ཁྲི་ཀ་རྫོང་སློབ་གསོ་སྡེ་ཁག་གིས་ཆུང་འབྲིང་སློབ་མའི་སྟོན་ཟླའི་ལུས་རྩལ་འགྲན་ཚོགས་སྐབས་གསུམ་པ་སྤེལ།

ཁྲི་ཀ་རྫོང་སློབ་གསོ་སྡེ་ཁག་གིས་ཆུང་འབྲིང་སློབ་མའི་སྟོན་ཟླའི་ལུས་རྩལ་འགྲན་ཚོགས་སྐབས་གསུམ་པ་སྤེལ།

     ཟླ9བའི་ཚེས21ཉིན། ཁྲི་ཀ་རྫོང་སློབ་གསོ་སྡེ་ཁག་གིས་ལོ་རེ་རེའི་སློབ་གྲྭ་ཆུང་འབྲིང་གི་སྟོན་མཇུག་ལུས་རྩལ་འགྲན་ཚོགས་སྐབས་གསུམ་པ་ཁྲི་ཀ་རྫོང་རྨ་སྲིབ་ལྟེ་གནས་སློབ་ཆུང་དུ་སྤེལ།

མགོ་རྩོམ་མཛད་སྒོ།

     ཁྲི་ཀ་རྫོང་སློབ་གསོ་ཅུའུ་ཡི་གཙོ་སྒྲུབ་འོག སློབ་གྲྭ་སོ་སོས་གང་བཟང་གང་ལེགས་ཀྱི་སྟ་གོན་ཡག་པོ་བྱས་ནས་དགེ་སློབ་རྣམས་ཀྱིས་ལུས་སུ་འཕྱོར་ལྭས་བརྒྱན་ཞིང་། ཡིད་སེམས་སྤྲོ་བས་བརྟས་ནས་འགྲན་ཚོགས་ཁྲོད་གཡུར་དུ་ཟ་བའི་འབྲས་བུ་ཞིག་ལེན་པའི་རེ་བས་ཁེངས་འདུག གོང་འགོ་ཁྲིད་ཀྱིས་འགྲན་ཚོགས་མགོ་རྩོམ་པའི་ཁྱབ་བསྒྲགས་བཀའ་བརྡ་རྒྱབ་མ་ཐག སློབ་གྲྭ་སོ་སོའི་རུ་དཔུང་རྣམས་ཚར་དུ་དངར་བའི་གྲལ་འགྲིག་ཅིང་མདུན་སྐྱོད་སྐུལ་བརྡའི་རོལ་མོའི་ཀློང་ནས་འགྲོས་མཉམ་སྒོས་ཚོགས་རར་བསྐྱོད་རྗེས། ལུས་རྩལ་རྣམ་གྲངས་སོ་སོའི་འགྲན་སྡུར་གྱི་མགོ་བརྩམས་པ་རེད།

འགྲན་རྒྱུག་བྱེད་པ།

     ཐེངས་འདིའི་འགྲན་ཚོགས་ལ་དམའ་རིམ་སློབ་གྲྭ4དང་སློབ་ཆུང་སློབ་གྲྭ6བཅས་ཁྱོན་བསྡོམས་སློབ་གྲྭ10ལ་དགེ་རྒན་ཚན་སྐོར་དང་སློབ་འབྲིང་ཚན་སྐོར། སློབ་ཆུང་ཚན་སྐོར་བཅས་ཀྱི་ཕོ་མོའི་རུ་ཁག་གསུམ་དུ་བགར་ནས་འགྲན་བསྡུར་སྤེལ་ཞིང་། འགྲན་བསྡུར་རྣམ་གྲངས་ལ་སྨི60དང་སྨི100། སྨི400ཡི་མཐུད་རྒྱུག ལྒང་ལི་འགྲན་སྡུར་དང་། ཕང་ཕིང་ལྒང་ལི། ཐག་ལྡིང་སོགས་རྣམ་གྲངས6ཙམ་སྤེལ་ཡོད།

ལྒང་ལི་འགྲན་བསྡུར།

     ཉིན་དང་པོའི་འགྲན་བསྡུར་ཁྲོད་རྫོང་མི་རིགས་སློབ་འབྲིང་གི་སློབ་མའི་སྐྱེས་པ་རུ་ཁག་གིས་ལྒང་ལི་དང་རྐང་རྒྱུག་འགྲན་བསྡུར་ཁྲོད་ཨང་དང་པོ་དང་སྐྱེས་མ་རུ་ཁག་གིས་ཨང་གཉིས་པའི་གཟེངས་རྟགས་བླངས་པ་མ་ཟད། མ་འོངས་ཉིན་གཉིས་ཀྱི་རིང་སློབ་གྲྭ་དག་གིས་འགྲན་བསྡུར་རྣམ་གྲངས་སོ་སོར་ཁྱད་འཕགས་ཀྱི་འབྲས་བུ་ཡག་པོ་ཞིག་ཐོབ་པར་དཔའ་གདེངས་ཆེན་པོས་ཁེངས་འདུག