Samsung Galaxy Note 2 N7100 N7108ནང་དུ་བོད་ཡིག་འཇོག་ཐབས།

　　བོད་ཡིག་ཆ་འཕྲིན་གྱི་ལས་ཀ་དུས་རབས་ཀྱི་འགྲོས་དང་བསྟུན་ནས་འཕེལ་རྒྱས་འགྲོ་བཞིན་པའི་དུས་འདིར། བོད་རང་གིས་བཟོས་པའི་བོད་འགྱུར་ཁ་པར་བློ་བཟང་རྟགས་ཅན་དང་། རྒྱ་མཚོ་རྟགས་ཅན།མུན་སེལ་རྟགས་ཅན། དེ་མིན་ཀུ་ཤུ་རྟགས་ཅན་གྱི་ཁ་པར་ལ་སོགས་བོད་ཡིག་ལ་རྒྱབ་སྐྱོར་ཐོབ་པའི་ཡུལ་དངོས་ཆ་འཕྲིན་ལ་འཇུག་པའི་ལག་འཁྱེར་ཡོད།  ཡིན་ཡང་མི་རེ་རེའི་དཔལ་འབྱོར་དང་མཛེས་དཔྱོད་སོགས་མི་འདྲ་བས་བེད་སྤྱོད་གནང་བའི་ཁ་པར་གྱི་རྟགས་མ་ཡང་མི་འདྲ་བ་རེད།  རྒྱུ་མཚན་དེའི་དབང་གིས་མི་ཁ་ཤས་ཀྱིས་བོད་ཡིག་ལ་རྒྱབ་སྐྱོར་མི་བྱེད་པའི་ཁ་པར་ལ【root】ཆེས་མཐོའི་དབང་ཆ་བླངས་ཏེ་བོད་ཡིག་གི་ཡིག་གཟུགས་དང་འཇུག་ཐབས་ནང་འཇུག་བྱེད་ཀྱི་ཡོད།  དེ་རིང་འདིར་ངོ་སྤྲོད་བྱེད་འདོད་པ་ནི་བོད་ཡིག་ལ་རྒྱབ་སྐྱོར་མེད་པའི་ཁ་པརSamsung Galaxy   Note  2  N7100 དང N7108ནང་དུ་བོད་ཡིག་འཇུག་ཐབས་ཡིན།   དྲྭ་གྲོགས་ཚོས་མཁྱེན་གསལ་སྤྱིར་བོད་ཡིག་འཇུག་དགོས་ན་ངེས་པར་དུ་ཆེས་མཐོའི་དབང་ཆ་ལེན་དགོས། ཡིན་ཡང་ལག་རྩལ་པ་དྲིན་ཅན་འགས་བོད་ཡིག་ཡིག་གཟུགསAPKལ་ཐུམ་སྒྲིལ་བྱས་ཏེ་ཐད་ཀར་ཨ་གྲོལ【Android】ཉེར་སྤྱོད་བྱ་རིམ་ནང་འཇུག་ལྟར་ཐད་ཀར་སྒྲིག་འཇུག་བྱེད་ཐུབ་ཀྱི་ཡོད།  དེ་དང་ཆབས་ཅིག་ཏུ་ཕབ་གཞོང་ཕབ་ལེན་བྱས་ཏེ་སྒྲིག་འཇུག་བྱེད་དགོས། སྒྲིག་འཇུག་བགྱིས་རྗེས་སུ་ཇི་ལྟར་སྒྲིག་འགོད་བྱེད་ཚུལ་གཤམ་གྱི་པར་རིས་ལྟར་ཡིན། 
　　Samsungསྒྲིག་འགོད【设置】ལས་མངོན་པ【显示】གདམ་དགོས། དེ་རྗེས་ཡིག་གཟུགས་ཁྱད་ཆོས【字体风格】གནོན་དགོས། དེ་ནས་ད་རེབ་སྒྲིག་འཇུག་བགྱིས་པའི་ཡིག་གཟུགས་གསར་པ་གདམ་ན་ལེགས་གྲུབ་བྱུང་ཚར་བ་ཡིན།   ད་བསམ་བློ་ཅིག་བཏང་ན་ཁ་པར་ནང་དུ་ཡིག་གཟུགས་ཁྱད་ཆོས་ཅེས་པའི་སྒྲིག་འགོད་ཡོད་ན་ཕལ་ཆེར་ཆེས་མཐོའི་དབང་ཆ་མ་བླངས་པར་ཁ་པར་གང་རུང་གི་ནང་བོད་ཡིག་སྒྲིག་འགོད་བྱེད་ཐུབ་པར་སྙམ།   
　　གསལ་མཆན།   བོད་ཡིག་ཡིག་གཟུགས་ནི Android བཙན་ཟེར་བ་དེ་ཡིན་ལ་བོད་ཡིག་ཆ་འཕྲིན་ལག་རྩལ་དྲ་བ་ལས་ཕབ་ལེན་བྱས་ཆོག་ལ།  ཕབ་གཞོང་ནིMultiLing Keyboard བོད་ཡིག་དང་དེ་མིན་གཞན་པ་ཡང་ཡོད། དེ་དག་དགོས་དགུ་དང་བོད་ཡིག་ཆ་འཕྲིན་ལག་རྩལ་དྲ་བ་ལས་ཕབ་ལེན་བྱས་ཆོག
　　སྒྲིག་འགོད་བྱེད་སྟངས་ཀྱི་པར་རིས།

　　　　       འགྱུར་མེད་རབ་བརྟན་ནས་ཚོད་ལྟ་བགྱིས་པའི་ཉམས་མྱོང་དྲ་གྲོགས་ཚོར་ཕུལ་བ་ཡིན།