བྲག་དཀར་རྫོང་མི་རིགས་སློབ་འབྲིང་དང་པོས་མདོ་འཛིན་མི་སྣ་འདེམས་བསྐོའི་འགྲན་སྡུར་གྱི་བྱ་འགུལ་སྤེལ་བ།

མདོ་འཛིན་མི་སྣ་འདེམས་བསྐོ་བྱེད་པ།

དཔྱད་འདེམ་པ།

མདོ་འཛིན་མི་སྣ་འདེམས་བསྐོ་བྱེད་པ།

མདོ་འཛིན་མི་སྣ་འདེམས་བསྐོའི་འགྲན་སྡུར་ལ་ཞུགས་པའི་སློབ་མ་རྣམས།

     ཉེ་ལམ། སློབ་རའི་སློབ་གསེང་རིག་གནས་ཇེ་རྒྱས་ཇེ་ལེགས་སུ་གཏོང་བ་དང་སློབ་མའི་འཇོན་ནུས་སྔོག་འདོན། དགའ་ཕྱོགས་སྐྱེད་སྲིང་བཅས་ལ་དམིགས་ཏེ། བྲག་དཀར་རྫོང་མི་རིགས་སློབ་འབྲིང་དང་པོའི་ཏང་ཀྲུའུ་པུའུ་ཡི་ཡང་དག་པའི་མཛུབ་སྟོན་དང་། འབྲེལ་ཡོད་འགོ་ཁྲིད་ཀྱི་རྒྱབ་སྐྱོར་དང་སྣེ་ཁྲིད་འོག་ཏུ། ཐེངས་འདིའི་མདོ་འཛིན་མི་སྣ་འདེམས་བསྐོའི་འགྲན་སྡུར་བྱ་འགུལ་དེ་སློབ་གྲྭའི་ཚོགས་འདུ་ཁང་དུ་སྤེལ་བ་རེད། 
     ཐེངས་འདིའི་འགྲན་སྡུར་ལ་ལོ་རིམ་བཞི་བ་ནས་ལོ་རིམ་བརྒྱད་པའི་བར་གྱི་རྒྱ་ཡིག་དང་བོད་ཡིག་གི་ཆུ་ཚད་ཅུང་བཟང་ལ་སྙན་སྒྲོན་གྱི་ཁྱད་གཤིས་ལྡན་པའི་སློབ་མ47ཞུགས་ཡོད་ལ། དེར་སློབ་གྲྭའི་དགེ་བཟོ་བ་ཡོངས་ལས་མདོ་འཛིན་ལ་བྱང་ཆ་དང་ཉམས་མྱོང་ཡོད་མཁན་གྱི་དགེ་རྒན6བདམས་ནས་གཟབ་ནན་དང་དྲང་བདེན་གྱིས་དཔྱད་འདེམས་བྱས་ཤིང་། སློབ་གྲོགས་ཚོས་ཀྱང་སྔ་མོ་ནས་གྲ་སྒྲིག་བྱས་ཡོད་པའི་སྐར་ཆ30རིང་གི་རང་ཉིད་ངོ་སྤྲོད་དང་སྐར་མ2རིང་གི་སྐབས་ཐོག་མདོ་འཛིན་བྱས་པར་བརྟེན་ནས་རང་གི་རྩལ་ནུས་དང་འཇོན་ཐང་ཕྱིར་མངོན་ཅི་ཐུབ་བྱས་མཐར། སློབ་གྲོགས་ལྕགས་ཐར་རྒྱལ་དང་དངོས་གྲུབ་འཚོ་སོགས་བོད་སྐད་མདོ་འཛིན་པ12དང་རྒྱ་སྐད་མདོ་འཛིན་པ3བཅས་བདམས་ཐོན་བྱུང་བ་རེད།
     ཐེངས་འདིའི་སློབ་རའི་མདོ་འཛིན་མི་སྣ་འདེམས་བསྐོའི་འགྲན་སྡུར་བརྒྱུད་ནས་སློབ་མའི་བག་ལ་ཉལ་བའི་འཇོན་ནུས་སྔོག་འདོན་དང་དགའ་ཕྱོགས་སྐྱེད་སྲིང་། རྒྱལ་ཁ་ལ་བརྩོན་ལེན་བྱེད་པའི་སྙིང་སྟོབས་དང་སྡུག་རུས་བསྐྱེད་པ། ཕམ་ཁ་ལ་མགོ་བོ་མི་སྒུར་བར་རང་ཉིད་སྤྱི་བསྡོམས་དང་ཉམས་མྱོང་བསྡུ་ལེན་བྱེད་པའི་སློབ་སྦྱོང་གི་གོ་སྐབས་ཡག་པོ་ཞིག་བསྐྲུན་ཡོད་པ་རེད།