ཞིན་ཧེ་རྫོང་མི་རིགས་སློབ་འབྲིང་གི་གནས་ཚུལ་མདོར་བསྡུས།
ཞིན་ཧེ་རྫོང་མི་རིགས་སློབ་འབྲིང་ནི༡༩༧༩ལོར་བཙུགས་ཤིང་། ལོ་དགུའི་ཞག་སྡོད་ལམ་ལུགས་ཀྱི་སློབ་འབྲིང་ཞིག་ཡིན། ད་ལྟ་དགེ་བཟོ་བ༩༢ཡོད། དེའི་ཁྲོད་དུ་བུད་མེད་དགེ་རྒན༤༣ཡོད། ཆེད་འགན་འཛིན་པའི་དགེ་རྒན་གྱི་ཁྲོད་དུ་ཞིབ་འཇུག་པའི་ཐོབ་ཐང་ཅན༡དང་། དངོས་གཞི་ཚན་ཁག་གི་ཐོབ་ཐང་ཅན༢༥དང་། ཆེད་སྦྱོང་ཚན་ཁག་གི་ཐོབ་ཐང་ཅན༥༣དང་། འབྲིང་རིམ་ཆེད་ལས་དགེ་རྒན་གྱི་ཐོབ་ཐང་ཅན༡བཅས་ཡོད། མཐོ་རིམ་གོ་མིང་བླངས་ཡོད་པའི་དགེ་རྒན༡༠དང་འབྲིང་རིམ་གོ་མིང་བླངས་ཡོད་པའི་དགེ་རྒན༡༩དང་། ཐོག་མའི་གོ་མིང་བླངས་ཡོད་པའི་དགེ་རྒན༥༠དང་། སློབ་ཆུང་གི་དགེ་རྒན༦༡དང་། དམའ་འབྲིང་གི་དགེ་རྒན༡༨བཅས་ཡོད། སློབ་གྲྭར་ད་ཡོད་སློབ་མ༡༤༨༥ཡོད（དེའི་ནང་དུ་སློབ་ཆུང་གི་སློབ་མ༡༢༦༩དང་དམའ་འབྲིང་གི་སློབ་མ༢༡༦འདུས）། ཞག་སྡོད་སློབ་མ༩༤༦དང་བུད་མེད་སློབ་མ༣༨༩ཡོད། སློབ་གྲྭར་བསྡོམས་པས་ལོ་རིམ་དགུ་ལ་བགོས་ཡོད་པ་དང་། འཆད་ཁྲིད་འཛིན་གྲྭ༢༧བཙུགས་ཡོད། སློབ་གྲྭར་ཏང་ཀྲུའུ་པུའུ་དང་། སློབ་གཙོ་ཁང་། སློབ་དོན་ཁང། སློབ་སྟོན་ཁང་། སྤྱི་གཉེར་ཁང་། སློབ་མ་དོ་དམ་ཁང་། གུང་གཞོན་ཚོགས་པ། བཟོ་ཚོགས། བུད་མེད་མཉམ་འབྲེལ་ཚོགས་པ་བཅས་ཡོད།
སློབ་རྭའི་རྒྱ་ཁྱོན་ལ་སྨི་གྲུ་བཞི་མ༥༢༡༢༨དང་། འཛུགས་སྐྲུན་གྱི་རྒྱ་ཁྱོན་ལ་སྨི་གྲུ་བཞི་མ༦༡༦༤ཡོད། དེའི་ནང་སློབ་ཁྲིད་ཐོག་ཁང་གི་རྒྱ་ཁྱོན་ལ་སྨི་གྲུ་བཞི་མ༣༣༠༩ཡོད། འཚོ་བར་བཀོལ་པའི་ཁང་བའི་རྒྱ་ཁྱོན་ལ་སྨི་གྲུ་བཞི་མ༢༦༤༩.༧༤ཡོད། གཞན་པར་བཀོལ་བའི་ཞོར་གཏོགས་ཁང་བའི་རྒྱ་ཁྱོན་ལ་སྨི་གྲུ་བཞི་མ༡༨༢.༩༡ཡོད།
སློབ་གྲྭར་ད་ལྟ་རྩིས་འཁོར་ཁང་གསུམ་ཡོད་པར་གློག་ཀླད༡༢༡སྒྲིག་སྦྱོར་བྱས་ཡོད་པ་མ་ཟད། དབྱིན་ཐེའུ་ཨྰར་དྲ་རྒྱར་འབྲེལ་མཐུད་བྱས་ཤིང་། རྒྱང་རིང་སློབ་གསོའི་ས་ངོས་འཁོར་སྐར་སྡུད་ལེན་ས་ཚིགས་དང་རྒྱང་རིང་སློབ་གསོའི་རྒྱུད་གཏོང་ཁང་། སྨྱན་བྱེད་སློབ་ཁང༢བཅས་སྒྲིག་སྦྱོར་བྱས་ཡོད། དགེ་རྒན་གྱི་གློག་རྡུལ་སློབ་ཁྲིད་གྲ་སྒྲིག་ཁང༡ཡོད། སློབ་ར་ཆ་འཕྲིན་ཅན་དང་དེང་རབས་ཅན་དུ་མངོན་འགྱུར་བྱེད་ཆེད་རྨང་གཞི་བརྟན་པོ་བཏིང་།
ཞིན་ཧེ་རྫོང་མི་རིགས་སློབ་འབྲིང་ནི་རྫོང་ཡོངས་སུ་ཆེས་ཆེ་བའི་ཉིན་ཧྲིལ་བའི་ཞག་སྡོད་ལམ་ལུགས་ཀྱི་སློབ་གྲྭ་ཞིག་ཡིན་ལ། སློབ་གྲྭའི་བྱ་བ་སྣ་ཚོགས་ཏང་ཀྲུའུ་པུས་ཡང་དག་གི་འགོ་ཁྲིད་དང་དོ་དམ་འོག བྱ་བ་སྣ་ཚོགས་ལ་མགོ་རྔ་ཡོད་པ་དང་བརྒྱུད་རིམ་ལྡན་པ་ཞིག་ཡིན། “སློབ་གྲྭ་གཞི་རྩར་བཟུང་ནས། མི་ཉིད་མ་རྩ་ཡིན་པའི”སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ལ་དོ་དམ་བྱེད་པའི་འདུ་ཤེས་རྒྱུན་འཁྱོངས་སྒོས། སློབ་གྲྭའི་དངོས་ཡོད་ལ་རྐང་བཙུགས་ནས་དོ་དམ་ལམ་ལུགས་སྣ་ཚོགས་གཏན་ལ་ཕབ་ཏེ། འབད་པས་མི་སྐྱོང་ལམ་ལུགས་ཀྱི་དམིགས་འབེན་མངོན་འགྱུར་བྱེད་བཞིན་མཆིས།
ལོ་འགའི་རིང་ལ་དགའ་འོས་པའི་གྲུབ་འབྲས་བླངས་ཡོད་དེ། བསྡོམས་པས་དགེ་རྒན༣༤ཡི་དཔྱད་རྩོམ་དང་། སློབ་ཁྲིད་འཆར་འགོད་ལ་ཞིང་ཆེན་དང་། ཁུལ། རྫོང་རིམ་པ་བཅས་ཀྱི་འགྲན་བསྡུར་ཁྲོད་བྱ་དགའ་ཐོབ་ལ། དཔྱད་རྩོམ་མང་བོ་ཞིག་དུས་དེབ་སྟེང་དུ་ཕུད། སློབ་མ༥༠ལྷག་གིས་འགྲན་བསྡུར་སྣ་ཚོགས་ཁྲོད་ནས་བྱ་དགའ་བླངས། ཚན་རིག་གིས་རྒ
