2015ལོའི་མཚོ་ལྷོ་ས་ཁུལ་གྱི་ཆེ་འབྲིང་སློབ་གྲྭའི་སློབ་མའི་མཛེས་རིས་འགྲེམ་སྟོན་སྤེལ་བ།
ཐང་ཀའི་འགྲེམ་སྟོན།
བྱེད་སྒོའི་སྔོན་གྱི་རིག་རྩལ་འཁྲབ་སྟོན།
མཛེས་རིས་འགྲེམ་སྟོན་ལ་གཟིགས་པ།
མཛེས་རིས་འགྲེམ་སྟོན་ལ་གཟིགས་པ།
ཡུལ་དངོས་སུ་དབུ་མེད་འབྲི་བཞིན་པའི་ཚུལ།
སློབ་མ་དང་གཟིགས་མོ་བ་རྣམས་ཀྱིས་མཛེས་རིས་འགྲེམ་སྟོན་ལ་གཟིགས་པ།
སྤྱི་ཟླ5བའི་ཚེས29ཉིན་གྱི་སྔ་དྲོར། མཚོ་ལྷོ་ས་ཁུལ་གྱི་སློབ་གྲྭ་ཆེ་འབྲིང་གི་སློབ་མའི་མཛེས་རིས་འགྲེམ་སྟོན་དེ་མཚོ་ལྷོ་ཁུལ་དཔེ་མཛོད་ཁང་དུ་བསྡུས་ཤིང་། མཚོ་ལྷོ་ཁུལ་རིག་གནས་ལུས་རྩལ་ཅུས་གཙོ་སྒྲུབ་དང་། མཚོ་ལྷོ་ཁུལ་མང་ཚོགས་སྒྱུ་རྩལ་ཁང་གིས་འགན་སྒྲུབ། མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་དང་མཚོ་ལྷོ་ཁུལ་དཔེ་མཛོད་ཁང་གཉིས་ཀྱིས་རོགས་སྒྲུབ་བྱས་ཏེ་སྤེལ་བ་ཞིག་ཡིན།
ཐེངས་འདིའི་མཛེས་རིས་འགྲེམ་སྟོན་སྤེལ་བའི་དམིགས་ཡུལ་ནི། མཚོ་ལྷོ་ས་ཁུལ་གྱི་དམངས་སྲོལ་རིག་གནས་དར་སྤེལ་དང་། མ་འོངས་པའི་རི་མོ་སྒྱུ་རྩལ་གྱི་མེ་ཏོག་གི་ལྡུམ་ར་འདི་གསོ་སྐྱོང་གནང་བར་ཉམས་པ་སོར་ཆུད་དང་། མ་ཉམས་གོང་འཕེལ་ཡོང་བར་རྨང་གཞི་བརྟན་པོ་ཞིག་གཏོང་ཆེད། མཚོ་ལྷོ་ཁུལ་མང་ཚོགས་སྒྱུ་རྩལ་ཁང་གིས་གྲོན་མེད་སྒོ་འབྱེད་ཀྱི་ཞབས་ཞུ་ལས་གཞི་དང་ཟུང་དུ་སྦྲེལ་ཏེ་ཁུལ་དཔེ་མཛོད་ཁང་ནས་རྣམ་པ་ཚོའི་མིག་གི་དགའ་སྟོན་དུ་བཤམས།
ཉིན་འདིའི་སློབ་མའི་མཛེས་རིས་འགྲེམ་སྟོན་ལ་སློབ་གྲྭ་ཆེ་འབྲིང་བརྒྱད་ཀྱི་སློབ་མའི་ལག་དངོས་བརྒྱུད་ནས་བྲིས་པའི་ཐང་ཀའི་སྒྱུ་རྩལ་མཛེས་རིས་དང་དེང་རབས་རི་མོའི་འབྲི་སྟངས་ཀྱི་བརྩམས་ཆོས་ཁོ་ན་ཡིན།
དེང་འདིར་རི་མོའི་སྒྱུ་རྩལ་ལ་དགའ་བོ་དང་དུང་ཞེན་ཆེ་བའི་སློབ་གྲོགས་ཡོངས་ཀྱི་ལྡབ་འགྱུར་གྱིས་བརྩོན་པ་ངང་གིས་བསྐྱེད་དེ་མ་འོངས་པ་ན་མཛེས་རྩལ་ལ་མཁས་པའི་སློབ་མ་བཟང་བོ་ཞིག་དང་། མཚོ་ལྷོ་ས་ཁུལ་གྱི་མཛེས་རྩལ་རིག་གནས་ལ་བྱས་རྗེས་བླ་ལྷག་གིས་འཇོག་པར་སྨོན་ནོ།།
