འབའ་རྫོང་རྨ་ཞོལ་དབྱི་ཧྥུ་སློབ་གྲྭའི་གནས་ཚུལ་མདོར་བསྡུས།

འབའ་རྫོང་རྨ་ཞོལ་དབྱི་ཧྥུ་སློབ་གྲྭ

འབའ་རྫོང་རྨ་ཞོལ་དབྱི་ཧྥུ་སློབ་གྲྭ

འབའ་རྫོང་རྨ་ཞོལ་དབྱི་ཧྥུ་སློབ་གྲྭའི་སློབ་ཁྲིད་ཐོག་ཁང་།

འབའ་རྫོང་རྨ་ཞོལ་དབྱི་ཧྥུ་སློབ་གྲྭའི་སློབ་མའི་མལ་ཁང་།

     རྨ་ཞོལ་དབྱི་ཧྥུ་སློབ་གྲྭ་འདི་རྫོང་མཁར་ནས་ཤར་ལྷོའི་མཚམས་ཀྱི་སྤྱི་ལེ98སར་ཡོད་པ་དང་། སྤྱི་ལོ1956ལོར་བཙུགས་ནས་ད་ལྟའི་བར་ལོ་ངོ59འགོར་ཡོད། ད་ལྟ་སློབ་གྲྭ་འདིའི་ཁོར་ཡུག་གི་རྒྱ་ཁྱོན་ལ་རྨིད་གྲུ་བཞི་མ18233ཡོད་པ་དང་། དེའི་ནང་འཛུགས་སྐྲུན་གྱི་རྒྱ་ཁྱོན་ལ་རྨིད་གྲུ་བཞི་མ5768ཡོད། སློབ་གྲྭ་འདིར་བཅའ་སྡོད་སློབ་མ268ཡོད། འདི་དག་ལོ་རིམ་དང་པོ་ནས་དྲུག་པའི་བར་འཛིན་གྲྭ11གིས་བགར་ཡོད་པ་དང་། འཛིན་གྲྭ་སོ་སོའི་བསླབ་ཁྲིད་ལ། བོད་ཡིག་དང་། རྒྱ་ཡིག དབྱིན་ཡིག  གྲངས་རིག མཛེས་རྩལ་སོགས་བསླབ་བྱ12བཀོད་སྒྲིག་བྱས་ཡོད་ལ། དེང་རབས་སྤྱི་ཚོགས་ལ་གཞིགས་ནས་སློབ་མའི་ཀུན་སྤྱོད་སློབ་གསོ་དང་། སློབ་མའི་རྒྱུ་སྤུས་མཐོར་འདེགས། སློབ་མའི་དགའ་ཕྱོགས་གཙོར་འཛིན་བཅས་བྱས་ནས་མ་འོངས་བ་ན་སློབ་བུ་ཁོ་ཚོ་སྤྱི་ཚོགས་སྟེང་ཕྱི་གཙང་ནང་གཙང་གི་མི་འཇོན་ཐང་ལྡན་པ་ཞིག་ལ་གསོ་སྐྱོང་བྱེད་ཅི་ནུས་བྱེད་བཞིན་ཡོད།
     སློབ་ར་འདིར་དགེ་བཟོ་བ་ཁྱོན31ཡོད་པ་དང་།  དེའི་ནང་སློབ་ཁྲིད་བྱེད་པའི་དགེ་རྒན20ཡོད། མཁོ་སྒྲུབ་མི་སྣ11ཡོད་པ་དེའི་ནང་ཇ་མ4། བྱིས་གཉོར་བ3། གད་བརྡར་བ3། སྒོ་སྲུང་བ1བཅས་ཡོད་པས་གོང་རིམ་གྱི་རྒྱབ་སྐྱོར་དང་ཁྱིམ་བདག་གི་རྒྱབ་སྐྱོར་སོགས་ལ་བརྟེན་ནས་སློབ་གྲྭ་འདི་སྔོན་དང་བསྡུར་ན་སློབ་སྦྱོང་གི་འབྲས་བུ་སོགས་ཕྱོགས་གང་ཐད་ནས་འབུར་ཐོན་ཅན་དུ་གྱུར་ཡོད་པ་དང་། རྫོང་རིམ་པ་ནས་ལོ་མཇུག་གི་བྱ་བ་སྤྱི་བསྡོམས་ཁྲོད་ཨང་གཉིས་པ་དང་གསུམ་པའི་བྱ་དགའ་བསྟུད་མར་ལོ་གསུམ་ལ་ཐོབ་ཡོད་ལ། གཞན་ད་དུང་ཞིང་ཆེན་དང་། ཁུལ་སོགས་ནས་ཀྱང་གཟེངས་བསྟོད་ཀྱི་བྱ་དགའ་གནང་མྱོང་བས། རྗེས་ཕྱོགས་ས་གནས་ཀྱི་མི་དམངས་མང་ཚོགས་ཀྱི་འདོད་བློ་དང་ཚིམས་པའི་སློབ་གྲྭ་ཞིག་ཏུ་འགྱུར་བར་དགེ་བཟོ་བ་ཡོངས་ཀྱིས་འབད་འབུངས་དང་བརྩོན་ལེན་བྱེད་དང་བྱེད་བཞིན་མཆིས།