རིག་སྨོན་གྲོང་རྡལ་འཁྱམས་རུ་རབ་འོག་མ་སྡེ་བས་སློབ་མར་ཟབ་སྦྱོང་སྤེལ་བ།

རིག་སྨོན་འཁྱམས་རུ་རབ་འོག་མ་སྡེ་བའི་ལོ་ཆུང་བྱིས་པ་རྣམས།

     སྤྱི་ཟླ1པོའི་ཚེས15ནས་ཚེས30བར། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་རིག་སྨོན་གྲོང་རྡལ་འཁྱམས་རུ་རབ་འོག་མ་སྡེ་བས་སྡེ་བ་རང་གི་སློབ་ཆེན་དུ་འགྲིམ་བཞིན་པའི་ཞིབ་འཇུག་སློབ་མ་དང་དངོས་གཞི་སློབ་མ་རྣམས་བཀོད་སྒྲིག་བྱས་ཏེ་སློབ་ཆུང་དང་དམའ་འབྲིང་། མཐོ་འབྲིང་གི་སློབ་མ་རྣམས་ལ་རྒྱ་ཡིག་དང་བོད་ཡིག གྲངས་རིག  རྫས་འགྱུར། དངོས་ལུགས། ལོ་རྒྱུས་སོགས་སྣ་འཛོམས་རང་བཞིན་གྱི་རིན་མེད་སློབ་ཁྲིད་དེ་སྡེ་བའི་ཏང་ཡོན་བྱ་འགུལ་ཁང་དུ་སྤེལ།

སྡེ་བའི་དངོས་གཞི་སློབ་མ་དང་ཞིབ་འཇུག་སློབ་མ་དགུན་གནང་སྐབས་སུ་ལོ་ཆུང་བྱིས་པའི་དགེ་རྒན་ཏུ་གྱུར་པ།

     2014ལོ་ནས་ནས་བཟུང་འཁྱམས་རུ་རབ་འོག་མ་སྡེ་བའི་ཏང་ཀྲི་པུའུ་ཧྲུའུ་ཅི་དཔལ་བྷོ་དང་སྡེ་དཔོན་ཚེ་དབང་ཕུན་ཚོགས་གཉིས་ཀྱི་ལྷག་བསམ་ཟོལ་མེད་ཀྱི་རྒྱབ་སྐྱོར་འོག་སྡེ་བའི་སློབ་ཆེན་པ་སྐོར་ཞིག་གིས་མ་སྐུལ་དང་བླངས་ཀྱིས་སྡེ་བའི་སློབ་གསོའི་རྣམ་པ་ཇེ་ལེགས་སུ་གཏོང་རྒྱུའི་ཐད་ལ་བྱ་བ་སྣ་ཚོགས་བསྒྲུབ་ལ། ལྷག་པར་དུ་སྡེ་བའི་ནང་དུ་སློབ་གྲྭ་ཆུང་འབྲིང་གི་སློབ་མ་རྣམས་ལ་དམིགས་ནས་ལོ་རེའི་དགུན་གནང་སྐབས་ཀྱི་དུས་ཚོད་བེད་སྤྱད་ནས་གསབ་སྦྱོང་འཛིན་གྲྭ་སོགས་བཙུགས་ནས་སྡེ་བའི་སློབ་གསོའི་རྣམ་པ་ཡར་ཐོན་གྱི་ཐད་ལ་བྱས་རྗེས་བླ་མེད་བཞག  བསྟུད་མར་ལོ་ངོ་གསུམ་རིང་སྤེལ་བའི་བྱ་འགུལ་འདིས་སྡེ་བའི་མང་ཚོགས་དང་ཁྱིམ་བདག  སློབ་མ་དག་གི་ལྷག་བསམ་ཟོལ་མེད་ཀྱི་དགའ་བསུ་དང་བསྔགས་བརྗོད་ཆེན་པོ་ཐོབ་བོ།།

དགེ་རྒན་དང་སློབ་མ།

     འཁྱམས་རུ་རབ་འོག་མ་སྡེ་བ་ནི་མཚོ་སྔོན་ཞིང་ཆེན་གྱི་མི་རིགས་མཐུན་སྒྲིལ་དང་བོད་ཁམས་ཕྱུགས་ལས་མཉམ་ལས་ཀྱི་དཔེ་སྟོན་སྡེ་བ་ཞིག་ཡིན་ལ། ཉེ་བའི་ལོ་འདི་འགར་ཏང་གི་ཡང་དག་པའི་དབུ་ཁྲིད་དང་སྲིད་ཇུས་འོག་སྡེ་བའི་ཕྱོགས་ཡོངས་ཀྱི་བྱ་བར་གནམ་ས་བླ་འོག་བརྗེ་བ་ལྟ་བུའི་འཕོ་འགྱུར་ཆེན་པོ་བྱུང་ཡོད།

མཉམ་པར།