གུང་ཧོ་རྫོང་ཅང་ཤེས་ཞང་དཀྱིལ་སྙིང་བཅའ་སྡོད་སློབ་གྲྭའི་གནས་ཚུལ་མདོར་བསྡུས།
ཅང་ཤེས་ཞང་དཀྱིལ་སྙིང་བཅའ་སྡོད་སློབ་གྲྭ་ནི་༡༩༦༤ལོར་བཙུགས་པའི་ཅང་ཤེས་ཞང་གི་སློབ་ཆུང་དེ་༡༩༨༤ལོར་ད་ལྟའི་ཞང་དཀྱིལ་སྙིང་བཅའ་སྡོད་སློབ་གྲྭ་རུ་རྒྱས་སྐྲུན་བྱས་ནས་གྲུབ་པ་ཡིན་ཞིང་། བཅའ་སྡོད་སློབ་གྲྭ་འདི་ཅང་ཤེས་ཞང་གི་བདའ་ཚང་སྡེ་བ་རུ་ཆགས་ཡོད་ཅིང་ཞང་ཡོངས་ཀྱི་སློབ་གསོའི་ལྟེ་གནས་གཅིག་པུ་ཡིན། དེང་སྐབས་སློབ་གྲྭ་ཡོངས་ལ་སློབ་མ་སྡོམ་པས༢༩༥ཡོ་པ་དང་། དེ་ལས་སློབ་མ༡༦༣སློབ་གྲྭའི་ནང་དུ་ཞག་འདུག་བྱས་ཡོད། སློབ་གྲྭར་དགེ་བཟོ་བ༢༦ཡོད་ལ། དེ་ལས་ཆེད་གཉེར་དགེ་རྒན༢༢ཡོད། སློབ་ཁྲིད་འཛིན་གྲྭ༨བཙུགས་ཡོད། སློབ་གྲྭའི་སྤྱིའི་རྒྱ་ཁྱོན་ལ་རྨིད་གྲུ་བཞི་མ༣༧༡༨༤ཡོད་པ་དང་སློབ་ཁང་གི་འཛུགས་སྐྲུན་རྒྱ་ཁྱོན་ལ་རྨིད་གྲུ་བཞི་མ༢༠༩༠ཡོད། “འོས་འགན་སློབ་གསོའི་བཟོ་བཀོད”ལས་གཞིའི་ཁང་བའི་འཛུགས་སྐྲུན་རྒྱ་ཁྱོན་ལ་རྨིད་གྲུ་བཞི་མ༤༩༢ཡོད།
ཅང་ཤེས་ཞང་དཀྱིལ་སྙིང་བཅའ་སྡོད་སློབ་གྲྭའི་མགོ་ཁྲིད་ཚོས་ལས་སློབ་གཉིས་བརྩོན་གྱི་ལམ་ཕྱོགས་ལག་བསྟར་བྱས་ནས། ༢༠༠༡ལོར་སློབ་གྲྭའི་སྒོ་བསྟེན་ཚོང་ཁང་གྱན༡༦བཟོ་སྐྲུན་བྱས་པ་དང་། རྩྭ་ར་མུའུ༥༠༠དང་རྨོ་ཞིང་མུའུ༢༨༠ཡོད་པ་དེ་དག་གི་ཡོང་སྒོ་སྒོར་ཁྲི་ཚོ༡༢༠ཡིས་སློབ་གྲྭའི་འཛུགས་སྐྲུན་དང་སློབ་མའི་འཚོ་བ་ཇེ་ལེགས་སུ་བཏང་།
༡༩༩༢ལོར་སློབ་གྲྭ་འདི“ལྔའི་བརྒྱད”རྒྱལ་ཁབ་ཀྱི་ལྟེ་གནས་ལས་གཞི་ལྟེ་གནས་ཏེ་ན་ཆུང་བུ་མོའི་སློབ་གསོ་ཚོད་ལྟའི་སློབ་གྲྭར་བདམས་རྗེས། རིམ་པ་སོ་སོའི་ཏང་ཨུ་དང་སྲིད་གཞུང་གི་མགོ་ཁྲིད་འོག རྒྱ་ཆེ་བའི་སློབ་གསོའི་བྱ་བ་བསྒྲུབ་མཁན་དང་རིགས་སོ་སོའི་མང་ཚོགས་ཐུན་མོང་གི་ཧུར་བརྩོན་ལ་བརྟེན་ནས། ཅང་ཤེས་ཞང་གི་སློབ་གསོའི་ལས་དོན་སྔར་ལས་ལྷག་པར་འཕེལ་རྒྱས་བྱུང་།
སློབ་གྲྭས་དུས་རྟག་ཏུ་དོ་དམ་དང་སློབ་ཁྲིད་ཀྱི་སྤུས་ཚད་ནན་དུ་བཟུང་བས། ༡༩༧༩ལོར་མཚོ་ལྷོ་ཁུལ་སློབ་གསོའི་ལས་ཁུངས་ཁྲོད་ཀྱི་སྔོན་ཐོན་ཐུན་མོང་ལ་བདམས་པ་དང་། ༡༩༨༥ལོར་གུང་ཧོ་རྫོང་སློབ་གསོའི་ལས་ཁུངས་ཁྲོད་ཀྱི་སྔོན་ཐོན་ཐུན་མོང་དུ་བདམས། ༡༩༨༦ལོར་གུང་ཧོ་རྫོང་གིས་དཔལ་ཡོན་སློབ་གྲྭའི་མཚན་སྙན་གནང་། ༢༠༠༣ལོར་ཁུལ་ཡོངས་ཀྱི་དཔལ་ཡོན་སློབ་རར་བདམས། ༢༠༠༤ལོར་གུང་ཧོ་རྫོང་གི་སྔོན་ཐོན་ཐུན་མོང་དུ་བདམས། སློབ་གྲྭའི་དོ་དམ་བདག་གཉེར་ལ་གོ་རིམ་ལྡན་ཞིང་སྤུས་ཚད་ཅུང་མཐོ་བས། སློབ་གྲྭ་འདིར་ཞུགས་ནས་དཔེ་ཆ་འདོན་མཁན་ནི་རང་ཞང་གི་སློབ་མ་ལས་གཞན་ད་དུང་སྤྲེ་ནག་དང་གཡང་དར། རིག་མོ་གཞུང་བཅས་ཞིང་གི་སློབ་མ་ཡོད་པས། སྤྱི་ཚོགས་སྟེང་ལས་རིགས་ཁག་གི་མི་སྣའི་གཟེངས་བསྟོད་ཐོབ་ཡོད།
