༄༅།།གསེར་རྟ་རྫོང་གིས་གསེར་རྟའི་རིག་གནས་དུས་ཆེན་རོལ་བ།

སྤྱི་ཟླ8པའི་ཚེས6ནས8ཉིན་བར། སི་ཁྲོན་དཀར་མཛེས་རི་ཁུལ་རིག་གནས་ཡུལ་སྐོར་དུས་ཆེན་གྱི་མུ་འབྲེལ་བྱ་འགུལ་གྲས་ཤིག་ཡིན་པའི་གསེར་རྟ་རྫོང་གི་གསེར་རྟའི་རིག་གནས་དུས་ཆེན་བྲག་ཆེན་ཐང་དུ་མགོ་བརྩམས་ཤིང་། ས་གནས་མང་ཚོགས་ཀྱིས་ལུས་ལ་གཟབ་མཆོར་སྤྲས་ཏེ་གླུ་ལེན་གར་རྩེ་བྱེད་བཞིན་མཉམ་དུ་འཛོམས་ནས་རིག་རྩལ་འཁྲབ་སྟོན་དང་། རྟ་རྒྱུག་འགྲན་བསྡུར། སྲོལ་རྒྱུན་རྒྱན་གོས་འགྲེམས་སྟོན། དངོས་མིན་ཤུལ་བཞག་རིག་གནས་འགྲེམས་སྟོན་སོགས་ཀྱི་བྱ་འགུལ་རབ་དང་རིམ་པ་སྤེལ། ཉེ་བའི་ལོ་ཤས་རིང་། ས་གནས་སྲིད་གཞུང་གིས་རིག་གནས་ཡུལ་སྐོར་དང་། ཞིང་བའི་ཡུལ་སྐོར། འབྲོག་པའི་ཡུལ་སྐོར་བཅས་མཉམ་འདྲེས་འཕེལ་རྒྱས་ཐད་སྐུལ་འདེད་བཏང་ནས་ས་ཁོངས་ཧྲིལ་པོའི་ཡུལ་སྐོར་སྣ་མང་ཕུན་སུམ་ཇེ་ཚོགས་སུ་ཕྱིན་པས་ས་གནས་དེའི་དབུལ་ཐར་འབྱོར་འབྲིང་ཕྱོགས་སུ་བསྐྱོད་པའི་བྱ་གཞག་གལ་ཆེན་ཞིག་ཏུ་གྱུར་ཡོད།