མདོ་དབུས་མཐོ་སྒང་གི་འདས་པའི་ལོ་ངོ་ཉིས་སྟོང་རིང་གི་ནམ་ཟླའི་འགྱུར་ལྡོག

        ཀྲུང་གོའི་ཚན་རིག་གླིང་མདོ་དབུས་མཐོ་སྒང་ཞིབ་འཇུག་སུའོ་ཡི་གནའ་བོའི་སྐྱེ་ཁམས་དང་མིའི་རིགས་འཕྲོད་མཐུན་ཞིབ་འཇུག་ཚོགས་པའི་ཞིབ་འཇུག་པ་ཧོའུ་ཅུས་ཧྲི་དང་ཀྲུང་གོའི་ཚན་རིག་གླིང་ས་རྒྱུས་ཚན་རིག་དང་ཐོན་ཁུངས་ཞིབ་འཇུག་སུའོ་ཡི་ཞིབ་འཇུག་པ་གཞོན་པ་ཀྲང་ཡུང་། ཞིན་དབྱང་དགེ་འོས་སློབ་གྲྭའི་ས་རྒྱུས་ཚན་རིག་སློབ་གླིང་གི་དགེ་རྒན་ཆེན་མོ་གཞོན་པ་ལི་ཞིའུ་མེ་བཅས་ཀྱིས་གསར་དུ་ལེགས་འགྲུབ་བྱུང་བའི་མཉམ་ལས་ཞིབ་འཇུག་ཅིག་ཏུ་ཤེས་རྟོགས་བྱུང་བ་ལྟར་ན། སྤྱི་ཡོངས་ནས་བལྟས་ན་འདས་པའི་ལོ་ངོ་ཉིས་སྟོང་གི་རིང་ལ། མདོ་དབུས་མཐོ་སྒང་ཧྲིལ་བོའི་དྲོད་ཚད་འགྱུར་ལྡོག་ལ་འཁྱག་དྲོ་བརྗེ་རེས་ཀྱི་དུས་རིམ་བཞི་སྟེ། སྤྱི་ལོ1ནས600ཡི་བར་དང་སྤྱི་ལོ1400ནས1900ཡི་བར་ལ་འཁྱགས་ཤས་ཆེ་བ་དང་། སྤྱི་ལོ600ནས1400ཡི་བར་དང་དུས་རབས་ཉི་ཤུ་པའི་སྐབས་ལ་དྲོ་ཤས་ཆེ་བ་རེད། དེའི་ནང་དུ། སྤྱི་ལོ600ནས1400ཡི་བར་གྱི“དུས་རབས་དཀྱིལ་མའི་དྲོ་དུས”དང་སྤྱི་ལོ1400ནས1900ཡི་བར་གྱི“འཁྱགས་དུས་ཐུང་ངུ”གཉིས་ཀྱི་སྐབས། མདོ་དབུས་མཐོ་སྒང་གི་ཁྱབ་ཁོངས་མི་འདྲ་བའི་ཆར་ཆུའི་འབབ་ཚད་ཀྱི་འགྱུར་ལྡོག་ལ་ལྷོ་བྱང་ལྡོག་གནས་ཀྱི་འབྲེལ་བ་ཡོད་པ་རེད།         ལི་ཞིའུ་མེ་ཡིས་མཚམས་སྦྱོས་བྱས་ན། ཐེངས་འདིའི་མཉམ་ལས་ཞིབ་འཇུག་གི་གྲུབ་འབྲས་གཙོ་བོའི་ནང་དུ་གལ་ཆེན་པོ་གསུམ་ཤེས་རྟོགས་བྱུང་བ་སྟེ། དང་པོ་ནི་འདས་པའི་ལོ་ངོ་ཉིས་སྟོང་རིང་གི་མདོ་དབུས་མཐོ་སྒང་གི་ལོ་རེའི་ཆ་སྙོམས་དྲོད་ཚད་ཀྱི་འགྱུར་ལྡོག་ལ་ཁྱབ་ཁོངས་ཁྱད་པར་མངོན་གསལ་ཡོད་ནའང་། དབྱར་དུས་ཀྱི་དྲོད་ཚད་འགྱུར་ལྡོག་ནི་ཅུང་གཅིག་མཐུན་ཡིན་པ་རེད། སྤྱི་ཡོངས་ནས་བལྟས་ན། མདོ་དབུས་མཐོ་སྒང་ཡོངས་ཀྱི་དྲོད་ཚད་འགྱུར་ལྡོག་ལ་འཁྱག་དྲོ་བརྗེ་རེས་ཀྱི་དུས་རིམ་བཞི་ཡོད་ཅིང་། སྤྱི་ལོ1ནས600ཡི་བར་དང་སྤྱི་ལོ1400ནས1900ཡི་བར་ལ་འཁྱགས་ཤས་ཆེ་བ་དང་། སྤྱི་ལོ600ནས1400ཡི་བར་དང་དུས་རབས་ཉི་ཤུ་པའི་སྐབས་ལ་དྲོ་ཤས་ཆེ་བ་རེད། གཏན་འཁེལ་ཚད་ཀྱི་དྲོད་ཚད་ཟིན་ཐོ་ལ་སྔར་ལས་ལྷག་པའི་འདུས་གྲུབ་ཞིབ་འཇུག་བྱས་པ་ལས་གསལ་བ་ལྟར་ན། སྤྱི་ལོ600ནས1400ཡི་བར་གྱི“དུས་རབས་དཀྱིལ་མའི་དྲོ་དུས”ནི་འདས་པའི་ལོ་ངོ་ཉིས་སྟོང་རིང་གི་མདོ་དབུས་མཐོ་སྒང་གི་ཆེས་དྲོ་བའི་དུས་སྐབས་ཡིན་པ་རེད།         ཞིབ་འཇུག་གསར་ཤོས་འདི་ཡིས་ད་དུང་སྔར་ལས་ལྷག་པའི་སྒོ་ནས་བསྟན་དོན། མདོ་དབུས་མཐོ་སྒང་གི་འདས་པའི་ལོ་ངོ་ཉིས་སྟོང་རིང་གི་གནའ་བོའི་ནམ་ཟླའི་ཟིན་ཐོ་ནི་མིག་སྔའི་བར་དུ་སྔར་བཞིན་ཁྱབ་ཁོངས་སྟོང་བ་ལྟར་ཡོད་པ་དང་། བརྗེ་སྒྱུར་རྟེན་འབྱུང་གྲངས་ཀྱི་བདམས་ལེན་དང་ནམ་ཟླའི་དམིགས་ཚད་ཀྱི་དུས་ཚིགས་རང་བཞིན་ཁྱད་པར། ལོ་གཏན་ཧེ་བག་སོགས་རྒྱུ་རྐྱེན་ཚང་མས་ནམ་ཟླའི་སྒྲིག་ཨང་ལ་གཏན་འཁེལ་མེད་པའི་རང་བཞིན་ཇེ་མང་དུ་འགྲོ་བར་བྱེད་ཉེན་ཡོད། མ་འོངས་པ་ལ། མདོ་དབུས་མཐོ་སྒང་དང་འབྲེལ་བའི་ནམ་ཟླའི་འགྱུར་ལྡོག་ཞིབ་འཇུག་ལ་ད་དུང་དབྱེ་འབྱེད་ཚད་མཐོ་བ་དང་དུས་ཚིགས་རང་བཞིན་གསལ་བ། ནམ་ཟླའི་མཛུབ་སྟོན་དོན་སྙིང་ཡང་དག་པ་བཅས་ཀྱི་སྤུས་ཚད་མཐོ་བའི་ནམ་ཟླའི་ཟིན་ཐོ་བསྐྱར་འཛུགས་བྱས་ཏེ་སྔར་ལས་གཏིང་ཟབ་པའི་སྒོ་ནས་མདོ་དབུས་མཐོ་སྒང་གི་ནམ་ཟླའི་འགྱུར་ལྡོག་གི་ཡུལ་དུས་རྣམ་པ་དང་རྐྱེན་སྲོལ་བརྟོལ་དགོས་པ་ཡིན།