ནོར་བཟང་དྲ་ལམ་སློབ་ཁྲིད་སྐབས་གསུམ་པའི་རིན་མེད་སློབ་ཁྲིད་ཀྱི་གསལ་བརྡ།

དང་པོ། ངོ་སྤྲོད་མདོར་བསྡུས།
     ནོར་བཟང་དྲ་ལམ་སློབ་ཁྲིད་ནི་སྤྱི་ལོ2014ལོའི་ལོ་མཇུག་ཏུ་གསར་དུ་དབུ་བརྙེས་པའི་དྲ་ལམ་སློབ་ཁྲིད་ཅིག་ཡིན་ལ། སྐབས་དང་པོའི་དྲ་ལམ་སློབ་ཁྲིད་ཀྱི་ནང་དུ་ཁྲིད་བྱ་གཙོ་བོAdobePhotoShopདང་། CorelDRAWམཉེན་ཆས་གཉིས་གཞིར་བཞག་གི་སྟེང་ནས་ངོས་སྙོམ་ཇུས་འགོད་སྐོར་ཀྱི་སློབ་ཁྲིད་བྱས་པ་ཡིན་ཞིང་། སློབ་མ་རྣམ་ལ་ཡང་ཡར་ཐོན་མངོན་གསལ་དོད་པོ་བྱུང་བ་དང་། ནོར་བཟང་དྲ་ལམ་སློབ་ཁྲིད་སྐབས་གཉིས་པར་རྩིས་འཁོར་གྱི་རྨིང་གཞིའི་སྐོར་གྱི་དམའ་རིམ་སློབ་ཁྲིད་དང་། ངོས་སྙོམ་ཇུས་འགོད་སྐོར་གྱི་མཐོ་རིམ་སློབ་ཁྲིད་གཉིས་བྱས་པས་སློབ་མ་དག་གིས་ཀྱང་ཕན་ཐོག་བྱུང་སོང་ཟེར་ནས་མཐེ་བོང་ཀེར་གི་འདུག་པ་དང་། ནོར་བཟང་དྲ་ལམ་སློབ་ཁྲིད་ལ་བསྟེན་ནས་ཕྱོགས་སོ་སོ་རུ་རྩིས་འཁོར་ཕྱོགས་ཀྱི་ལས་ཁུང་ཆུང་ངུ་རེ་འཛུགས་མཁན་ཡང་བྱུང་ཡོད། དེ་བས་སློབ་མ་དག་གི་རེ་བ་དང་སྦྱོང་འདུན་ཡོད་ཅིང་འབྱོར་འཁོས་ཅུང་ཞན་པའི་སློབ་མ་དག་ལ་དམིགས་ནས་ཐེངས་འདིར་ནོར་བཟང་དྲ་ལམ་སློབ་ཁྲིད་སྐབས་གསུམ་པའི་རིན་མེད་སློབ་ཁྲིད་མགོ་རྩོམ་རྒྱུ་ཡིན།
གཉིས་པ། ཁྲིད་སྟངས་ཀྱི་སྐོར།
     ནོར་བཟང་དྲ་ལམ་སློབ་ཁྲིད་ཀྱི་སློབ་ཁྲིད་བྱེད་སྟངས་ནི་རྩིས་འཁོར་དང་རྩིས་འཁོར་ཕན་ཚུན་དྲ་འབྲེལ་བྱས་ནས་སློབ་ཁྲིད་བྱ་རྒྱུ་ཡིན་པས། ཁྱེད་ལ་རྩིས་འཁོར་རམ4Gདྲ་བ་ལྡན་པའི་ཁ་པར་གང་རུང་ཞིག་ཡོད་ཚེ་ང་ཚོའི་སློབ་ཁྲིད་འདིར་མཉམ་ཞུགས་བྱ་ཆོག
གསུམ་པ། སློབ་ཚན་ངོ་སྤྲོད།
     ཐེངས་འདིའི་སློབ་ཁྲིད་ཀྱི་ནང་དོན་གཙོ་བོ་ནིAdobe PhotoShopཡི་ཉེར་སྤྱོད་སྐོར་ཡིན་ཞིང་། སློབ་མ་ལས་དང་པོ་པ་དག་ལ་དམིགས་ནས་ལག་རྩལ་གྱི་ཆེས་དམའ་ས་ནས་ཁྲིད་རྒྱུ་ཡིན། སློབ་ཁྲིད་ཀྱི་སྐད་གཤིས་ཕལ་ཆེར་ཨམ་སྐད་ལ་གཏོགས་པས།  ཨམ་སྐད་གཏན་ནས་མི་གོ་བའི་སློབ་མ་དག་གིས་མིང་ཐོ་མི་འགོད་རོགས། 
བཞི་བ། སློབ་མའི་གྲངས་ཀ་དང་།སློབ་ཁྲིད་ལ་ཞུགས་པའི་ཆ་རྐྱེན།
     ཐེངས་འདིའི་རིན་མེད་སློབ་ཁྲིད་ནང་དུ་སློབ་མ་ལྔ་བརྒྱ་བསྡུ་རྒྱུ་ཡིན་ཞིང་། སློབ་མ་དག་ཀྱང་ངེས་པར་དུ་སློབ་སྦྱོང་བྱེད་འདོད་ཡོད་པ་དང་། སློབ་ཁྲིད་ལ་རྒྱུན་པར་ཆད་མེད་དུ་ཞུགས་ཐུབ་མཁན་ཡིན་དགོས། གལ་ཏེ་སློབ་ཁྲིད་ལ་རྒྱུན་པར་ཞུགས་མི་ཐུབ་པའི་གནད་དོན་ཡོད་ཚེ་ཁྱེད་ཀྱིས་སློབ་མ་གཅིག་གི་སློབ་སྦྱོང་སྐལ་བ་བརླགས་འགྲོ་བས་ཁྱེད་རང་ཐེངས་འདིའི་སློབ་ཁྲིད་ལ་མི་ཞུགས་རོགས།  
ལྔ་བ། འབྲེལ་ཡོད་གནས་ཚུལ་སྐོར།
     སློབ་ཁྲིད་བྱེད་དུས་ཀྱི་དུས་ཚོད་ནི་དགུང་མོའི་དུས་ཚོད20:00ཀྱི་སྟེང་ཡིན་ཞིང་། སློབ་ཁྲིད་མ་བྱས་པའི་སྐར་མ་ལྔའི་ཡར་སྔོན་ནས་སློབ་མ་དག་དུས་ལྟར་དྲ་ལམ་དུ་ཞུགས་ཐུབ་ངེས་བྱེད་དགོས།  
     སློབ་ཁྲིད་མགོ་རྩོམ་དུས་སྤྱི་ཟླ3པའི་ཚེས27ཉིན་ཡིན་ཞིང་། ཚེས26ཉིན་གྱི་དགུང་མོ་གྲ་སྒྲིག་སློབ་ཁྲིད་བྱེད་རྒྱུ་ཡིན་པས། སློབ་ཁྲིད་ལ་ཞུགས་ངེས་ཀྱི་སློབ་མ་དག་དུས་ལྟར་འབྱོར་དགོས། 
དྲུག་པ། སློབ་ཁྲིད་ལ་ཞུགས་འདོད་ཡོད་པའི་སློབ་གྲོགས་དག་གིས་འོག་གི་ཨང་རིམ་བཤེར་ནས་ཁྱེའུ་འཕྲིན་ཚོགས་པའི་ནང་འཛུལ་བའམ། ཡང་ན་འོག་གི་ཨང་གྲངས་བརྒྱུད་ནས་ཁྱེའུ་འཕྲིན་ཚོགས་པའི་ནང་འཛུལ་རོགས། ད་དུང་གསལ་བཤད་ཅིག་ལ།  སློབ་ཁྲིད་ལ་ཞུགས་མི་ཐུབ་པ་དང་། སློབ་སྦྱོང་བྱེད་འདོད་མིན་པར་རང་སྣང་གང་ཤར་དུ་འོང་བ་དག་ཚོགས་པའི་ནང་མི་འཛུལ་རོགས། གལ་ཏེ་ཁྱེད་རང་སློབ་ཁྲིད་ལ་མ་ཞུགས་པར་ཚོགས་པའི་ནང་བསྡད་ཡོད་མཁན་ཞིག་ཡིན་ཚེ་བསུབ་རྒྱུ་ཡིན་པས་དེ་ལུགས་ཐུགས་འཇགས་ཞུ། 
སློབ་ཁྲིད་ལ་ཞུགས་ཡུལ་ཀྱི་ཁྱེའུ་འཕྲིན་ཚོགས་པ། 317310809
ཡང་ན་འོག་གི་ཚད་གཉིས་ཨང་རིམ་བཤེར་ཡང་ཆོག