0/18བདག་མེད། (ཡོན་ཏན)ནི1987ལོར་སྐྱེས་ཤིང་། མཚོ་ལྷོའི་མི་ཡིན། 2007ལོར་རང་གི་དགའ་ཕྱོགས་ལྟར་པར་ལེན་གྱི་ལས་སུ་ཞུགས་ཤིང་། ཀྲུང་གོའི་དམངས་སྲོལ་པར་ལེན་མཐུན་ཚོགས་ཀྱི་ཚོགས་མི་དང་། མཚོ་སྔོན་ཞིང་ཆེན་པར་ལེན་མཐུན་ཚོགས། མཚོ་ལྷོ་ཁུལ་པར་ལེན་མཐུན་ཚོགས། མགོ་ལོག་ཁུལ་པར་ལེན་མཐུན་ཚོགས་ཀྱི་ཚོགས་མི། བོད་ཀྱི་ཆེས་ཐོག་མའི་པར་ལེན་ཚོགས་པ་གངས་ཕྲུག་པར་ལེན་རུ་བའི་དྲུང་ཡིག་པ། སྔ་རྗེས་སུ«གངས་རྒྱན་མེ་ཏོག»དང«ཟླ་ཟེར།» པེ་ཅིན་གྱི་མིང་གྲགས་འཁྲབ་སྟོན་པའི་དེབ་སོགས་ཞིང་ཆེན་ཕྱི་ནང་གི་དུས་དེབ་ཏུ་སྙན་ངག་དང་པར་རྩོམ་མི་ཉུང་བ་སྤེལ་མྱོང་། རྒྱལ་སྤྱིའི་གཙང་གསུམ་པར་ལེན་འགྲེམ་སྟོན་སྟེང་།༼ཆོས་གྲོགས༽ཞེས་པར་བྱ་དགའ་ཐོབ་པ་དང་། ཀྲུང་གོའི་མིང་གྲགས་པར་ལེན་འགྲན་བསྡུར་ཁྲོད༼ཕྱིར་མིག༽ཅེས་པར་བྱ་དགའ་ཨང་དང་པོ་ཐོབ། ད་དུང་ཁུལ་དང་རྫོང་རིམ་པའི་བྱ་དགའ་གང་མང་ཐོབ་མྱོང་། རྒྱལ་ཁབ་བཅོ་ལྔའི་མཉམ་སྒྲུབ་རི་འཛེགས་ལྕགས་རྟའི་འགྲན་བསྡུར་ཁྲོད་པར་ལེན་གྱི་འགན་ཁུར། ད་ལྟ་འགྲུལ་བཞུད་ཀྱི་ཞོར་དུ་ཕ་ཡུལ་གྱི་དགའ་ཕྱོགས་གཅིག་པའི་པར་ལེན་པའི་དཔུང་སྡེ་སྤྲེལ་རྫོང་དམངས་སྲོལ་པར་ལེན་མཐུན་ཚོགས་ཀྱི་འགན་ཁུར་པ་ཡིན།
