སྨད་མ་བཅའ་སྡོད་སློབ་གྲྭ་ངོ་སྤྲོད་མདོར་བསྡུས།

སྨད་མ་བཅའ་སྡོད་སློབ་གྲྭ།

         སྨད་མ་བཅའ་སྡོད་སློབ་གྲྭ་ནི1958ལོར་བཙུགས་ཤིང་།  སྔར་མིང་ལ་ཆོད་ཁི་སློབ་ཆུང་ཟེར། 1979ལོར་སྨན་རི་མ་བཅའ་སྡོད་སློབ་གྲྭ་ཞེས་མིང་བསྒྱུར་བ་དང་།  བླ་མ་སྐལ་བཟང་འཕྲིན་ལས་ལགས་སློབ་གྲྭ་འདིའི་སློབ་གཙོའི་འགན་བཞེས་ཤིང་།  མཛད་རྗེས་མི་དམན་པ་བཞག་ཡོད་པ་རེད། 
         སློབ་གྲྭ་འདི་ནི་སྐད་གཉིས་བཅའ་སྡོད་སློབ་ཆུང་ཞིག་ཡིན་ཞིང་རྨ་ཆུ་རྫོང་གི་ལྷོ་འདབས་སུ་ཆགས་ཡོད་དེ་ཀན་སུའུ་དང་སི་ཁྲོན་ཞིང་ཆེན་གཉིས་ཀྱི་སྦྲེལ་མཚམས་སུ་གནས་ལ།  རྨ་ཆུ་རྫོང་དང་བར་ཐག་སྤྱི་ལེ62ཡོད་པ་རེད།  ཡུལ་ཚོ་ཡོངས་སུ་བྱིས་པ700ལྷག་ཡོད་ཅིང་རྫོང་ཐོག་ཏུ་སློབ་གྲྭར་ཞུགས་པའི་བྱིས་པ200ལྷག་དང་།  ཡུལ་ཚོ་ལྟེ་གནས་ཀྱི་སློབ་གྲྭར་ཞུགས་པའི་བྱིས་པ500ལྷག་ཡོད་པ་མ་ཟད།  སློབ་མ100ལྷག་ནང་ལོག་གི་སློབ་གྲྭར་སྐྱེལ་བ་རེད།  
         སློབ་གྲྭའི་གཞི་ཁྱོན་ལ་སྨི་གྲུ་བཞི་མ་ཁྲི་གཉིས་ལྷག་དང་། འཛུགས་སྐྲུན་གཞི་ཁྱོན་སྨི་གྲུ་བཞི་མ་སྟོང་དྲུག་ལྷག་ཡིན་ཞིང་། ད་ཡོད་འཛིན་གྲྭ12དང་།  དགེ་རྒན60ཡོད་ཅིང་སློབ་རིམ་ཚད་ལྡན་དགེ་རྒན་ཟིན་ཚད96%དང་།  དགེ་སློབ་བསྡུར་ཚད1:20ཡིན།  སློབ་གྲྭ་རུ་སློབ་ཨུ་ཚོགས་པ་དང་།  བོད་སྐད་ཡིག་སློབ་ཞིབ་རྩ་འཛུགས།   རྩིས་རིག་སློབ་ཞིབ་རྩ་འཛུགས།   རྒྱ་ཡིག་སློབ་ཞིབ་རྩ་འཛུགས་སོགས་ཡོད་པ་རེད། 
         ཉེ་བའི་ལོ་འགའི་ནང་། སློབ་གྲྭས་སློབ་གསོའི་ལྟ་སྟངས་བསྒྱུར་བ་དང་སྤུས་ཚད་སློབ་གསོ་འཕེལ་རྒྱས་བྱེད་པ་དམིགས་སུ་བཟུང་སྟེ་བསམ་བློ་ཀུན་སྤྱོད་དང་། སློབ་སྦྱོང་།  ལུས་རྩལ་ངལ་རྩོལ་སོགས་ཕྱོགས་གང་ཐད་འཕེལ་རྒྱས་གཏོང་བ་དང་། བྱ་ལས་སོ་སོ་ལམ་ལུགས་ཅན་དང་ཚད་ལྡན་ཅན་དུ་ཁ་ཕྱོགས་པ་རེད།