དར་ལག་རྫོང་གི་འབྲེལ་ཡོད་འགོ་ཁྲིད་ཐེམ་ཆེན་མི་རིགས་སློབ་འབྲིང་གཉིས་པར་གཟིགས་ཞིབ་ཏུ་ཕེབས།
དར་ལག་རྫོང་གི་འབྲེལ་ཡོད་འགོ་ཁྲིད་ཐེམ་ཆེན་མི་རིགས་སློབ་འབྲིང་གཉིས་པར་གཟིགས་ཞིབ་ཏུ་ཕེབས།
ཉེ་ཆར། དར་ལག་རྫོང་གི་འབྲེལ་ཡོད་འགོ་ཁྲིད་སྐོར་ཅིག་ཐེམ་ཆེན་རྫོང་མི་རིགས་སློབ་འབྲིང་གཉིས་པ་རུ་ཕེབས་ནས་སློབ་གསོའི་བྱ་བའི་ཉམས་མྱོང་ཕྱོགས་ནས་ཕན་ཚུན་ལ་བསམ་བློ་བརྗེ་རེས་བྱས།
ཐོག་མར། དར་ལག་རྫོང་གི་འབྲེལ་ཡོད་འགོ་ཁྲིད་དག་ཐེམ་ཆེན་རྫོང་མི་རིགས་སློབ་འབྲིང་གཉིས་པ་རུ་ཕྱིན་ཏེ། སློབ་གྲྭའི་སྤྱིའི་ཁོར་ཡུག་དང་། སློབ་མའི་ཉལ་ཁང་། སློབ་ཁང་། ཟ་ཁང་། དཔེ་མཛོད་ཁང་། སློབ་མའི་ལག་བཟོའི་མཛེས་རྩལ་ཁང་སོགས་ལ་བལྟ་སྐོར་བྱས་ཤིང་། སློབ་གྲྭའི་དགེ་རྒན་དག་དང་ལྷན་དུ་སློབ་གསོའི་བྱ་བའི་ཕྱོགས་ནས་ཕན་ཚུན་ལ་བསམ་བློ་བརྗེ་རེས་བྱས།
རྒྱུས་ལོན་བྱེད་བཞིན་པ།
དེ་ཡང་། རྒྱུས་ལོན་པ་ལྟར་ན། ལོ་ངོ་འདི་འགའི་རིང་ལ་ཐེམ་ཆེན་རྫོང་མི་རིགས་སློབ་འབྲིང་གཉིས་པས་གཅིག་ནས་སློབ་གསོའི་དོ་དམ་དང་། གཉིས་ནས་སློབ་གསོའི་སྤུས་ཚད་ཀྱི་ཐད་ནས་ཤུགས་ཆེན་པོས་འཕེལ་རྒྱས་སུ་བཏང་བས། སློབ་གྲྭ་འདི་ཉིད་ད་སྔ་ཕྱོགས་གང་ཐད་ནས་འཕེལ་རྒྱས་སུ་འགྲོ་བཞིན་ཡོད་ལ། ལོ་རེ་བཞིན་དུ་ཁོ་ཚོས་སློབ་གྲྭ་གཞན་པ་དང་ས་གནས་གཞན་པའི་སློབ་གསོའི་སྒྲུབ་སྟངས་ལ་ཉམས་མྱོང་བརྗེ་རེས་བྱེད་པའི་བྱ་འགུལ་སྤེལ་བཞིན་ཡོད།
ད་ཐེངས་དར་ལག་རྫོང་གི་འབྲེལ་ཡོད་འགོ་ཁྲིད་ཁག་ཅིག་སློབ་གྲྭ་འདིར་ཕེབས་ནས་སློབ་གསོའི་བྱ་བའི་ཉམས་མྱོང་བརྗེ་རེས་བྱས་པ་འདིས། ས་གནས་མི་འདྲ་བའི་སློབ་གསོ་སྒྲུབ་སྟངས་ཀྱི་ཐད་ནས་རང་རང་གི་བསམ་ཚུལ་ལྷུག་པོར་བརྗོད་པ་དང་། མ་འོངས་པའི་སློབ་གསོ་གོང་འཕེལ་གྱི་ཐད་ནས་ཕན་ཚུན་ལ་རོགས་འདེགས་གང་མང་ཐོབ།
