མཚོ་ལྷོ་ཁུལ་མང་རྫོང་འོད་གསལ་བྱིས་ཆུང་སློབ་གྲྭ་ངོ་སྤྲོད་མདོར་བསྡུས།

གསར་བཙུགས་ཀྱི་མང་རྫོང་འོད་གསལ་བྱིས་ཆུང་སློབ་གྲྭ

          མང་རྫོང་འོད་གསལ་བྱིས་ཆུང་སློབ་གྲྭ་ནི1980ལོའི་ཟླ8པའི་ཚེས25ཉིན་བཙུགས་ཤིང་།  2008ལོའི་ཟླ11པར་ནན་ཐེ་མཁར་ལམ་ལ་གནས་སྤར་བ་རེད། 
          ད་ལྟ་མང་རྫོང་འོད་གསལ་བྱིས་ཆུང་སློབ་གྲྭར་ཞུགས་པའི་བྱིས་པ556ལྷག་ཡོད་ཅིང་།  དེ་ལས་མཁར་གྲོང་གི་བྱིས་པ250ལྷག་དང་མཁར་ཕྱིའམ་མཁར་འགྲམ་སྡེ་བའི་བྱིས་པ316ལྷག་ཡོད།  སློབ་གྲྭར་ཁྲིད་གཞིའི་འཛིན་གྲྭ14སྒྲིག་འཛུགས་བྱས་ཡོད་པ་དང་།  དེ་ལས་འཛིན་གྲྭ་ཞོལ་མ་གཅིག་དང་བྱིས་པ42།  འཛིན་གྲྭ་བར་མ་བཞི་དང་བྱིས་པ154།  འཛིན་གྲྭ་གོང་མ་ལྔ་དང་བྱིས་པ206།  སློབ་སྔོན་འཛིན་གྲྭ་བཞི་དང་བྱིས་པ164བཅས་ཡོད་ལ།  སློབ་གྲྭ་ཡོངས་ལ་དགེ་རྒན་ལས་བཟོ་བ40དང་། དེ་ལས་ཆེད་གཉེར་དགེ་རྒན26ཡོད་པ་དང་འཚོ་སྐྱོང་དགེ་རྒན3།  དངོས་གཞིའི་སློབ་ཆེན་པ23དང་། ཆེད་ཚན་སློབ་གྲྭ་ཆེན་མོ་བ23། མཐོ་འབྲིང་སློབ་མ3། དགེ་རྒན་གྱི་ཚད་ལྡན་རང་བཞིན100%ཡིན་པ་རེད།

བྱིས་པ་རྣམས་ཀྱི་རྩེད་ར།

          སློབ་གྲྭའི་སྤྱིའི་རྒྱ་ཁྱོན་ལ་སྨི་གྲུ་བཞི་མ4707དང་།  འཛུགས་སྐྲུན་རྒྱ་ཁྱོན་སྨི་གྲུ་བཞི་མ2770ཡིན།  བྱིས་པའི་འགུལ་སྐྱོད་ཁང11དང་ལུས་གསོ་ཁང2།  གཞུང་སྒྲུབ་ཁང6། སྒོ་སྲུང་ཁང2བཅས་ཡོད་པ་རེད།
          ཉེ་བའི་ལོ་སུམ་ཅུ་ལྷག་གི་འཕེལ་རྒྱས་བརྒྱུད་རིམ་ཁྲོད་གོང་རིམ་ལས་རིགས་ཁག་གི་རྒྱབ་སྐྱོར་ཆེན་མོ་ལ་བརྟེན་ཞིང་།  《བྱིས་པའི་སློབ་ཆུང་གི་བྱ་བའི་སྒྲིག་ཁྲིམས》ནན་གྱིས་སྲུང་བ་དང་།  བྱིས་པའི་ལུས་ཁམས་འཕེལ་འགྱུར་གྱི་ཁྱད་ཆོས་ལྟར་བྱིས་པའི་སྤུས་ཚད་སློབ་གསོ་དང་རང་གཤིས་འཆམ་མཐུན་སྒོས་འཕེལ་པ་དམིགས་སུ་བཟུང་ནས།  རང་གཤིས་གསོ་སྐྱོང་དང་བྱིས་པ་དམིགས་སུ་བཟུང་བའི་ཁྲིད་གཞི་མ་ལག་གྲུབ་ཡོད་པ་སྟེ།  བོད་ཡིག་དང་།  བདེ་སྲུང་།  མཛེས་རྩལ།  གླུ་གཞས།  ལག་བཟོ།  བྲོ་གར།  ཚན་རྩལ།  དབྱངས་གསལ།  རྩིས་རིག་སོགས་ཀྱི་བསླབ་གཞི་བཙུགས་ཤིང་།  བྱ་བ་སོ་སོར་མི་དམན་པའི་གྲུབ་འབྲས་ལེགས་པོ་ཐོབ་ཡོད།  བྱིས་པའི་ཁ་གྲངས་སྔར་གྱི10ལྷག་ནས་ད་ལྟའི566ལ་སླེབས་པ་དང་།  སློབ་གྲྭའི་ཁོར་ཡུག་སོགས་ཆ་རྐྱེན་མངོན་གསལ་གྱིས་ཇེ་ལེགས་སུ་ཕྱིན་ཡོད་ལ།  སློབ་གསོའི་འགན་སྲུང་སྔར་ལས་མཐོར་འདེགས་ཆེན་མོ་བྱུང་བ་རེད།
          གསར་བཙུགས་བྱིས་ཆུང་སློབ་གྲྭ་འདིས་རྫོང་ཡོངས་ཀྱི་བྱིས་པ་རྣམས་ལ་བདེ་ཐང་ངང་འཚར་ལོངས་འབྱུང་བར་ཁོར་ཡུག་ཡག་པོ་ཞིག་བསྐྲུན་ཞིང་།  ཁྱིམ་བདག་རྣམས་བྱིས་པའི་སློབ་གསོར་རྔམ་པའི་དོ་ཁུར་སེལ་བ་དང་།  དེའི་མཚུངས་སུ་རྫོང་ཡོངས་ཀྱི་བྱིས་པའི་སློབ་གསོ་བཅོས་བསྒྱུར་བྱེད་པ་དང་སློབ་གསོའི་སྤུས་ཚད་མཐོར་འདེགས་གཏོང་བར་རྨང་གཞི་སྲ་བརྟན་ཞིག་བཏང་བ་རེད།