AIམ་ལག་གིས་གཏུམ་འབྲུག་གི་རྐང་རྗེས་ངོས་འཛིན་གནད་འཁེལ་བྱེད་ཐུབ།

       ཉེ་སྔོན། «ཨ་རིའི་རྒྱལ་ཁབ་ཚན་རིག་སློབ་གླིང་གི་དུས་དེབ»ཏུ་བཀོད་པའི་ཞིབ་འཇུག་ཅིག་ལས་མངོན་པ་ལྟར་ན། མི་ཐབས་རིག་ནུས་ཀྱིས་སྐུལ་འདེད་བྱས་པའི་རྣམ་པ་གསར་བའི་ཉེར་སྤྱོད་སྒྲིག་རིམ་ཞིག་གིས་ཚན་རིག་པ་དང་མང་ཚོགས་ལ་རོགས་བྱས་ཏེ། ལོ་ངོ་བརྒྱ་ཕྲག་སྔོན་གྱི་གཏུམ་འབྲུག་གི་རྐང་རྗེས་ངོས་འཛིན་བྱེད་སྲིད་ཅིང་། དེས་འབྲེལ་ཡོད་ཞིབ་འཇུག་དང་ཚན་སྤེལ་སློབ་གསོར་ལག་ཆ་གསར་བ་འདོན་སྤྲོད་བྱེད་ཐུབ།        ཞིབ་འཇུག་རུ་ཁག་གིས་རྟགས་བཀོད་མེད་པའི་གཏུམ་འབྲུག་གི་རྐང་རྗེས་ཀྱི་དབྱིབས་སོ2000མ་ལག་ཏུ་བཅུག་ཅིང་། AIཡིས་རང་སྦྱོང་བརྒྱུད་དེ་གནད་འགག་གི་གཟུགས་དབྱིབས་ཁྱད་རྟགས་མི་འདྲ་བ8ངོས་འཛིན་བྱས་པར་མ་ཟད། དེ་ལ་བརྟེན་ནས་རྐང་རྗེས་དག་ལ་དབྱེ་བ་བཀར་ཡོད། ཚད་ལེན་ཚོད་ལྟའི་དཔྱད་འབྲས་ལས་མངོན་པ་ལྟར་ན། མ་ལག་འདི་དང་ཆེད་མཁས་པའི་རིགས་དབྱེའི་དཔྱད་འབྲས་ཀྱི་མཐུན་སྡེབ་ཚད90%ལྷག་ལ་སླེབ་ཐུབ་པ་རེད།
       དེ་ལས་གཞན། AIཡིས་ད་དུང་གཏུམ་འབྲུག་གི་རྐང་རྗེས་ཀྱི་གཟུགས་དབྱིབས་དང་ད་ལྟའི་བྱ་རིགས་ཀྱི་རྐང་པར་ཚད་མཐོའི་འདྲ་ས་ཡོད་པ་ཤེས་རྟོགས་བྱུང་ནས། བྱ་རིགས་ཀྱི་འཕེལ་འགྱུར་ནི་ད་སྔ་ཤེས་རྟོགས་བྱུང་བའི་དུས་ཚོད་ལས་ཀྱང་སྔ་བ་རིག་འདེད་བྱས། རུ་ཁག་འདིས་ད་དུང་སུའུ་ཀོ་ལན་སི་ཁའེ་གླིང་ཕྲན་སྟེང་གི་ངོ་མཚར་གྱི་རྐང་རྗེས་ཁ་ཤས་ནི་ལོ་ངོ་དུང་ཕྱུར1.7ཡན་གྱི་གཏུམ་འབྲུག་ངང་མཆུའི་ཉེ་རྒྱུད་ཡིན་སྲིད་པར་བསྟན།
       གོང་གསལ་གྲུབ་འབྲས་འདི་དག་གི་རྨང་གཞིའི་སྟེང་། ཞིབ་འཇུག་མི་སྣས་མ་ལག་འདིའི་མིང་ལDinoTrackerཟེར་བའི་རིན་མེད་ཉེར་སྤྱོད་སྒྲིག་རིམ་ཞིག་ཏུ་བསྒྱུར་ཅིང་། དེའི་དམིགས་ཡུལ་ནི་མང་ཚོགས་ཀྱིས་གཏུམ་འབྲུག་གི་འཚོ་བའི་གོམས་གཤིས་ལ་རྒྱུས་ལོན་ཐུབ་པར་བྱས་ཏེ། མི་ཕལ་བས་ཀྱང“གཏུམ་འབྲུག་གི་རྐང་རྗེས་འཚོལ་བའི་མྱུལ་ཞིབ”ལ་ཞུགས་པའི་གོ་སྐབས་ལྡན་པར་བྱ་རྒྱུ་དེ་རེད།