མཚོ་ལྷོ་ཁུལ་མི་རིགས་མཐོ་འབྲིང་གསུམ་པར་ཡིག་མཁན་ཁ་བ་ལྕང་སྐྱེས་ཀྱི་ཡིག་གཟུགས་བརྩམས་ཆོས་འགྲེམ་སྟོན་བྱས།

ཡིག་མཁན་ཁ་བ་ལྕང་སྐྱེས་ཀྱི་ཡིག་གཟུགས་བརྩམས་ཆོས་འགྲེམ་སྟོན།

མིང་དུ་གྲགས་པའི་བོད་ཀྱི་རྩོམ་པ་པོ་སྟག་འབུམ་རྒྱལ་གྱིས་ཡིག་གཟུགས་ལ་ལྟ་བཞིན་པ།

དགེ་སློབ་མང་བོས་ཁོང་གི་ཡིག་གཟུགས་ལ་ལྟ་བཞིན་པ།

ཁོང་གིས་མཚོ་ལྷོ་ཁུལ་མི་རིགས་མཐོ་འབྲིང་གསུམ་པར་ཕུལ་བའི་ལེགས་སྐྱེས།

     སྤྱི་ཟླ4བའི་ཚེས15ཉིན། མཐུན་སྒྲིལ་གྱི་བསྟོད་ཚིག་གཟུགས་སུ་བྲིས་ཤིང་འཆམ་མཐུན་གྱི་བྱ་བ་དོན་དུ་གཉེར་བའི་ལྕང་སྐྱེས་རྟ་མགྲིན་གྱི་ཡིག་གཟུགས་བརྩམས་ཆོས་འགྲེམས་སྟོན་ཐེངས་གསུམ་པ་དེ་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་གསུམ་པ་རུ་སྤེལ།
     ཐེངས་འདིར་སློབ་གྲྭའི་དགེ་སློབ་ཡོངས་དང་། མང་རྫོང་གི་མི་རིགས་སློབ་འབྲིང་། བྱ་མདོ་དཀྱིལ་སྙིང་སློབ་གྲྭ  མཁར་གྲོང་སློབ་ཆུང་དང་པོ་དང་གཉིས་པ། གཞན་ཡང་འབའ་རྫོང་སོགས་ས་གནས་སོ་སོའི་དགེ་རྒན་དང་སློབ་མ། ཁྱིམ་བདག་བཅས་མང་བོ་འགྲེམ་སྟོན་ལ་ཞུགས་ཤིང་། གོང་རིམ་འགོ་ཁྲིད་དང་། སྤྱི་ཚོགས་སྟེང་གི་རྩོམ་པ་པོ་གྲགས་ཅན། ཡིག་མཁན། མང་ཚོགས་དག་གི་དགའ་བསུ་ཚད་མེད་ཐོབ་པ་མ་ཟད། སློབ་གྲྭའི་སློབ་སྦྱོང་གི་མཁའ་དབུགས་ལ་སྔར་ལས་ལྷག་པའི་གསོན་ཤུགས་གསར་བ་བསྣན།