iPhone 6sརྒྱལ་ནང་དུ་ཚེས25ཉིན་དངོས་སུ་ཚོང་རྒྱུ་ཡིན་པ།

      སྤྱི་ཟླ9བའི་ཚེས10ཉིན་གྱི་སྔ་དྲོའི་སྟོན་དུས་ཀྱི་ཐོན་རྫས་འགྲེམ་སྤེལ་ཚོགས་འདུའི་སྟེང་ཀུ་ཤུའི་ཐོན་རྫས་ལྔ་བཀྲམ་པ་སྟེ། iPhone 6sདངiPhone 6s Plus། iPad Pro། གསར་དུ་མདོག་སྦྱར་བའིApple Watch། དེ་མིནApple TVགསར་བ་བཅས་འདུས།

iPhone 6sདངiPhone 6s Plus།

iPhone 6sདངiPhone 6s Plusམཚམས་སྦྱོར་མདོར་བསྡུས།

     གསར་རྐྱང་དུ་གྲུབ་པའིiPhone 6sདངiPhone 6s Plusབཅས་ཀུ་ཤུ་ཁ་པར་སྣ་གཉིས་ཀྱི་ཕྱིའི་ཇུས་འགོད་དེ་ཕར་ཆེརiPhone 6ཡི་ཇུས་འགོད་སྲུང་འཛིན་བྱས་ཡོད་ཅིང་།  ཧ་ཡང་ལྕགས་བསྲེས་མ7000ཡི་རྒྱུ་ཆ་སྤྱད་པ་དང་མཚུངས་སུ་རྒྱ་སེའི་མེ་ཏོག་གསེར་ལྡན་མདོག་སྦྱར་ཡོད་པ་ལས་གཞན་ད་དུང་སྔར་གྱི་ནག་པོ་དང་དངུལ་མདོག  གསེར་མདོག་བཅས་མདོག་གསུམ་ཡང་སྔར་བཞིན་སྲུང་འཛིན་བྱས་ཡོད།
     iPhone 6sདངiPhone 6s Plusཕྱི་རྒྱལ་གན་རྒྱའི་ཁ་པར(ཟླ24)གྱི་རིན་གོང་སོ་སོ་ནི་ཨ་སྒོར199དང་ཨ་སྒོར299ཡིན་ཞིང་། སྤྱི་ཟླ9བའི་ཚེས12ཉིན་དངོས་སུ་མངག་ཉོ་བྱས་ཆོག་ལ། iPhone 6sསོགས་ཐོན་རྫས་རབས་དང་རིམ་པ་སྤྱི་ཟླ9བའི་ཚེས25ཉིན་རྒྱལ་ནང་དང་རྒྱལ་སྤྱི་རུ་དུས་མཉམ་དུ་ཚོང་རྒྱུ་རེད།

iPad Proམཚམས་སྦྱོར་མདོར་བསྡུས།

     iPad Proནི་གསར་རྐྱང་གི་ཐོན་རྫས་ཤིག་ཡིན་པའི་ཆ་ནས་དབྱིན་ཚུན12.9ཡི་འཆར་ཤེལ་སྤྱད་ཡོད་ལ། འབྱེད་ཕྱོད2732x2068ལ་སླེབས་པ་དང་དེའི་སྟེང་དུ་རིང་ཐུང་འདྲ་བའི་མཐེབ་གཞོང་ཡོད། ཡིན་ཡང་ཞེང་ཚད་ནི་སྔོན་གྱིAirཡི་མཐོ་ཚད་དང་ཆ་མཚུངས་ལ། མཐུག་ཚད་ནི་ཧོའོ་སྨི6.9ཏག་ཡིན་ལ། ཁྱེད་ཀྱིསMacBook Proསྤྱོད་པ་དང་འདྲ་བར་སྤྱད་ཆོག
     iPad Proགསར་བར་དངུལ་མདོག་དང་མདོག་ནག་པོ། དབྱིངས་སྐྱ་བཅས་མདོག་གསུམ་ཡོད་ལ། ཤོང་ཚད་ཀྱི་པར་གཞིའི་རྣམ་པ་གསུམ་ཡོད་དེ་རིན་གོང་སོ་སོ་ནི་པར་གཞི32GB Wifiཡི་རིན་གོང་ནི་ཨ་སྒོར799དང128GB Wifiནི་ཨ་སྒོར949། 128GB 4Gནི་ཨ་སྒོར1079བཅས་ཡིན་པ་མ་ཟད། དུས་ཅིག་ཏུ་བཀྲམ་པའིPencilཡི་རིན་གོང་ནི་ཨ་སྒོར99དང་རིག་ལྡན་མཐེབ་གཞོང་གི་རིན་གོང་ཨ་སྒོར169ཡིན་པ་དང་། ཐོན་རྫས་འདི་དག་སྤྱི་ཟླ11པར་དངོས་སུ་ཚོང་རྒྱུ་རེད།

Apple Watchམཚམས་སྦྱོར་མདོར་བསྡུས།

     Apple Watchནི་སྔོན་གྱི་ཐོན་རྫས་དག་གི་རིམ་སྤར་ཆེན་མོ་མི་མཚུངས་ཤིང་། Apple Watchནི་ཏག་ཏག་མདོག་གི་ཐད་ནས་གསར་བསྒྱུར་བྱས་པ་ཡིན་ལ། དེའི་ཁྲོད་དུ་ཕོ་སྣེ་གློག་གི་གློག་རྩི་ཧ་ཡང་རྒྱུ་ཆའི་ཞང་ཕིན་གསེར་ལྡན་མདོག་དང་རྒྱ་སེ་མེ་ཏོག་གསེར་ལྡན་མདོག་སྦྱར་ཡོད། ཆེས་དམའ་བའི་རིན་གོང་ཨ་སྒོར349སྟེ་ཧ་ལམ་མི་དམངས་སྒོར2225དང་ཆེས་མཐོ་བའི་རིན་གོང་ཨ་སྒོར17000སྟེ་ཧ་ལམ་མི་དམངས་སྒོར108000ཡིན།
     པར་གཞི་གསར་བའིApple Watchནི་དེ་རིང་དངོས་སུ་ཚོང་ཟོག་གཏོང་རྒྱུ་ཡིན་པ་དང་། གསར་རྐྱང་གིWatch OS2ནི་སྤྱི་ཟླ9བའི་ཚེས16ཉིན་དངོས་སུ་གསར་དུ་ཐོན་ངེས།

Apple TVམཚམས་སྦྱོར་མདོར་བསྡུས།

     Apple TVལ་གསར་བསྒྱུར་ཆེན་མོ་བྱུང་ཡོད་ཅིང་། དེར་བརྙན་འཕྲིན་གྱི་རྒྱང་འཛིན་ཡོ་ཆས་གསར་བ་དངSiriསྐད་གདངས་ཚོད་འཛིན་ཡོད་ལ། SiriཡིསiTunesདངHuluསོགས་ཀྱི་ནང་དོན་སྟེགས་བུ་ལས་བརྒལ་ཏེ་འཚོལ་བཤེར་བྱེད་ཐུབ་པ་དང་མཚུངས་སུ་རྒྱང་འཛིན་ཡོ་ཆས་དེ་རག་འཛིན་པང་དུ་སྡེབ་སྟེ་སྤྱོད་མཁན་གྱིས་རག་འཛིན་པང་དུ་འདྲེད་འགུལ་གྱིས་སྤྱོད་ཆོག
     རྒྱུས་ལོན་པ་ལྟར་ན། Apple TVགསར་བ་ནི་སྤྱི་ཟླ10བར་འཛམ་གླིང་གི་རྒྱལ་ཁབ80རུ་ཚོང་མགོ་རྩོམ་རྒྱུ་ཡིན་ཞིང་། ལོ་མཇུག་ཏུ་རྒྱལ་ཁབ100ལ་ཁྱབ་རྒྱུ་རེད། པར་གཞི་གཉིས་ཡོད་དེ། པར་གཞི32GBཡི་རིན་གོང་ནི་ཨ་སྒོར149དང་པར་གཞི64GBཡི་རིན་གོང་ནི་ཨ་སྒོར199རེད།