྱ་ཡིག་བོད་ཡིག་ཏུ་བསྒྱུར་བ་ལས། གཟབ་ཏུ་བྱ་བ་འདི་གནད་དུ་མི་འཛིན་པར། རྒྱ་སྐད་ཀྱི་མིང་གི་སྦྱོར་བ་དང་། ཚིག་གི་སྦྱོར་བའི་ཁྱད་ཆོས་ཨུ་ཚུགས་ཀྱིས་བཤུས་ནས་བོད་སྐད་ཀྱི་ཁྱད་ཆོས་འགྲིབ་པར་གྱུར་བའི་རྐྱེན་གྱིས་ཚིག་སྐྱོན་དང་དོན་སྐྱོན་ས་ཁྱབ་རྡོ་ཁྱབ་ཏུ་མཐོང་སྟེ།

（༡）ཕྱིས་འབྱུང་ལ་མཐའ་འབྲས། རྩྭ་གཏུབ་ལ་རྩྭ་གྲི། བེམ་པོ་ལ་འགུལ་མེད་ཀྱི་དངོས་པོ། སྐུད་འཁེལ་ལ་ཞིང་བལ་འཁེལ་བ།  ལྟ་བུ་སོགས་བརྡ་མི་འབྱོར་བ་དང་།

（༢）བྱ་ཚིག་ལ་ལས་ཚིག སྨེ་བདུན་ལ་བྱང་སྐར་སྤུན་བདུན། ལྗང་པ་ལ་གྲོ་སྙེ་ལྟ་བུ་སོགས་ཞྭ་དཔེ་ལྷམ་འགེབས་དང་།

（༣）གཟབ་དགོས་པ་ལ་དོ་གཟབ་བྱ་དགོས་པ། ཚིག་སྒྲིག་པ་ལ་ཚིག་གྲུབ་བཟོ་བ། མིང་གི་ངོ་བོ་ངེས་དགོས་པ་ལ་མིང་གི་དག་ཆ་ངེས་དགོས་ལྟ་བུ་སོགས་སྨྲ་མི་དག་པ་དང་།

（༤）ཞིབ་ལྟ་བྱེད་པ་ལ་ཞིབ་མོར་ལྟ་ཞིབ་བྱེད་པ།  རང་གི་ལྕོགས་ཚོད་ལ་བསྟེན་ནས་ཟེར་བར།  རང་ཉིད་ཀ