༄༅།།2021ལོའི་མཚོ་སྐོར་ལྕགས་རྟ་འགྲན་སྡུར་ཟླ7པའི་ཚེས3ཉིན་སྤེལ་རྒྱུ་རེད།

      ཟླ3པའི་ཚེས27ཉིན་གྱི་སྔ་དྲོར། མཚོ་སྔོན་པོ་སྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་སྡུར་སྐབས་ཉི་ཤུ་བའི་འགོ་རྩོམ་མཛད་སྒོ་སྤེལ་བར་ཏག་ཏག་ཉིན100ཡོད་པ་དང་། ཞིང་ཆེན་དཀྱིལ་སྙིང་ཐང་ཆེན་ནས་སྤེལ་རྒྱུ་རེད། ཐེངས་འདིའི་མཚོ་སྐོར་འགྲན་སྡུར་ལ་འགྲན་དུམ8བཀོད་སྒྲིག་བྱས་ཡོད་ཅིང་། ཟི་ལིང་དང་མཚོ་ཤར། མཚོ་བྱང་། མཚོ་ལྷོ། མཚོ་ནུབ་བཅས་བརྒྱུད་དགོས་ལ། སྤྱིའི་བར་ཐག་སྤྱི་ལེ1377ཙམ་ཟིན་ཡོད།        མཚོ་སྐོར་འགྲན་སྡུར་ནི2002ལོར་གསར་དུ་སྤེལ་བ་དང་། རིམ་པ2.5དང2.3ནས་རིམ་པ2.HCབར་ཡིན་ཞིང་འགྲན་སྡུར་གྱི་རིམ་པ་རྒྱུན་ཆད་མེད་པར་མཐོ་རུ་ཕྱིན་ཡོད། 2019ལོར་མཚོ་སྐོར་འགྲན་སྡུར་ཐད“ཚད་གཞི་མཐོན་པོ”བྱུང་ནས་རྒྱལ་སྤྱིའི་ལྕགས་རྟ་མནའ་འབྲེལ（UCI）གྱི་ལས་རིགས་རིམ་པའི་འགྲན་སྡུར་དུ་རིམ་སྤོར་བྱས། པྲོག་གསར་གློ་ཚད་ཀྱི་ཤུགས་རྐྱེན་ཐེབས་ནས2020ལོར་མཚོ་སྐོར་འགྲན་སྡུར་སྐབས་བཅུ་དགུ་བ་མེད་པར་བཟོས་པ་རེད།       རྒྱལ་སྤྱིའི་ལྕགས་རྟ་མནའ་འབྲེལ་གྱི་འགྲན་སྡུར་བཀོད་སྒྲིག་ལྟར། མཚོ་སྐོར་འགྲན་སྡུར་སྐབས་ཉི་ཤུ་བ་དེ2021ལོའི་ཟླ7པའི་ཚེས4ཉིན་ནས་ཟླ7པའི་ཚེས11ཉིན་བར་མཚོ་སྔོན་ཞིང་ཆེན་གྱི་ས་ཁོངས་སུ་སྤེལ་རྒྱུ་ཡིན་ལ། ཟླ7པའི་ཚེས3ཉིན་ཟི་ལིང་གྲོང་ཁྱེར་དུ་འགོ་རྩོམ་མཛད་སྒོ་སྤེལ་རྒྱུ་ཡིན་པ་དང་ཟླ7པའི་ཚེས11ཉིན་གཏེར་ལེན་ཁ་གྲོང་ཁྱེར་དུ་མཇུག་སྒྲིལ་མཛད་སྒོ་སྤེལ་རྒྱུ་རེད།