གདུགས་དཀར་ཚེ་རིང་ངམ་པིར་མིང་ལ་སྨྱུག་འཛིན་ཟེར། སྤྱི་ལོ༢༠༠༠ལོར་མཚོ་སྔོན་ཞིང་ཆེན་མཚོ་ལྷོ་ཁུལ་གུང་ཧོ་རྫོང་ཐང་དཀར་མ་གྲོང་རྡལ་བྲག་དཀར་སྡེ་བར་སྐྱེས་ལ། ཆུང་དུས་ནས་དྲིན་ཆེན་ཕ་མ་བཟང་པོའི་སྐུ་དྲིན་གྱིས་སློབ་གྲྭ་འགྲིམས་ནས་ཤེས་བྱ་རིག་པའི་གནས་ལ་སྦྱངས་བརྩོན་བྱེད་པའི་བསྐལ་བ་ལྡན། སློབ་ཆུང་ནས་རིམ་བཞིན་ཡིག་གཟུགས་དང་རི་མོ་སྦྱོང་འགོ་ཚུགས་པ་དང་། ༢༠༡༧ལོ་ནས་བཟུང་བོད་ཀྱི་ཡིག་མཁན་དགེ་རྒན་བླ་མ་ཚེ་རིང་སོགས་དགེ་རྒན་ལ་བསྟེན་ནས་རིམ་བཞིན་སྙེ་བྲིས་དང་། ཁམས་ཕྱོགས་ཀྱི་དབུ་མེད་ཚུགས་རིང་། པཎ་ཆེན་ཚུགས་རིང་། སྡེ་ནང་ས་བྲིས་སོགས་ལ་སྦྱངས། དེ་ནས་རིམ་བཞིན་མཚོ་ལྷོ་ཁུལ་ལས་རིགས་ལག་རྩལ་སློབ་གྲྭར་ཞུགས་རྗེས་ཐང་གའི་འབྲི་བཞེངས་སོགས་ཀྱི་ལས་ལའང་འབད་པས་ཞུགས། སྔ་ཕྱིར་དུས་དེབ་སྣ་ཚོགས་སྟེང་ཡིག་གཟུགས་དང་རི་མོའི་བརྩམས་ཆོས་མང་དུ་བཀོད་མྱོང་ཞིང་དེ་འབྲེལ་གྱི་གཟིགས་བཟོས་ཀྱང་རེ་འགའ་བླངས་མྱོང་།
