PWAལག་རྩལ་དང་བོད་ཀྱི་དུས་དེབ་ཀུན་འདུས་དྲ་ཚིགས།

       PWAདྲ་རྒྱའི་ཉེར་སྤྱོད་ནི་དྲ་རྒྱའི་ཁྲོད་དུ་གནས་པ་དང་། དྲ་ཚིགས་གཞན་དག་དང་འདྲ་བ། འཚོལ་བཤེར་མ་ལག་ནང་འཚོལ་ཐུབ་པར་མ་ཟད། སྤྱི་ཚོགས་འཕྲིན་སྦྱོར་དང་དྲ་ཚིགས་གཞན་དག་གིས་སྦྲེལ་ཀྱང་ཆོག
༢ སྒྲིག་སྦྱོར་བྱ་ཆོག་པ།
       ཁ་པར་དང་རྩིས་འཕྲུལ་གྱི་གདོད་སྐྱེས་ཉེར་སྤྱོད་དང་འདྲ་བ། འཕྲུལ་ཆས་ནང་ལ་སྒྲིག་སྦྱོར་བྱེད་ཆོག་པར་མ་ཟད། གཙོ་ངོས་སོོགས་ཀྱི་ནང་ཁ་ཕྱེ་ཆོག
༣ རྙེད་སླ་བ།
       སྦྲེལ་མཐུད་ཀྱི་རྣམ་པ་ཡིན་པས་དྲ་གནས་བརྒྱུད་ནས་སྒྲིག་སྦྱོར་བྱེད་ཆོག་པ་དང་། ཉེར་སྤྱོད་ཚོང་ཁང་བརྒྱུད་མི་དགོས་པ།
༤ གོང་འཕེལ་རང་བཞིན།
       འཕྲུལ་ཆས་རྙིང་པའི་སྟེང་གཞི་རྩའི་བྱེད་ནུས་བཀོལ་སྤྱོད་བྱེད་ཆོག་མོད། བྱེད་ནུས་ཆ་ཚང་བཀོལ་དགོས་ན་འཕྲུལ་ཆས་གསར་པའི་ནང་བཀོལ་སྤྱོད་བྱེད་དགོས།
༥ བསྐྱར་གསར་བྱེད་ནུས།
       ནང་དོན་གསར་པ་ཁ་སྣོན་བྱས་རྗེས་བཀོལ་མཁན་ལ་བརྡ་གཏོང་ཆོག་པ།
༦ སྣེ་མང་དང་འཕྲོད་པ།
       ཁ་པར་དང་རྩིས་འཕྲུལ་སོགས་བརྙན་ཤེལ་དང་བཤར་ཆས་ཡོད་པའི་འཕྲུལ་ཆས་གང་རུང་གི་སྟེང་ནས་བཀོལ་སྤྱོད་བྱེད་ཆོག
༧ དྲ་བ་རང་ཚུགས་གནས་པ།
       དྲ་ལམ་དང་བྲལ་བའམ་ཡང་ན་དྲ་རྒྱུ་འབྲེལ་མཐུད་ཞན་པའི་གནས་ཚུལ་འོག་བེད་སྤྱོད་ཆོག་པ།
༨ བདེ་འཇགས་ཡིན་པ།
       དེསhttpsལག་རྩལ་སྤྱད་ནས་ཉེར་སྤྱོད་དང་ཞབས་ཞུའི་འཕྲུལ་ཆས་བར་གྱི་འབྲེལ་མཐུད་སྲུང་སྐྱོབ་བྱེད་ནས། ཕ་རོལ་པོས་གཞི་གྲངས་ལ་གང་མོས་ལྐོག་འདོན་བྱ་རྒྱུར་སྔོན་འགོག་བྱེད་ཐུབ།
༩ གདོད་སྐྱེས་དང་འདྲ་བ།
       པར་ཆས་དང་། སོ་སྔོན་སོགས་གདོད་སྐྱེས་ཉེར་སྤྱོད་དང་འདྲ་བའི་ཁ་པར་བྱེད་ནུས་བཀོལ་སྤྱོད་ཐུབ་པ།
༡༠ བསྐྱར་ཞུགས་ཆོག་པ།
       དྲ་ངོས་ལ་བཟོ་བཅོས་གཏང་རྗེས་བཀོལ་མཁན་གྱི་མ་ལག་ལ་རང་འགུལ་གྱིས་ཉེར་སྤྱོད་བསྐྱར་ཞུགས་ཐུབ་པ་དང། ནམ་ཡང་བཀོལ་མཁན་ལ་པར་རིམ་གསར་ཤོས་འདོན་སྤྲོད་ཐུབ་པ།
       ང་ཚོས་ད་ཐེངས་ཀྱིPWAལག་རྩལ་བཀོལ་སྤྱོད་བྱས་ནས་དྲ་ཚིགས་བསྐྱར་དུ་བཟོས་ཡོད་པ་དང་། འཕྲུལ་ཆས་ཚང་མའི་ཐོག་སྤུས་ཚད་མཐོ་བའི་འཆར་མངོན་གྱི་ནུས་པ་རྒྱུན་འཁྱོངས་བྱས་པ་དང་། དུས་མཚུངས་སུ་ཁ་པར་གྱི་བཤར་ཆས་ཉེར་སྤྱོད་ཐོག་བཤར་ལྟ་གནང་སྐབས། ཉེར་སྤྱོད་སྟབས་བདེ་མོའི་སྒོས་སྒྲིག་སྦྱོར་ཆོག་པ་དང་གདོད་སྐྱེས་ཉེར་སྤྱོད་དང་གཅིག་མཚུངས་ཀྱི་བཀོལ་སྤྱོད་ཉམས་ལེན་སྟེར་ཐུབ། །