ཁྲི་ཀ་རྫོང་མི་རིགས་བཅའ་སྡོད་སློབ་གྲྭས་བོད་རྒྱ་ཡིག་རིགས་གཉིས་ཀྱི་རྩོམ་ཡིག་འགྲན་བསྡུར་སྤེལ།
ཁ་བྱང་གཅིག་པའི་བོད་རྒྱ་ཡིག་རིགས་གཉིས་ཀྱི་རྩོམ་ཡིག་འགྲན་བསྡུར་སྤེལ་བ།
ཁ་བྱང་གཅིག་པའི་བོད་རྒྱ་ཡིག་རིགས་གཉིས་ཀྱི་རྩོམ་ཡིག་འགྲན་བསྡུར་སྤེལ་བ།
འཆད་ལ་མཁས་ཀྱང་རྩོམ་ཚུལ་མ་ཤེས་ན། ། ལྕེ་བརྒྱར་སྤྲུལ་ནས་སྨྲས་ཀྱང་ལྐུགས་པ་ཡིན་ཞེས་གསུང་པ་ལྟར། རྩོམ་ཡིག་ཕུལ་དུ་བྱུང་བ་ཞིག་འབྲི་བར་སློབ་གྲྭ་ཆུང་འབྲིང་གི་སློབ་མའི་དུས་ནས་མགོ་བཟུང་སྟེ་རྒན་གྱི་སྣེ་སྟོན་བཟང་བོ་དང་སློབ་མ་རྣམས་ཀྱིས་མང་ལྟ་མང་འབྲི་བྱ་རྒྱུར་རག་ལས་པས། ཁྲི་ཀ་རྫོང་མི་རིགས་བཅའ་སྡོད་སློབ་གྲྭས་ཀྱང་འདི་ལྟ་བུའི་དམིགས་འབེན་གཙིགས་སུ་བཟུང་ནས་སློབ་མའི་རྩོམ་འབྲིའི་ནུས་པ་སྔོག་འདོན་བྱེད་ཆེད། ཉེ་སྔོན་ཁ་བྱང་གཅིག་ཅན་གྱི་རྒྱ་ཡིག་གི་རྩོམ་ཡིག་འགྲན་བསྡུར་དང་བོད་ཡིག་གི་རྩོམ་ཡིག་འགྲན་བསྡུར་གཉིས་འཕྲོ་རིམ་འཕྲོར་སློབ་གྲྭའི་སྐས་རིམ་ཚོམས་ཁང་དུ་སྤེལ།
ཐེངས་འདིའི་རྩོམ་ཡིག་འགྲན་སྡུར་ལ་སློབ་ཆུང་ལོ་རིམ་དྲུག་པ་ནས་དམའ་འབྲིང་གསུམ་པའི་བར་གྱི་འཛིན་གྲྭ་སོ་སོ་ནས་སློབ་མ་གཉིས་རེ་བདམས་ཏེ་འགྲན་བསྡུར་ལ་ཞུགས་ཤིང་། སློབ་མ་རྣམས་ཀྱིས་སྨྱུ་གུ་དང་དག་ཡིག་གསར་བསྒྲིགས་རེ་བཟུང་སྟེ། རྩོམ་ཡིག་གི་རེ་འདུན་དང་རྩོམ་ཡིག་གི་ཁ་བྱང་གཏན་འཁེལ་ལ་གཞིར་བཅོལ་ནས། སློབ་མ་སོ་སོའི་རྒྱུན་ལྡན་གྱི་རྩོམ་ཡིག་ཆུ་ཚད་དངོས་མ་ངོམ་པའི་སྟེགས་བུ་བཟང་པོ་ཞིག་བཟོས།
དུས་ཚོད་གཅིག་རིང་གི་འགྲན་བསྡུར་ཁྲོད་དུ། སློབ་མ་ཚོས་རབ་གཙང་ཤོག་དཀར་ངོས་སུ་བློ་གྲོས་དང་ཚོར་བས་ཕྱུག་པའི་སྨྱུག་རྩེ་ཤར་ཤར་དུ་བསྒྱུར་ནས་རང་ཉིད་ཀྱི་འཇོན་ཐང་ངོམ་ཆེད་དུ་མཚམས་རེར་མགོ་བོ་གནམ་ལ་བཏེགས་ནས་བསམ་གཞིགས་གཏོང་བ་དང་། ཡང་ལན་རེར་ཡིད་སེམས་སྨྱུ་གུ་དང་བཅས་པ་ཤོག་བུའི་ཐང་ཆེན་དུ་ཐབས་དང་རྩལ་གྱི་རྟ་ཕོའི་བང་ཁ་འགྲན་བཞིན་འདུག
འདི་ལྟའི་རྩོམ་ཡིག་གི་འགྲན་སྡུར་སྤེལ་པ་བརྒྱུད། སློབ་མ་ཚོའི་གབ་སྦེད་རང་བཞིན་གྱི་ཡོན་ཏན་སྔོག་ལེན་དང་རང་ཉིད་ཀྱི་འཇོན་ཐང་ངོམ་པར་གླགས་བཟང་པོ་ཞིག་བསྐྲུན་པ་བསྙོན་དུ་མེད་པས། འགྲན་སྡུར་ནི་འཕེལ་རྒྱས་ཀྱི་གཞི་རྩ་དང་བྱ་འགུལ་ནི་འཇོན་ནུས་སྔོག་པའི་སྐར་ཁུང་ཡིན་པ་ར་སྤྲོད་བྱས།
གཟའ་འཁོར་རྗེས་མར་དཔྱད་འདེམས་པའི་འདྲ་མཉམ་དང་དྲང་བཞག་གི་དཔྱད་བསྡུར་སྤེལ་ཏེ། ཨང་དང་པོ་དང་ཨང་གཉིས་པ་ཨང་གསུམ་པ་བཅས་ཀྱི་སློབ་གྲོགས་དག་ལ་བྱ་དགའི་རྟགས་མ་གནང་ཞོར་རྩོམ་ཡིག་འབྲི་བའི་དགེ་མཚན་ལ་སོགས་པའི་སློབ་མ་ཀུན་ལ་རྩོམ་ཡིག་འབྲི་བའི་གོ་སྐོན་བློ་འགུག་གི་སློབ་གསོ་མི་དམན་པ་གནང་རྒྱུ་རེད།
