0/10ལུ་གུ་དོན་གྲུབ། ༢༠༠༣ལོར་ཀྱེ་ཕུར་རྫ་རྒན་གྱི་ཁྱིམ་ཚང་དཀྱིས་མ་ཞིག་ཏུ་སྐྱེས། ཆུང་དུས་ནས་བོད་ཀྱི་ཡིག་གཟུགས་ལ་དད་མོས་ལྡན་ཕྱིར་ཡིག་གཟུགས་ལ་འབྲི་སྦྱོང་བྱེད་མགོ་བརྩམས། སྐལ་བའི་དབང་གིས་རྒན་ཀུན་བཟང་དོན་གྲུབ་ལགས་དང་རྒན་ཨ་ཁུ་ཤེས་རབ་གཉིས་ལ་འཕྲད་པས་ཡིག་གཟུགས་ཀྱི་བླ་མར་བསྟེན། ༡༠༡༩ལོར་མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་དང་པོའི་ཡིག་གཟུགས་དགའ་མོས་འཛིན་གྲྭར་ཞུགས། ཕོ་བྲང་ཆེན་མོ་པོ་ཏ་ལའི་རྩེ་སློབ་གྲྭའི་གཞུང་བྲིས་ཀྱི་རྒྱུད་འཛིན་པ་རྒན་ཀུན་བཟང་དོན་གྲུབ་བམ་བསེ་རུ་ནག་པོའི་མདུན་ནས་གཞུང་བྲིས་ལ་སློབ་གཉེར་བྱེད་པའི་སྐལ་བ་ལེགས་པོ་ལྡན། དེ་ནས་བཟུང་རྒན་བཀའ་དྲིན་ཅན་ཁོང་གི་བུམ་པ་གང་བྱོའི་མཛུབ་སྟོན་དང་རང་ཉིད་ཀྱི་བརྩོན་པ་གཉིས་ཟུང་དུ་སྦྲེལ་ནས་ཡིག་གཟུགས་ཚད་ལྡན་ལ་སྦྱོང་བར་དབུ་ཁྱུད་བྲིས། རྒན་ལགས་ཀྱི་སློབ་སྟོན་དང་ཕ་མ་གཉིས་ཀྱི་རྒྱབ་སྐྱོར་འོག་མཐོ་འབྲིང་གི་ལོ་ངོ་གསུམ་གྱི་རིང་ལ་རྩེའི་སློབ་གྲྭའི་གཞུང་བྲིས་ལས་ཚུགས་རིང་དང་ཚུགས་ཐུང་། ཚུགས་ཆུང་། འབྲུ་ཚ་བཅས་ལ་སྦྱངས། རྒན་ཨ་ཁུ་ཤེས་རབ་ཀྱི་མདུན་སར་དབུ་ཅན་སྨོན་བྲིས་སྦྱངས། ད་ལྟ་མཚོ་སྔོན་དགེ་ཐོན་སློབ་ཆེན་དུ་སློབ་གཉེར་བྱེད་བཞིན་ཡོད།
