གསེར་ཆེན་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་གིས་བོད་རྒྱ་ཡིག་སྒྱུར་གསོ་སྦྱོང་འཛིན་གྲྭ་བསྡུས་པ།
གསེར་ཆེན་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་གིས་སྐབས་དང་པོའི་བོད་རྒྱ་ཡིག་སྒྱུར་གསོ་སྦྱོང་འཛིན་གྲྭ་བསྡུས།
གསེར་ཆེན་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་གིས་སྐབས་དང་པོའི་བོད་རྒྱ་ཡིག་སྒྱུར་གསོ་སྦྱོང་འཛིན་གྲྭ་བསྡུས།
ཉེ་སྔོན། མཚོ་ལྷོ་ཁུལ་གསེར་ཆེན་རྫོང་བོད་སྐད་ཡིག་བྱ་བའི་གཞུང་སྒྲུབ་ཁང་གིས་རྫོང་ཨུའི་རྩ་འཛུགས་པུའུ་དང་མཉམ་འབྲེལ་སྒོས་རྫོང་ཡོིངས་ཀྱི་སྐབས་དང་པོའི་བོད་རྒྱ་ཡིག་སྒྱུར་གྱི་གསོ་སྦྱོང་འཛིན་གྲྭ་བསྡུས་ཤིང་། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་ལྷ་ཕྱུག་སྐྱིད་དང་མཚོ་ལྷོ་ཁུལ་བོད་སྐད་ཡིག་བྱ་བའི་ཨུ་ཡོན་ལྷན་ཁང་གཞུང་སྒྲུབ་ཁང་གི་ལོ་ཙཱ་བ་ལྷ་འབྲུག་རྒྱལ་སོགས་ཀྱིས་ཡིག་སྒྱུར་ལ་འཇུག་ཚུལ་དང་གཞུང་ཡིག་ཡིག་སྒྱུར་ལག་ལེན། ཡིག་སྒྱུར་བྱ་ཐབས་དང་ཐབས་རྩལ་སོགས་ཀྱི་ཐད་ནས་ཅུང་ཆ་ཚང་བའི་སློབ་ཁྲིད་གནང་བ་མ་ཟད་སློབ་མའི་བོད་རྒྱ་སྐད་གཉིས་ཀྱི་ཆུ་ཚད་དང་ཡིག་སྒྱུར་ནུས་པ་སོགས་ཀྱི་ཐད་ལ་ཚོད་རྒྱུགས་ཐེངས་ཤིག་བླངས།
གསོ་སྦྱོང་བྱེད་པའི་གོ་རིམ་ཁྲོད། སློབ་མ་རྣམས་ཀྱིས་དུས་ལྟར་སློབ་ཁྲིད་ལ་ཞུགས་པ་དང་གཟབ་ནན་སྒོས་སློབ་ཁྲིད་ལ་ཉན་ཏེ་སྒྲིག་ལམ་ལེགས་པོ་སྲུང་ཞིང་། ཐེངས་འདིའི་གསོ་སྦྱོང་འཛིན་གྲྭ་སྤེལ་བར་གདེང་འཇོག་ལེགས་པོ་གནང་བ་མ་ཟད་རྗེས་ཕྱོགས་ཀྱང་གསོ་སྦྱོང་གི་དུས་ཚོད་ཇེ་རིང་དང་གཞི་རྒྱ་ཆེ་རུ་གཏོང་བར་བསམ་ཚུལ་བཏོན།
གསོ་སྦྱོང་ལ་བརྒྱུད་དེ་སློབ་མ་རྣམས་ཀྱིས་ཡིག་སྒྱུར་བྱ་བ་དེ་མི་རིགས་ས་ཁུལ་དུ་ཇི་འདྲའི་གལ་ཆེན་དང་དགོས་ངེས་ཡིན་པ་རྟོགས་པ་དང་། ཡིག་སྒྱུར་གྱི་རྨང་གཞིའི་ཤེས་བྱ་དང་བྱ་ཐབས་སོགས་རྒྱུས་ལོན་དང་ངེས་འཛིན་བྱས་ཤིང་། བོད་རྒྱའི་ཡིག་སྒྱུར་ནུས་པ་སྔར་ལས་མཐོར་འདེགས་སུ་སོང་ལ། རྗེས་ཕྱོགས་སྔར་ལས་ལྷག་པར་རོང་འབྲོག་མང་ཚོགས་ལ་ཞབས་ཞུ་སྒྲུབ་པར་ཡར་སྐུལ་གྱི་ནུས་པ་ཐོན།
