༄༅།།མཚོ་ལྷོ་ཁུལ་མི་རིགས་མཐོ་འབྲིང་དང་པོས་སྐབས་བཞི་བཅུ་ཞེ་བཞི་བའི་ལུས་རྩལ་འགྲན་ཚོགས་བསྡུས།
རྩོམ་པ་པོ།：མི་གསལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2020-09-30
ཀློག་གྲངས།：
ཡོད་རྒུ་རྩལ་སྤྲུགས་ཀྱིས་རྒྱལ་ཁའི་རྟགས་མ་སྙེག་བཞིན་པ།
རྒྱང་རྒྱུག་ལ་ཞུགས་པའི་སློབ་བུ་ལུས་རྩལ་པ།སྟོན་གྱི་ལང་ཚོ་གསལ་བའི་དུས་བཟང་འདིར། ཞོགས་པའི་ཉི་འོད་ཤར་རིའི་རྩེ་ནས་འཛུམ་དུས། རྒྱ་ཆེ་བའི་དགེ་སློབ་རྣམས་སྔ་མོ་ནས་སློབ་རའི་ལུས་རྩལ་ར་བར་འཛོམས་ཏེ། སྤྲོ་སེམས་འཁོལ་བའི་ངང་སློབ་གྲྭའི་སྐབས༤༤བའི་མཆོང་རྒྱུག་འཕེན་གསུམ་གྱི་ལུས་རྩལ་འགྲན་ཚོགས་བསུས།
ལུས་རྩལ་འགྲན་ཚོགས་ལ་ཞུགས་པའི་འཛིན་གྲྭ་ཁྱོན་བསྡོམས༥༦ཡོད་ཅིང་། དགེ་སློབ་ཁྱོན་བསྡོམས༣༠༠༠ལྷག་ཡོད་ལ། ལུས་རྩལ་གྱི་རྣམ་གྲངས༤༢ལྷག་ཡོད། དགེ་སློབ་རྣམས་ནི་རང་རང་གི་འཇོན་ཐང་དང་དགའ་མོས་ལྟར་ལུས་རྩལ་གྱི་རྣམ་གྲངས་སྣ་ཚོགས་ལ་ཞུགས་ཡོད།
རྒྱལ་དར་རུ་ཁག་གིས་སྣེ་དྲངས་ཏེ་རིམ་བཞིན་ལུས་རྩལ་པའི་རུ་ཁག ཤན་འབྱེད་པའི་རུ་ཁག མཐོ་གསུམ་དང་མཐོ་གཉིས། མཐོ་གཅིག་ལོ་རིམ་གྱི་འཛིན་གྲྭ་རེ་རེ་བཞིན་འགྲོས་མཉམ་པའི་གོམ་སྟབས་བསྒྱུར་ཅིང་གདངས་མཉམ་པའི་ལུས་རྩལ་གྱི་འབོད་སྐད་སྒྲོག་བཞིན་ཀྲུའུ་ཞི་སྟེགས་བུའི་མདུན་དུ་སྐྱོད་པའི་ཚེ། སློབ་རའི་ལུས་རྩལ་ར་བ་ལ་ངོ་མཚར་བའི་བཀྲག་མདངས་གསར་བ་ཞིག་བསྩལ་བྱུང་།
སློབ་གྲྭའི་ཏང་ཨུའི་ཧྲུའུ་ཅི་གཞོན་པ་མ་ཀྲན་ལུང་གིས་ལུས་རྩལ་འགྲན་ཚོགས་ཀྱི་མཛད་སྒོ་ལ་མདོ་འཛིན་མཛད་ཅིང་། སློབ་གཙོ་གཞོན་པ་ཀླུ་འབུམ་རྒྱལ་དང་འབྲུག་འབུམ་ལགས་ཀྱིས་རིམ་བཞིན་ཤིས་ཚིག་ཕུལ་ཞིང་འགྲན་ཚོགས་ལ་ཕེབས་པའི་སྐུ་མགྲོན་ངོ་སྤྲོད་གནང་།
སློབ་གཙོ་དབང་ཆེན་ཚེ་རིང་ལགས་ཀྱིས་འགྲན་ཚོགས་ཀྱི་མཛད་སྒོ་མགོ་རྩོམ་པའི་གཏམ་བསྒྲགས་པ་ན། དགེ་སློབ་ཡོངས་ཀྱི་དགའ་འབོད་དང་ཐལ་མོའི་རྡེབ་སྒྲའི་ཁྲོད། སློབ་གྲྭའི་སྐབས༤༤བའི་ལུས་རྩལ་འགྲན་ཚོགས་ཀྱི་མཛད་སྒོ་གཟབ་རྒྱས་ངང་མགོ་བརྩམས།
རྒྱུགས་རྩལ་རླུང་ལ་འགྲན་བཞིན་པའི་དགེ་རྒན་རྒན་རབས་ཚོའི་གཟི་ཉམས།
ལུས་རྩལ་དྲུག་རྫོགས་པའི་དགེ་རྒན་ན་གཞོན་ཚོའི་གཟི་ཉམས།
མཆོང་རྩལ་འགྲན་བཞིན་པའི་ལུས་རྩལ་པ།
རྔུལ་ཆུས་བསགས་པའི་རྒྱལ་ཁའི་རྟགས་མ།
སློབ་གཙོ་དབང་ཆེན་ཚེ་རིང་ལགས་ཀྱིས་ཐེངས་འདིའི་ལུས་རྩལ་འགྲན་ཚོགས་ཁྲོད་ཐུན་མོང་གི་བྱ་དགའ་ཨང་དང་པོ་འཐོབ་མཁན་ལ་བྱ་དགའ་གནང་བཞིན་པ།
ལུས་རྩལ་འགྲན་ཚོགས་ཁྲོད་ཐུན་མོང་གི་བྱ་དགའ་འཐོབ་མཁན་གྱི་འཛིན་གྲྭ།
འབྲེལ་ཡོད་འོས་སྦྱོར།
