༄༅།།2020ལོའི་མཚོ་ལྷོ་ཁུལ་གྱི་སྐབས་བརྒྱད་པའི་གཟའ་མཇུག་ཐང་ཆེན་གྱི་ཕུལ་བྱུང་རྩེད་མོའི་འཁྲབ་སྟོན་བསྡུས།
རྩོམ་པ་པོ།：ངེད་དྲ་བ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2020-09-28
ཀློག་གྲངས།：
ཉེ་ལམ། མཚོ་ལྷོ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་གཙོ་སྒྲུབ་དང་། མཚོ་ལྷོ་ཁུལ་རིག་གནས་ཁང་གིས་འགན་སྒྲུབ་གནང་བའི2020ལོའི་མཚོ་ལྷོ་ཁུལ་གྱི་སྐབས་བརྒྱད་པའི་གཟའ་མཇུག་ཐང་ཆེན་གྱི་ཕུལ་བྱུང་རྩེད་མོའི་འཁྲབ་སྟོན་བསྡུས་ཤིང་། ཆབ་ཆ་ས་ཁུལ་གྱི་རུ་ཁག12དང་འཁྲབ་སྟོན་པ200ལྷག་གིས་ལུས་རྩལ་སྣ20ལ་ཉེ་བ་འཁྲབ་སྟོན་གནང་སྟེ། མཚོ་ལྷོ་ཁུལ་གྱི་རིག་གནས་དང་ཡུལ་སྐོར་མཐུན་སྦྱོར་བྱུང་བའི་རྣམ་པ་ལེགས་པོར་བསྟན་ལ། དུས་རབས་གསར་བ་དང་འཚོ་བ་གསར་བའི་བདེ་སྐྱིད་ཀྱི་ཚོར་སྣང་བརྗོད་ཅིང་། མཐོ་སྒང་ཞང་གྲོང་འཛུགས་སྐྲུན་དང་སྐྱེ་ཁམས་དཔལ་ཡོན་འཛུགས་སྐྲུན། དབུལ་ཐར་མཁྲེགས་གཏོར་སོགས་ནང་དོན་མཚོན་པར་བྱས་ཡོད།
ཐེངས་འདིའི་འཁྲབ་སྟོན་ནི་གཙོ་ཆེར་ཁུལ་ཡོངས་ཀྱི་རྒྱ་ཆེ་བའི་ཐང་ཆེན་བྲོ་གར་དགའ་མོས་པ་རྣམས་ལ་ཕན་ཚུན་སློབ་སྦྱོང་དང་རང་ཉིད་ངོམ་པའི་སྟེགས་བུ་ཞིག་བསྐྲུན་པ་ཡིན་ལ། སྔར་ལས་ལྷག་པར་ཁུལ་ཡོངས་ཀྱི་མི་དམངས་མང་ཚོགས་རིག་གནས་བྱ་འགུལ་ལ་ཞུགས་པའི་སྤྲོ་སེམས་སྐུལ་སློང་དང་། རིག་གནས་ཁང་གིས་དམངས་ཡོངས་ཀྱི་སྒྱུ་རྩལ་ཁྱབ་བརྡལ་དང་སྤྱི་བའི་རིག་གནས་ཞབས་ཞུའི་ཁྲོད་ཀྱི་གཟེངས་ཐོན་གནས་བབ་འབུར་དུ་བཏོད་ཅིང་། གཅིག་བསྡུས་སྒོས་གཟའ་མཇུག་ཐང་ཆེན་རྩེད་མོའི་རྣམ་པ་བཀྲམ་ལ། རང་རྟོགས་ཀྱིས་རིག་གནས་ཡུལ་སྐོར་ཐོན་རྫས་དང་ཚོང་རའི་ཉོ་ཚོང་གི་མཉམ་འབྲེལ་གར་སྟེགས་སྐྲུན་པ་དང་། མུ་མཐུད་དུ་ཡུལ་སྐོར་གྱི་རྣམ་པ་གསར་བ་བསྐྲུན་ཏེ། མཚོ་ལྷོ་ཁུལ་གྱི་བསམ་པའི་དཔལ་ཡོན་འཛུགས་སྐྲུན་ལ་སྐུལ་སྤེལ་དང་། རྒྱུན་རྣམ་ཅན་གྱི་རིམས་འགོག་འོག་ཁུལ་ཡོངས་ཀྱི་དཔལ་འབྱོར་གཏན་འཇགས་ཁྲོད་ཡར་འཕེལ་ཡོང་ཞིང་། སྤུས་ལེགས་ཀྱིས་འཕེལ་རྒྱས་སུ་འགྲོ་བར་བསམ་པའི་སྒུལ་ཤུགས་མཁོ་འདོན་བྱས།
འབྲེལ་ཡོད་འོས་སྦྱོར།
