ཀན་ལྷོ་ཁུལ་དུ《ཁ་ལོ་བའི་བོད་ཡིག་རྒྱུཊ་ལེན་བསྟན་བཅོས》APPསྤྱོད་མགོ་བརྩམས་པ།

       ཉེ་ལམ། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་གྱི《ཁ་ལོ་བའི་བོད་ཡིག་རྒྱུགས་ལེན་བསྟན་བཅོས》IosདངAndroidཔར་མ་ཞིབ་བཤེར་གཏན་འབེབས་གྲོས་འཆམ་བྱུང་ནས་དངོས་སུ་བེད་སྤྱོད་མགོ་ཚུགས།

　　ཁ་ལོ་བའི་བོད་ཡིག་རྒྱུགས་ལེན་བསྟན་བཅོས་ནི་བོད་ཡིག་གི་པར་མའི་ཁ་ལོ་བའི་གཞུང་ལུགས་སྐོར་གྱི་རྒྱུགས་གཞི་སྦྱོང་བརྡར་ཚོད་ལྟའི APP ཡིན་ལ། དེའི་ནང་བོད་ཡིག་གི་ལམ་ནས་རྒྱུགས་གཞི་དང་པོ་དང་བཞི་བའི་སྦྱོང་བརྡར་རྒྱུགས་མཛོད། རྒྱུགས་གཞི་གཉིས་པ་དང་གསུམ་པ་རྒྱུགས་ལེན་སྐབས་དོ་སྣང་བྱ་དགོས་པའི་ཤེས་བྱ་མཁོ་འདོན་བྱེད་པ། འགྲིམ་འགྲུལ་མཚོན་རྟགས་དང་ལག་བརྡ་བསྲེས་སླ་བར་དཔྱད་ཞིབ་ཀྱི་རོགས་རམ་ནུས་པ་ཐོན་པ། རླངས་འཁོར་ཁ་ལོ་བའི་གཞུང་ལུགས་བརྟན་པོ་བཟོ་བ། ཡིག་རྒྱུགས་དང་ལག་ལེན་ལེན་ལ་གོ་བ་མ་ནོར་བར་གསལ་པོ་སྟོན་པ། རྒྱ་ཆེའི་བོད་རིགས་མང་ཚོགས་ཀྱིས་ཁ་ལོ་བའི་ལག་རྩལ་ལ་རྒྱུས་མངའ་དང་རྒྱུགས་གཞིའི་གཤར་སྦྱང་ཡག་པོ་ཡོང་བ་སོགས་ཀྱི་ནུས་པ་ཆེན་པོ་ལྡན། ཁ་ལོ་བའི་བོད་ཡིག་རྒྱུགས་ལེན་བསྟན་བཅོས་ཀྱིས་གང་ནུས་སྒོས་བོད་ཁུལ་གྱི་རྒྱའི་སྐད་ཡིག་མི་ཤེས་པའི་བོད་རིགས་མང་ཚོགས་ཀྱི་དཀའ་ངལ་ཆེ་ཤོས་ཐག་བཅད་པ་མ་ཟད། བོད་སྐད་ཡིག་དེང་རབས་སྤྱི་ཚོགས་ནང་རྒྱུགས་ཆེར་བཟོ་བའི་དངོས་ཡོད་ཀྱི་དོན་སྙིང་ཆེན་པོ་ལྡན་ནོ། །