0/20གྲགས་པེ། ཕ་ཡུལ་མཚོ་ལྷོ་ཁུལ་བྲག་དཀར་རྫོང་ནས་ཡིན། དམའ་འབྲིང་སྐབས་ཡིག་མཁན་ཁོ་ལེ་དགེ་རྒན་དུ་བསྟེན་ནས་དབུ་མེད་དང་དབུ་ཅན་ཡིག་གཟུགས་ལ་ཐོག་མར་སྦྱངས་ཤིང་། མཐོ་འབྲིང་སྐབས་ཡིག་མཁན་ཟུར་གཙང་གཡང་འབུམ་ལགས་ཀྱི་དྲུང་ནས་གཙང་བྲིས་ཚུགས་ཆེན་ལ་སྦྱངས། སློབ་ཆེན་སྐབས་གཅན་ཚའི་བཀའ་བསྟན་གསེར་བྲིས་གླིང་དུ་ཞུགས་ནས་སྙེ་བྲིས་དང་སྨོན་ལམ་ཡིག་གཟུགས་ལ་ཆེད་སྦྱོང་བྱས། ཕྱིས་སུ་ཀན་སུའུ་མི་རིགས་དགེ་འོས་སློབ་ཆེན་གྱི་ཡིག་གཟུགས་དགེ་རྒན་སངས་རྒྱས་བཀྲ་ཤིས་ཀྱི་མདུན་ནས་སྨོན་ལམ་ཡིག་གཟུགས་དང་། དཔང་ལོ་ཙཱ་བའི་ཕྱག་རྒྱུན་ལཉྫ་དང་ཝརྟུ། ས་སྐྱའི་འབྲུ་མའི་ཡི་གེ་སོགས་ལ་སྦྱངས། སློབ་གྲྭ་ཆེ་འབྲིང་ཆུང་གསུམ་སྐབས་ཡིག་གཟུགས་ཀྱི་བྱ་དགའ་ཨང་དང་པོ་ཐེངས་དུ་མར་ཐོབ་ཅིང་། ཕྱི་ལོ༢༠༢༡ལོར། རྒྱལ་ཡོངས་ཀྱི་སྐབས་གཉིས་པའི་དབང་གཉིས་རྟགས་མའི་ཡིག་གཟུགས་དང་རི་མོའི་འགྲན་བསྡུར་ཁྲོད་ཨང་གཉིས་པ་ཐོབ། ཕྱི་ལོ༢༠༢༢ལོར། ཐེ་བོ་རྫོང་གིས་སྤེལ་བའི་རྒྱལ་ཡོངས་ཡིག་གཟུགས་དང་རི་མོའི་འགྲན་བསྡུར་ཁྲོད་བྱ་དགའ་ཨང་གསུམ་པ་ཐོབ། ད་ལྟ་རྒྱལ་ཁབ་རིམ་པའི་གཟུགས་མིན་ཤུལ་བཞག་རིག་གནས་མགོ་ལོག་སྡེར་ནང་ས་བྲིས་རྒྱུན་འཛིན་པ་དགེ་རྒན་སེངྒེ་དར་རྒྱས་ཚང་གི་མདུན་ནས་ཡིག་གཟུགས་ལ་སློབ་གཉེར་བྱེད་མུས་སུ་ཡོད།
